Hadiza Aliyu

An haifi Hadiza Aliyu Gabon ne a ƙasar Libreville da ke ƙasar Gabon, ta dawo kasar mahaifiyar ta Najeriya daga bisani domin wasu dalilai, inda tayo karatu, sannan ta fara harkan fim, Haifaffiyar garin Libreville, Jamhuriyar Gabon,^[3] Hadiza Aliyu ‘yar gidan Malam Aliyu ne wanda dattijo ne. A ɓangaren mahaifinta, Hadiza 'yar asalin ƙasar Gabon ce, kuma a bangaren mahaifiyarta, asalin ta Fulani ce daga jihar Adamawa, Najeriya.^[4]

Hadiza Aliyu ta halarci makarantun firamare da sakandiri a ƙasar haihuwarta inda ta rubuta jarabawarta ta A-Level tare da burin zama lauya sannan daga baya ta zabi Lauya a matsayin kwas din da ta fi so. Ta fara karatun jami'a a matsayinta na daliba, amma dole ta daina zuwa makaranta saboda wasu matsaloli da suka dabaibaye karatun nata . Karatun nata ya tsaya a lokacin kuma hakan ya ba ta damar halartar shirin difloma a cikin Harshen Faransanci kuma daga baya ta zama malama mai koyar da Faransanci a wata makarantar sirri.^[5]

Tana ɗaya daga cikin manyan jarumai mata a masana'antar fim ta kannywood, dake arewacin nigeria. Tana da masoya da dama , tayi fina finai shaharrru a masana'antar. Ta fito a fim mai dogon zango na tashar Arewa 24 mai suna GIDAN BADAMASI, ta kuma fito a shahararren fim mai dogon zango MANYAN MATA. A halin yanzu ta bude wani filin tattaunawa da manyan mutane Sannan nu mai suna GABONS ROOM TALK.

Hadiza Aliyu ta shiga Kannywood ba da dadewa ba bayan ta shigo daga Gabon zuwa jihar Adamawa, Najeriya . Ta tashi daga Adamawa zuwa Kaduna yayin da take sha'awar shiga masana'antar fim ta kannywood tare da dan uwan ta. Ta samu damar ganawa da Ali Nuhu kuma ta nemi taimakonsa don ƙaddamar da ita a matsayin 'yar fim. Hadiza ta fara fitowa ne a shekara ta 2009, inda aka sanya ta a Artabu, ta samu shiga masana'antar fim ta kannywood a matsayin daya daga cikin manyan jarumai mata tare da taimakon Ali Nuhu da kuma jagorancin Aminu Shariff . Ta kasance shahararriyar 'yar wasan Hausa ce. Mutane da dama na gani da daukan ta a matsayin jarumar 'yar wasan Kannywood kuma abar koyi musamman yadda take fitowa cikin sutura na al'ada da kyau, tana fitowa a wasannin barkwanci na ban dariya.^[6] Hadiza ta kasance ita ce jakadiyar da ta daga cikin kamfanin sadarwa na Najeriya MTN Nigeria da kuma kamfanin abincin Indomie, ta karbi kyautar Best Actress Jury Award a 2nd Kannywood Award wanda kamfanin MTN Najeriya suka dauki nauyin bayarwa. Ita ce wacce ta kafa gidauniyar HAG Foundation.^{[7][8][9][10][11][12]}

Hadiza ta yanke shawarar shiga Nollywood a shekara ta 2017, biyo bayan Ali Nuhu, Sani Musa Danja, Yakubu Muhammed, Maryam Booth da Rahama Sadau . An saka ta a fim dinta na farko na Nollywood kusa da Mike Ezuruonye, Mike Angel da Emmanuella a fim mai taken Lagos Real Fake Life .

A watan Disambar shekara ta 2018 ne, kamfanin NASCON Allied Plc,^[13] wanda ke reshen rukunin kamfanonin Dangote , ya bayyana Hadiza Aliyu a matsayin jakadiyar jakadancin Dangote Classic Seasoning a yayin kaddamar da kayan hada kayan a Kano.^[14][15][16]

A shekara ta 2016, Hadiza ta kafa ƙungiyar agaji mai suna HAG Foundation Da nufin inganta rayuwar talakawa ta hanyar samar da taimako a bangarorin ilimi da kiwon lafiya gami da wadatar abinci, Ta zama daya daga cikin ‘yan wasa mata na farko a tarihin Kannywood da ta gabatar da irin wannan taimakon jin kai.

A watan Maris na shekara ta 2016, ta ziyarci sansanonin ‘yan gudun hijirar da ke cikin jihar Kano inda ta ba da gudummawar kayayyakin abinci, kayan masaka da sauran kayan masarufi da mazauna sansanin suke bukata saboda rikicin arewacin Najeriya.^[17]

Hadiza Aliyu ta samu kyaututtuka da girmamawa da dama wadanda suka hada da shekara ta 2013 Best of Nollywood Awards da 2nd Kannywood / MTN Awards a 2014. Saboda karramawar da ta yi a matsayin 'yar fim, Hadiza ta karrama a shekarar 2013 daga tsohon Gwamnan Jihar Kano, Dakta Rabi'u Musa Kwankwaso . An kuma ba ta lambar yabo ta Hollywood ta Afirka a matsayin Jarumar Jarumai mata .

Awad

Lamban girman da Hadiza Aliyu Gabon ta samu^[18]

Kyaututuka

Jadawalin kyaututtukan martabawa da Hadiza Aliyu Gabon ta samu

Fina finai

• Hotunan Hadiza Gabon
• 
  Sanye da farin kaya
• 

• Rahama Sadau
• Hafsat Idris
• Jamila Umar Nagudu
• Fati Washa
• Maryam Booth
• Maryam Yahaya
• Aisha Aliyu Tsamiya