Julianne Moore

Filla de Peter Moore Smith, xuíz militar e coronel da Armada, e Ann, psiquiatra e traballadora social con ascendencia escocesa, ten dous irmáns máis novos, Peter Moore Smith e Valerie. A causa do traballo do seu pai, viviu na súa mocidade en máis de 33 sitios entre os Estados Unidos e Alemaña. Estivo casada tres veces; ten un fillo e unha filla do seu terceiro e último matrimonio co director Bart Freundlich, co que está casada desde 2003.

Na súa mocidade, estudou no Instituto Americano de Frankfurt e licenciouse en Belas Artes na Boston University.

Trasladouse a Nova York en 1983, onde traballou como camareira ata interpretar a Frannie e Sabrina Hughes na telenovela As the World Turns, polo que foi galardoada co Emmy.

Empezou no cine nos anos 90, sobre todo en papeis secundarios como o de The Hand That Rocks the Cradle (1992) ou O fuxitivo (1993). O seu papel en Short Cuts (1993) supúxolle moi boas críticas e un gran recoñecemento, e empezou a protagonizar filmes como Nine Months (1995), The Lost World: Jurassic Park (1997) ou a independente Safe (1995).

A partir de 1997 protagonizou varias películas polas que foi candidata aos Premios Oscar, como Boogie Nights (1997), The End of the Affair (1999), Far from Heaven (2002), The Hours (2002) e Still Alice, pola que finalmente recibiu o galardón.

Tamén protagonizou as películas Magnolia (1999) e Hannibal (2001).

O 1 de decembro de 2005, presentou o concerto na entrega do Premio Nobel da Paz en Oslo, xunto a Salma Hayek.

Ligazóns externas

• CBS News interview Arquivado 16 de setembro de 2011 en Wayback Machine. (30 de setembro de 2005)
• IGN Films interviewArquivado 26 de xullo de 2006 en Wayback Machine. (29 de abril de 2004)
• Guardian Unlimited interview (21 de febreiro de 2003)
• Guardian Unlimited interview (1 de febreiro de 2003)