奧斯陸協議
奧斯陸協議(英文:Oslo Accords)係一份以色列同巴勒斯坦解放組織之間喺1993年簽嘅和平協議,係解決以巴衝突嘅重要里程碑。
類型 | 雙向協議 |
---|---|
條文 | 以巴和談 |
簽署日期 | 1993年9月13號 |
調解方 | 挪威、 美國 |
締約方 | 以色列、 巴勒斯坦解放組織 |
語言 | 英文、希伯來文、阿拉伯文 |
以巴和談早期喺挪威奧斯陸開始,亦係個協議名嘅來源。喺協議入面,以色列同巴勒斯坦解放組織同意互相承認做和談嘅對象。同時,協議建立咗巴勒斯坦自治政府,嚟控制巴勒斯坦國部分地區。和談期間嘅主要議題包括:以色列喺西岸地區嘅聚居地、耶路撒冷嘅地位、同埋巴勒斯坦人嘅回歸權。協議之中並冇提及巴勒斯坦國係“國家”[1]。
呢份協議帶嚟咗唔少嘅反對聲音,特別係嚟自以巴雙方嘅民族主義團體。喺巴勒斯坦方面,美國哲學家 Edward Said 叫呢份協議做“巴勒斯坦凡爾賽”[2],而哈馬斯亦喺談判期間發動過自殺襲擊[3][4]。喺以色列方面,一位極右派人士因爲呢份協議,刺殺咗總理拉賓[5][6]。以巴兩邊喺簽咗協議之後,都嘗試繼續和談,不過喺2000年嘅一次談判失敗咗之後就完咗。