Amaranthus caudatus
Vosta amaranto (Amaranthus caudatus) [1] nomita en la Andoj Kiwicha, keĉua vorto,[2][3] estas plantospecio, hejmiĝanta en Sudameriko el la genro Amaranto.
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 Vosta amaranto (Amaranthus caudatus) | ||||||||||||||||
| Biologia klasado | ||||||||||||||||
| ||||||||||||||||
| Amaranthus caudatus L. | ||||||||||||||||
Aliaj Vikimediaj projektoj | ||||||||||||||||
Aspekto
La vosta amaranto estas unujara, monoika, herba planto kiu atingas alton de 30 ĝis 100 (malofte ĝis 150–200) cm. Ĝi havas pivotajn radikojn, kiuj havas ruĝan aŭ rozean koloron en la supra parto.
La ĝis 1,5 m longa floraro konsistas el multaj florvolvaĵoj. Plej ofte ili estas malhelpurpuraj. Povas esti, ke iliaj floraroj ankaŭ povas havi verdan, flavan, rozean, oranĝan, ruĝan kaj brunan kolorojn.
La sentigaj floroj havas grandecon de 2 ĝis 3 mm.
La specio kreskas ĝis alteco de 3200 m. Ĝi ne toleras froston. Ĝi kreskas sur sablaj kaj lomaj grundoj. La grundoj estu akvotralaseblaj, acidetecaj ĝis alkalaj. Ĝi preferas grandajn precipitaĵojn. Ĝi estas C4-planto kaj kvalita kurtaga planto (KTP), kiu floras de julio ĝis septembro.[4] La produkto estas ĉ. 500–4000 kg/ha.[5]
La kromosomnombro estas 2n = 34[6] aŭ 2n = 32.[5]
Disvastiĝo
La vosta amaranto nur estas konata en kulturo. Verŝajne ĝi evoluiĝis el Amaranthus quitensis, kiu estas disvastigita apud riverbordoj en moderaj kaj varmaj zonoj. [4]
Uzado
La planto estis kultivita ekde miloj da jaroj en la Andoj kaj Mezameriko. En la antaŭkolonia tempo la planto servis kiel liveranto de proteinoj.[2][7]
Kiel falsa cerealo la vosta amaranto estas kultivata en Peruo, Bolivio, Nord-Argentino kaj en Himalajo de Kaŝmiro ĝis Butano. En Eŭropo ĝi estas kultivata nur kiel ornamplanto en kamparanaj ĝardenoj, en bedoj kiel tranĉfloroj kaj kiel sekfloroj. La specio estis kultivata minimume ekde 1568.[4]
Bildaro
floroj de la Vosta amaranto
Kiwicha-Samen
vosta amaranto, folioj kaj tigo
Eksteraj ligiloj
- Thomas Meyer: Datenblatt mit Bestimmungsschlüssel und Fotos bei Flora-de: Flora von Deutschland (alter Name der Webseite: Blumen in Schwaben)
- Garten-Fuchsschwanz (Amaranthus caudatus) Arkivigite je 2019-10-08 per la retarkivo Wayback Machine auf pflanzen-lexikon.com, * Amaranthus caudatus bei Useful Tropical Plants, abgerufen am 29. Mai 2017.
- Amaranthus caudatus[rompita ligilo] bei vPlants, abgerufen am 2. Juni 2017.