Buchenwald

Orixinarimente destinado a encerrar a opositores do réxime nazi, a maioría comunistas ou socialdemócratas, recibiu posteriormente uns 10 000 xudeus arrestados na noite dos cristais rotos en 1938, así como xitanos, homosexuais e presos por deilitos comúns.

Durante a segunda guerra mundial foron enviados alí tamén prisioneiros de guerra. Os presos políticos organizaron alí unha resistencia.^[1]

En total estímase que estiveron presas unhas 250 000 persoas procedentes de todos os países de Europa. O número de vítimas, provocadas polas enfermidades, a mala sanidade, os traballos forzados, as torturas, os experimentos médicos e os fusilamentos, estímase nunhas 56 000, entre elas 11 000 xudeus.^[2]

Porén, como campo de concentración, en Buchenwald non había cámaras de gas, as cales eran propias dos campos de exterminio.^[3][4]

O campo foi liberado o 11 de abril de 1945 por membros do exército estadouniodense ao mando do xeneral Patton.^[5]

Entre 1945 e 1950, o campamento foi utilizado polas autoridades de ocupación soviéticas como un campo de internamento para antigos colaboracionistas nazis, coñecido como NKVD Campamento Especial nº 2.

Bibliografía

• Blum, Léon (2000): Le dernier mois. París: Arléa. ISBN 978-2-8695-9506-4.
• Blum, Léon (2003): Lettres de Buchenwald. París: Gallimard. ISBN 2-0707-6335-8.
• Manhès, Frédéric H. (1947): Buchenwald: L’organisation et l’action clandestines des déportés français, 1944-1945.
• Semprún, Jorge (1997): L'Écriture ou la Vie. París: Gallimard. ISBN 978-2-0704-0055-3.
• Semprún, Jorge (2001): Le mort qu'il faut. París: Gallimard. ISBN 978-2-0704-2454-2.
• Semprún, Jorge (2002): Quel beau dimanche. París: Grasset. ISBN 978-2-2460-8883-7.

Ligazóns externas

• "Behind the Picture: The Liberation of Buchenwald" Life.time.com (Imaxes do campo tras a súa liberación).