પેરાગ્વે

ગુઆરાની પ્રકારની આદિવાસી પ્રજાઓ પરાપુર્વથી અહીં વસાહત કરતી હતી. ઈ.સ.૧૫૩૭માં સ્પેનિશ લોકોએ સોનાની શોધમાં અહીં આવીને તેમનુ સંસ્થાન બનાવ્યુ હતું. ઈ.સ્.૧૭૫૦મા માદ્રિડની સંધી હેઠળ આ પ્રદેશને પોર્ટુગલને સુપ્રત કરયુ હતું જેની સામે જેસયુઈટ પાદરીઓએ વિરોધ્ કરતા ૧૯૭૬માં તેને લા પ્લાટા રાજ્યનો એક ભાગ બનાવ્યો હતો. ઈ.સ ૧૮૧૧મા પેરાગ્વે આર્જેન્ટીનાની સાથે સ્પેનિશ ગુલામીમાંથી મુક્ત થઈને એક સ્વતંત્ર દેશ બન્યો હતો.

પેરાગ્વેનો કુલ વિસ્તાર ૪૦૬૭૫૨ ચો.કિ.મી જેટલો છે. પેરાગ્વે દક્ષીણ અમેરિકાની મધ્યમા આવેલ એક જમીનથી ચોતરફ ઘેરાયેલ દેશ છે. તેની ઉત્તરે અને ઉત્તર-પષ્ચિમમા બોલિવિયા, ઉત્તર-પુર્વ અને પુર્વમાં બ્રાઝિલ,દક્ષિણ દક્ષિણ-પુર્વમાં અને પષ્ચિમમાં આર્જેન્ટીના આવેલ છે. પેરાગ્વે ભૌગોલિક રીતે પેરાગ્વે પુર્વ અને ગ્રાન ચાકો એમ બે વિસ્તારમા વહેંચાયેલો છે. પેરાગ્વેની આબોહવા સમશીતોષ્ણ પ્રકારની છે અને પુર્વ ભાગમાં તાપમાન ૧૭ ડિગ્રી થી ૨૬ ડિગ્રી અને ગ્રાનચાકોમા ૩૫ ડિગ્રી જેટલુ ઉંચુ રહે છે. વરસાદ અસુનસીયોન વિસ્તારમાં ૧૧૦૦ મિ.મિ જેટલો અને ગ્રાન ચાકો વિસ્તારમા ૮૧૫ મિ.મિ જેટલો રહે છે.

પેરાગ્વેનું અર્થતંત્ર મુખ્યત્વે ખેતીવાડી અને પશુમાંસ ઉપર આધાર રાખે છે. ખેતીવાડીના મુખ્ય પાકોમાં કસાવા, કપાસીયા,મકાઇ,શેરડી,તમાકુ સોયાબીન,ઘંઉ અને વિવિધ પ્રકારના ફળો છે. ઉદ્યોગો મા ગાયનુ માંસ અને મરઘા પાલન ઉદ્યોગ મુખ્ય છે.

પેરાગ્વેની મોટાભાગની પ્રજા ગુઆરાની આદિવાસી અને યુરોપીય મૂળની મિશ્રણ એવી મેસ્ટીઝો લોકોની બનેલી છે. પેરાગ્વેની સત્તાવાર ભાષાઓ ગુઆરાની અને સ્પેનિશ છે. દેશની ૯૦% જેટલી પ્રજા રોમન કેથોલીક ખ્રિસ્તી ધર્મ પાળે છે.