Pobos indíxenas australianos
- Artigo principal: Aborixes australianos.
Os indíxenas australianos son os pobos nativos de Australia. Inclúen os aborixes australianos, os aborixes tasmanianos así como os insulares do estreito de Torres, coñecidos a miúdo xuntos como aborixes e insulares do estreito de Torres.[1]
Descoñécese de onde proviñan con precisión, e como apareceron en Australia. Estímase que chegaron por primeira vez á súa terra natal entre hai 60.000 e 67.000 anos.[2] [3]
Historia dos pobos indíxenas
Os primeiros habitantes australianos foron nómades que chegaron a Australia desde o sueste asiático. Os científicos non saben exactamente cando chegaron pero hai polo menos 60.000 anos.[4] [5] [6] Cando os británicos chegaron a Australia en 1788, chamaron a estes pobos nativos "aborixes", é dicir, persoas que viviran alí desde os tempos máis antigos. Agora viven uns 650.000 aborixes en toda Australia.[7] Moitos indíxenas australianos sufriron cando os europeos de Gran Bretaña e Irlanda chegaron a Australia, pola perda das súas terras ou as novas doenzas traídas de Europa.[8]
Tempo do Soño
Os aborixes cren nuns antepasados animais, vexetais e humanos que crearon o mundo e todo o que hai nel. Ese proceso de creación chámase en inglés Dreamtime,(Tempo do Soño) Tjukurpa na lingua wati dos pitjantjatjara, os yankunytjatjara e os ngaanyatjarra. Hai moitas cancións e arte baséanse en antigas historias sobre o Tempo de Soño.[9]
Boomerangs
O boomerang típico está deseñado para auto-retornar, pero ten que ser tirado correctamente. Os máis modernos deseñados por ordenador poden ter tres ou catro ás en lugar das dúas tradicionais.[10] Os boomerangs foron descubertos en culturas sen conexión con Australia (como o antigo Exipto),[11] polo que se asume que o seu deseño foi independente entre si.
Reclamacións de terras
Cando os británicos chegaron a vivir a Australia, decidiron que a terra estaba baleira: que ninguén "posuía" a terra, tal como usaban os europeos esa palabra. Esta chamábase "terra nullius", palabras latinas para "terra baleira".
En 1976, o goberno australiano acordou que os aborixes teñen dereitos sobre a terra onde se atopaban orixinalmente as súas tribos e obtiveron o dereito de usar a terra. O 3 de xuño de 1992, o Tribunal Superior de Australia dixo que a idea de terra nullius era errónea e o goberno propuxo novas leis para establecer o Native Title.[12] Se os aborixes poden demostrar que sempre usaron determinadas terras, que non foron vendidas ou modificadas por actos gobernamentais, entón a terra podería ser reclamada como terra aborixe. O tratado foi conmemorado na exitosa canción "Treaty" de Yothu Yindi.[13]
Relación de galegos cos indíxenas australianos
No século XIX un dos primeiros europeos defensores dos dereitos dos indíxenas australianos como seres humanos plenos foi o galego Rosendo Salvado, introdutor tamén do eucalipto no continente europeo.[14]
Formulouse a hipótese da conexión entre os hórreos galegos e os "pataka", estruturas tradicionais de Nova Zelandia, apoiada en investigacións de Robert Langdon da Universidade Nacional de Australia. Foi suxerido que a expedición de García Jofre de Loaisa en 1525, que partiu da Coruña, podería ter contribuído á mestura xenética entre galegos e indíxenas de Oceanía. Annie Beart, destacou que Pedro Fernández de Quirós, no século XVII, atopou poboación branca, de cabelo louro e ollos azuis nas mesmas illas onde se supón que deambulou a carabela “San Lesmes” dende 1526. O argumento foi rexeitado por algúns porque a cantidade de galegos podería non ser significativa, e outros afirmaron que os trazos europeos na descendencia dos aborixes resaltaron a posibilidade de encontros históricos entre as dúas culturas previos á chegada de James Cook.[15]
Notas
Véxase tamén
Ligazóns externas
- Cerimonia Djungguwan da terra do nordeste de Arnhem
- Os aborixes gañan o "título nativo" sobre Perth
- O xornal de asuntos indíxenas máis circulante de Australia Arquivado
- Últimas noticias indíxenas de ABC News Online
- Australianos indíxenas - Biblioteca estatal de NSW Arquivado 30 de setembro de 2007 en Wayback Machine. Arquivado
- Biblioteca Virtual de Estudos Aborixes
- Departamento de Asuntos Indíxenas (Goberno Australiano) Arquivado 19 de xuño de 2008 en Wayback Machine.Arquivado
- Rede Europea para os Dereitos Indíxenas Australianos
- Indígena Australia - Sitio educativo do Museo Australiano Arquivado
- KooriWeb
- Norman B. Tindale's Catalog of Aboriginal Tribes Arquivado
- Reconciliación Australia
- Nenos cruzados de Australia, Bosnia e Noruega Arquivado 06 de decembro de 2008 en Wayback Machine. Arquivado