Աբիսինյան ներկարար

Տեսակը տարածված է Աֆրիկայում, Սահարայից ավելի հարավ (մարզ, որը հայտնի է Սահել անվանումով) և Արավիյան թերակղզու արևմուտքում։ Չվող թռչուններ նկատվել են Հյուսիսային Աֆրիկայում և Կանարյան կղզիներում^[2]։

Թռչունի երկարությունը 28-31 սանտիմետր է, քաշը` 100-140 գրամ։ Գլուխը, պարանոցը, կրծքավանդակը, որովայնը և թևերի մի մասը կապույտ գույնի են։ Կտուցից դեպի աչք անցնում է մի սև շերտ։ Ճակատը և դունչը ավելի բաց գույնի են։ Մեջքը և թևերի մի մասը շագանակագույն են։ Պոչի վրա կա երկու երկար ղեկային սև գույնի փետուրներ^[2][3]։

Տեսակը բնակվում է չոր սավանաներում։ Բնակվում է միայնակ, զույգերով կամ երամներով, որը կազմված է մինչև 20 թռչունից։ Որսում է միջատներ և փոքր ողնաշարավորներ։ Բազմացման ժամանակահատվածը տևում է փետրվարից մինչև հուլիս։ Բույնը շինում է ծառերի փչակներում, տերմիտների բների վրա և ամայի տներում։ Դնում է 2-ից 6 ձու^[2]։