Comhaontuithe Osló
In Osló i 1993[1] agus i 1995,[2] d’aontaigh Eagraíocht Shaoirse na Palaistíne (an PLO) conarthaí le hIosrael, na Comhaontuithe Osló (Béarla: Oslo Accords). Thug an PLO aitheantas don stát Iosraelach, agus thug Iosrael aitheantas don PLO mar ionadaí an Phobail Phalaistínigh.[3] Tháinig Yitzhak Rabin (Príomh-aire Iosrael), Bill Clinton, agus Yasser Arafat (ar son an PLO) le chéile ar 13 Meán Fómhair 1993 sa Teach Bán chun an chéad comhaontú[1] a shíniú.
Cineál | comhaontú |
---|---|
Cuid de | peace process in the Israeli–Palestinian conflict (en) |
Le cuid | |
Iarmhairtí
Bronnadh Duais Nobel na Síochána ar Yitzhak Rabin agus Yasser Arafat sa bhliain 1994, as a saothar i bpróiseas na síochána.
Feallmharaíodh Rabin in 1995 (ba é Yigal Amir an dúnmharfóir, ceartchreidmheach agus antoisceach den eite dheis).
Níos déanaí, cháin Benjamin Netanyahu (Príomh-aire Iosrael, ball de Likud) agus Hamas araon na Comhaontuithe Osló.