Primeiro ministro da República Popular da China

O primeiro ministro é o cargo administrativo máis alto no Goberno da República Popular da China. É responsable de organizar e administrar a burocracia civil chinesa. Por exemplo, o primeiro ministro ten a que xestionar a ordenación e aplicación do desenvolvemento económico e social nacional e o orzamento estatal.^[2] Isto inclúe supervisar os diferentes ministerios, departamentos, comisións e axencias estatais e anunciar as súas candidaturas á Asemblea Popular Nacional para viceprimeiros ministros, conselleiros estatais e cargos ministeriais. Os poderes do primeiro ministro e as súas responsabilidades están especificados na Constitución.

O primeiro ministro non ten o mando supremo do Exército Popular de Liberación, mais é o xefe da Comisión de Mobilización da Defensa Nacional da China e xefe da Comisión de Seguridade Nacional, que son departamentos das forzas armadas. Dende a década de 1980, houbo unha división de responsabilidades entre o primeiro ministro e o Secretario Xeral do Partido Comunista na que o primeiro ministro quedou como responsábel dos detalles técnicos da aplicación da política de goberno mentres o Secretario Xeral reúne o apoio político necesario para a política de goberno.

O primeiro ministro está apoiado por catro viceprimeiros ministros dende a reforma de Deng Xiaoping en 1983. O primeiro deles actuará no lugar do primeiro ministro en caso de ausencia.

• 
  1º — Zhou Enlai
  (1949–1976)
• 
  2º — Hua Guofeng
  (1976–1980)
• 
  3º — Zhao Ziyang
  (1980–1987)
• 
  4º — Li Peng
  (1987–1998)
• 
  5º — Zhu Rongji
  (1998–2003)
• 
  6º — Wen Jiabao
  (2003–2013)
• 
  7º — Li Keqiang
  (2013–presente)

• Presidente da República Popular da China
• Lista de primeiros ministros da República Popular da China
• Xefes de Estado e goberno actuais

Ligazóns externas

• Sitio web oficial do Goberno da PRCl (en chinés)