Cam Reddish
Cameron Elijah Reddish, nado o 1 de setembro de 1999 en Norristown, Pensilvania, é un xogador de baloncesto profesional estadounidense que xoga nos Los Angeles Lakers da National Basketball Association (NBA).
 | |
| Los Angeles Lakers – No. 5 | |
| Posición | Ala |
|---|---|
| Información persoal | |
| Nacemento | 1 de setembro de 1999 (24 anos) Norristown, Pensilvania |
| Nacionalidade |  Estados Unidos |
| Altura | 2,01 m (6 ft 7 in) |
| Peso oficial | 98 kg (217 lb) |
| Información da carreira | |
| Instituto | Haverford School (Haverford, Pensilvania) Westtown School (West Chester, Pensilvania) |
| Universidade | Duke (2018–2019) |
| NBA Draft | 2019 / Rolda: 1 / Elección: 10 Por Atlanta Hawks |
| Carreira | desde 2019 |
| Historial de equipos | |
| Atlanta Hawks (2019–2022) New York Knicks (2022–2023) Portland Trail Blazers (2023) Los Angeles Lakers (2023–presente) | |
Traxectoria profesional
O 20 de xuño de 2019, Reddish foi escollido na 10ª posición do Draft da NBA de 2019 polos Atlanta Hawks.[1] Reddish asinou cos Hawks o 1 de xullo de 2019.[2] O 24 de outubro de 2019, Reddish debutou na NBA, na vitoria dos Hawks por 117–100 contra os Detroit Pistons.[3]
O 13 de xaneiro de 2022, Reddish foi traspasado xunto a Solomon Hill e unha elección da segunda rolda do Draft de 2025 ós New York Knicks, a cambio de Kevin Knox e unha elección de primeira rolda do Draft.[4] Reddish debutou cos Knicks o 23 de xaneiro de 2022.[5]
O 9 de febreiro de 2023, os Knicks traspasaron a Reddish ós Portland Trail Blazers, nun traspaso entre catro equipos no que tamén participaron os Charlotte Hornets e os Philadelpha 76ers.[6] Debutou cos Trail Blazers o día seguinte, facendo 11 puntos na derrota por 138–129 contra os Oklahoma City Thunder.[7]
O 6 de xullo de 2023, Reddish asinou cos Los Angeles Lakers.[8]
Notas
Véxase tamén
Ligazóns externas
- Perfil en NBA.com (en inglés)
- Estatísticas en Basketball-Reference Arquivado 27 de abril de 2021 en Wayback Machine. (en inglés)