Frederico III de Alemaña
Frederico III de Hohenzollern, nado en Potsdam o 18 de outubro de 1831 e finado o 15 de xuño de 1888, foi o emperador de Alemaña (káiser) e rei de Prusia, durante 1888 (9 de marzo-15 de xuño).
| Frederico III de Alemaña | |
|---|---|
| Emperador de Alemaña, Rei de Prusia | |
 | |
| Reinado | 9 de marzo de 1888 - 15 de xuño de 1888 |
| Nacemento | 18 de outubro de 1831 Potsdam, Prusia  |
| Falecemento | 15 de xuño de 1888 Potsdam, Imperio alemán |
| Predecesor | Guillerme I |
| Sucesor | Guillerme II |
| Consorte | Vitoria de Saxonia |
| Descendencia |
|
| Proxenitores | Guillerme I Augusta de Saxonia-Weimar-Eisenach |
| Na rede | |
   | |
Traxectoria
Era fillo do príncipe Guillerme de Prusia e de Augusta de Saxonia-Weimar-Eisenach (o seu pai era irmán do rei Frederico Guillerme IV de Prusia).
En 1858 casou con Vitoria, princesa do Reino Unido, filla da raíña Vitoria de Gran Bretaña e Irlanda e Alberte de Saxonia-Coburgo-Hannover, coa que tivo oito fillos:
- Guillerme II (1859-1941), rei de Prusia, emperador de Alemaña.
- Carlota de Prusia (1860-1919), casada con Bernardo III de Saxonia-Hildburghausen (1851-1928).
- Henrique de Prusia (1862-1929), casado con Irene de Hesse (1866-1953).
- Sexismundo de Prusia (1864-1866).
- Vitoria de Prusia (1866-1929), casada con Adolfo von Schauburg-Lippe (?1916). Viúva, casou con Alexandre Zoubkoff (1901-1936).
- Waldemar de Prusia (1868-1879).
- Sofía de Prusia (1870-1932), casada con Constantino I de Grecia (1868-1940).
- Margarida de Prusia (1872-1954), casada co landgrave Frederico de Hesse (1868-1940).
Cando o seu pai converteuse en rei de Prusia, desde 1861 foi príncipe herdeiro da coroa. Participou como oficial de Prusia na Guerra austro-prusiana en 1866 e, en 1870, na Guerra franco-prusiana.
Con posterioridade á unificación alemá (a partir de 1871), Frederico, de ideas liberais e influído pola súa esposa, tivo diferenzas políticas co conservador chanceler Bismarck, pero se mantivo á marxe do poder político durante a vida do seu pai. Falecido Guillerme I o 9 de marzo de 1888, Frederico só puido reinar 99 días por padecer un cancro de larinxe, chegando a perder o fala tras unha operación. Sucedeulle á súa morte o seu fillo Guillerme II.