Peso mexicano

Peso mexicano
Peso mexicano
Código:	MXN
Ámbito:	México
Símbolo:	$
Fracción:	100 centavos (¢)
Moedas:	5,10, 20, 50 centavos 1, 2, 5, 10, 20, 100 pesos
Billetes:	20, 50, 100, 200, 500, 1000 pesos
Emisor:	Banco de México
Taxa de troco: 10-08-2011	1 EUR = 17,4604 MXN 1 USD = 12,162 MXN
Troco actual

O Peso Mexicano é a moeda oficial de México.

Características

Está dividido en 100 centavos. O símbolo utilizado para o peso é $, e o do centavo é ¢. O código ISO 4217 do peso mexicano é MXN. Debido a que o nivel de exportacións de México é moi elevado, o peso mexicano é unha das quince divisas máis cotizadas do mundo.

A institución que se encarga da emisión e o control do peso é o Banco de México (Banco de México). Circulan billetes de 1.000, 500, 200, 100, 50 e 20 pesos e moedas de 10, 5, 2 e 1 pesos e de 50, 20, 10 e 5 centavos. Tamén hai emisións especiais de moedas de 20, 50 e 100 pesos, de escasa circulación.

Historia

As moedas de peso foron fabricadas dende o 11 de maio de 1535 pola Casa de Moeda de México en prata. Polo seu valor en prata, o peso foi utilizado non só á Nova España senón internacionalmente, e pódense atopar pesos á China ou ás Filipinas. O 1785, despois da independencia dos Estados Unidos, o peso converteuse na moeda de curso legal de toda a América do Norte, e foi a base do sistema do dólar americano, que non foi fabricado senón até ao 1792, e o cal utilizou o símbolo do peso, $. O peso foi aceptado como a moeda de curso legal aos Estados Unidos até ao 1857 e ao Canadá até ao 1858.

A diferenza do resto das nacións latinoamericanas, durante a maior parte do Século XX o peso mexicano foi unha divisa moi estábel, porén, despois da crise mundial do petróleo dos anos setenta e oitenta, o peso devaluouse en diversas ocasións. O 1993 introduciuse un novo sistema monetario coñecido como o Nuevo peso, "Novo peso", que substituía os "Antigos" pesos a razón de 1 novo peso por cada 1.000 antigos. Non obstante iso, o adxectivo "novo" non é utilizado dende 1996. Hoxe en día México, por medio dunha ampla política de abertura comercial, tense convertido nunha potencia exportadora, o cal ten feito que o peso sexa unha moeda moi estábel e unha das 15 moedas máis cotizadas do mundo.

Moedas que estiveron en circulación

Na derradeira serie de pesos anterior a 1992 emitíronse moedas con faciais comprendidos entre 1 centavo e 5,000 pesos. Nas distintas épocas, tanto as aliaxes como os tamaños e os valores mudaban as súas características técnicas, principalmente á inflación da década de 1970 e 1980. Estas moedas aínda poden ser trocadas polo seu equivalente en pesos actuais en 414 centros de troco dentro do país, so certas regras.

