Vostok 1
Vostok 1 foi o nome da primeira misión tripulada da Historia, con Iuri Gagarin a bordo. Foi lanzada pola Unión Soviética o 12 de abril de 1961 mediante un foguete Vostok 8K72K desde o cosmódromo de Baikonur.[2][3][5]
| Vostok 1 | |
|---|---|
 A cápsula e o traxe de Gagarin en exposición | |
| Tipo | Tripulada |
| Data de lanzamento | 12 de abril de 1961, 6:07 GMT[1][2][3][4] |
| Foguete portador | Vostok 8K72K[2][5] |
| Sitio de lanzamento | Cosmódromo de Baikonur[2][6] |
| Duración da misión | 1 hora e 48 minutos[2][6] |
| Obxectivo da misión | Primeiro voo tripulado.[2][6] |
| Regreso | 12 de abril de 1961[1][6] |
| NSSDC ID | 1961-012A |
| Masa | 4725,0 kg[2][5][6] |
Características
A misión de Vostok 1 foi realizar a primeira misión orbital tripulada. O equipamento da cápsula incluía o soporte vital e comunicación por radio e televisión para monitorizar o estado do cosmonauta. O voo foi completamente automático e os controis manuais estaban bloqueados polo descoñecemento da influencia do espazo no comportamento dos humáns, pero podían desbloquearse cun código numérico que se atopaba nun sobre pechado que Gagarin tiña á súa disposición. Durante a reentrada o módulo de servizo quedou enganchado na cápsula de reentrada, facendo que esta xirara descontroladamente ata que a calor da reentrada fundíu o cable que mantiña unidos ambos módulos. Gagarin, tal como estaba planeado, exectouse da cápsula a uns poucos quilómetros de altura e aterrou usando o seu propio paracaídas.[2][3][4][5]
O voo tivo lugar 25 días antes do primeiro voo espacial suborbital dos Estados Unidos.[2][3][4][5]