Sa cheimic, deir Dlí an chomhshuímh thairisigh, ar a dtugtar Dlí Proust uaireanta, go mbíonn an comhshuíomh ceimiceach céanna, i gcóimheas seasta (de réir maise) i gcónaí ag aon chomhdhúil ar leith, cibé slí, áit nó am a dtáirgeadh nó a bhfuarthas í.
Is féidir a chinneadh le modhanna ceimeacha áirithe, na céatadáin de na dúile ar leith as a bhfuil an chomhdhúil comhshuite. Tugtar comhshuíomh ceimiceach na comhdhúile ar na céatadáin sin.
Mar shampla, tá 8/9 de mhais aon sampla d'uisce íon comhdhéanta de ocsaigin, agus an chuid eile de 1/9 comhdhéanta de hidrigin: Tá an mhais an dá dhúil i gcomhdhúil i gcónaí sa chóimheas céanna. Mar aon le Dlí na gcomhréir iolrach, is é Dlí an chomhshuímh thairisigh bunús na stócaiméadrachta.[1]