Moedas actualmente en circulación

Denominación ($)	Data de inicio de circulación	Metal		Forma	Diámetro	Deseño ao anverso	Deseño ao reverso
Denominación ($)	Data de inicio de circulación	Anel	Centro	Forma	Diámetro	Deseño ao anverso	Deseño ao reverso
5 centavos	1992 a 2002	Aceiro Inoxidábel		Circular	15.5 mm	Escudo Nacional	Estilización dos raios solares do anel dos Quincunces da Pedra do Sol.
10 centavos	1992	Aceiro Inoxidábel		Circular	17 mm	Escudo Nacional	Estilización do anel do Sacrificio da Pedra do Sol.
20 centavos	1992	Bronce - Aluminio		Dodecagonal	19.5 mm	Escudo Nacional	Estilización de Ácatl, (13) Décimo terceiro día da Pedra do Sol.
50 centavos	1992	Bronce - Aluminio		Dodecagonal lobulada	22 mm	Escudo Nacional	O Anel da aceptación da Pedra do Sol
1 peso	1992	Aceiro Inoxidábel	Bronce - Aluminio	Circular	21 mm	Escudo Nacional	O Anel do resplandor da Pedra do Sol
2 pesos	1992	Aceiro Inoxidábel	Bronce - Aluminio	Circular	23 mm	Escudo Nacional	O anel dos días da Pedra do Sol
5 pesos	1992	Aceiro Inoxidábel	Bronce - Aluminio	Circular	25.5 mm	Escudo Nacional	O Anel das serpentes da Pedra do Sol
10 pesos	1992 a 1995	Bronce - Aluminio	Prata Sterling 1/6 Onza	Circular	28 mm	Escudo Nacional	O círculo da Pedra do Sol
	1997		Alpaca				O círculo da Pedra do Sol
	2000 a 2001		Alpaca				Ano 2000 O Círculo da Pedra do Sol
20 pesos	1993 a 1995	Bronce - Aluminio	Prata Sterling 1/4 Onza	Circular	32 mm	Escudo Nacional	Miguel Hidalgo y Costilla
	2000 a 2001		Cuproníquel				Ano 2000 Señor da Lume
	2000 a 2001		Cuproníquel				Octavio Paz
50 pesos	1993 a 1995	Bronce - Aluminio	Prata Sterling 1/2 Onza	Circular	38.5 mm	Escudo Nacional	Nenos Heroes
100 pesos	2003	Bronce - Aluminio	Prata Sterling 1/2 Onza	Circular	39 mm	Escudo Nacional	Motivos dedicados aos 32 Estados de México
	2005						(80) Octoxésimo Aniversario do Banco de México
							(400) Cuadrinxentésimo Aniversario da 1ª Edición de O Enxeñoso Fidalgo Don Quixote da Mancha
							(470) Cuadrinxentésimo Septuaxésimo Aniversario da Casa de Moeda de México
							(100) Centésimo Aniversario da Reforma Monetaria de 1905
	2006						(200) Bicentenario do Natalicio de Benito Juárez

Billetes

**Serie actual ou Billetes *tipo F* (2006-2010)**
Denominación	Cor predominante	Dimensións	Descrición do anverso	Descrición do reverso
20 pesos	Azul	120 x 66 mm	Benito Juárez	Pirámides de Monte Albán
50 pesos	Rosa	127 x 66 mm	José María Morelos	Acueduto de Morelia
100 pesos	Vermello e amarelo	134 x 66 mm	Nezahualcóyotl	Tenochtitlán
200 pesos	Verde	141 x 66 mm	Sor Juana Inés de la Cruz	Hacienda de Panoayansmall
500 pesos	Marrón	148 x 66 mm	Diego Rivera	Frida Kahlo
1.000 pesos	Violeta	155 x 66 mm	Miguel Hidalgo	Universidade de Guanajuato

Billetes conmemorativos do 2010

O Banco de México puxo en circulación o 23 de setembro 50 millóns de billetes de 200 pesos conmemorativos do Bicentenario da Independencia de México, e 50 millóns de 100 pesos para celebrar o Centenario da Revolución Mexicana.^[1] Hai que sinalar que estes billetes conmemorativos non substituirán aos que actualmente están en circulación, senón que coexistirán con eles, e o Banco Central os retirará cando teñan concluído a súa vida útil.

**Billetes conmemorativos do 2010**
Imaxe do anverso	Imaxe do reverso	Denominación	Cor predominante	Dimensións	Descrición do anverso	Descrición do reverso
		100 pesos	Vermello e amarelo	134 x 66 mm	Tren que transportaba tropas revolucionarias	Parte do mural "Del porfirismo a la Revolución"
		200 pesos	Verde e vermello	141 x 66 mm	Miguel Hidalgo co Estandarte da Virxe de Guadalupe	Anxo da Independencia

Taxas de troco

1 EUR = 18,86 MXN (4 de agosto do 2009)
1 USD = 13,11 MXN (4 de agosto do 2009)

Notas

Véxase tamén

Outros artigos

[1]

Search