Ադամ Դիվայն

Դիվայնը ծնվել է Այովա նահանգի Ուոտերլու քաղաքում^[7]՝ Դենիսայի և Փենի Դիվայնի ընտանիքում^[4]։ 2002 թվականին ավարտել է Նեբրասկա նահանգի Օմահա քաղաքի Միլարդ Սաութի միջնակարգ դպրոցը^[4]։ 1995 թվականի հունիսին, երբ Ադամը 11 տարեկան էր, նրան հարվածել է ավտոմեքենան։ Դիվայնը ստացել էր երկու ոտքերի բազմաթիվ կոտրվածքներ։ Երեք տարվա ընթացքում նրան արել են մի քանի վիրահատություն և պահանջվել է 2 տարի կրկին քայլել սովորելու համար^[8].

Իր հարցազրույցներից մեկում նա ասել է․

Շատ դժվար էր, որովհետև ես պետք է նորից սովորեի քայլել, ոտքի կանգնել, նստել։ Ոտքերս ամբողջովին հաշմանդամ էին դարձել։ Ես կարծում եմ, որ այս փորձը օգնեց ինձ հասկանալ, որ ամեն ինչ հնարավոր է^[9]։

Բնօրինակ տեքստ (անգլ.)  

It was really tough because I had to relearn how to walk, stand up, sit up and everything. The legs were totally mangled. I think that experience helped me realise that anything is possible.

Սովորել է Օրինջ-Քոստ քոլեջում «Աշխատասերները» հեռուստասերիալի գործընկերոջ Բլեկ Անդերսոնի հետ^[10]։

Ավելի ուշ տեղափոխվել է Լոս-Անջելես իրեն որպես կատակերգու և դերասան փորձելու համար^[11][12]։

Նա 2002 թվականի Միլլարդ Յուգ ավագ դպրոցի սան է^[13]։ 2006 թվականին Դիվայնը և նրա ընկերները՝ Բլեյք Անդերսոնը, Անդերս Հոլմը և Կայլ Նյուաչեկը ստեղծել են «Mail Order Comedy» սթենդ ափ խումբը։ Այն շատ հայտնի էր Myspace և YouTube կայքերում։

2011 թվականի ապրիլի 6-ին տեղի է ունեցել «Աշխատասերները» հեռուստասերիալի պրեմիերան, որում նկարահանվել էր դերասանը և նրա սթենդ ափ խմբի ընկերները։ Ինչպես նաև հանդես են եկել այդ սիթքոմը ստեղծողների և պրոդյուսերների դերով։ Հեռուստասերիալը ստացել է դրական կարծիք քննադատների կողմից^[14]։

Դիվայնը խաղացել է ոչ մեծ դեր 2007 թվականի «Մայրիկի տղան» և 2009 թվականի «Սարսափազդու Մաքսիմուսի լեգենդը» ֆիլմերում։ Ինչպես նաև խաղացել է էպիզոդային դեր «Ո՞վ է Սամանտան» հեռուստասերիալում և նկարահանվել է «Լուսացույցը» սերիալում։ 2013 թվականին դերասանը հայտնվել է «Համայնք» հեռուստասերիալում, որտեղ խաղացել է Ջեֆ Ուինգերի խորթ եղբոր՝ Ուիլյամ Ուինգերի դերը։ Նույն թվականին հայտնվել է «Դանդաղ զարգացում» հեռուստասերիալի էպիզոդում։ «Ամերիկյան ընտանիք» հեռուստասերիալի 5–րդ, 6–րդ և 7–րդ եթերաշրջաններում Դիվայնը խաղացել է Էնդիի դերը^[15]։

2012 թվականին նա Բամպեր Ալենի դերով հայտնվել է «Կատարյալ ձայն» ֆիլմում։ Քննադատների կարծիքով, այդ աշխատանքը դարձել է դերասանի կարիերայի բեկումը՝ լիովին ցուցաբերելով նրա ներուժը^[16]։ Այդ դերի համար Դիվայնը «Choice Movie: Չարագործ» անվանակարգում արժանացել է «Teen Choice Awards» մրցանակի^[17]։ Նա հայտնվել է նաև ֆիլմի 2-րդ հատվածում և դրա համար ստացել էր MTV կինոմրցանակը լավագույն համբույրի համար (Ռեբել Ուիլսոնի հետ միասին)^[18][19][20]։ 2016 թվականին Դիվայնին Զաք Էֆրոնի հետ միասին «Հարսանեկան տենդ» ֆիլմում տրվել են գլխավոր դերերից մեկը^[21]։ Ըստ «Variety» ամսագրի՝ այդ դերին հասնելու համար դերասանին օգնել են «սուր միտքը և ազատագրումը»^[22]։

2016 թվականի հունիսին հայտարարվել էր, որ Դիվայնը, Անդերսոնը, Հոլմը և Նյուաչեկը Սեթ Ռոգենի հետ միասին աշխատում են նոր ֆիլմի վրա^[23]։ Նույն 2016 թվականին նա նկարահանվել է Blink-182 խմբի «She’s Out of Her Mind» երգի տեսահոլովակում^[24][25][26]։ Նույն թվականին ընտրվել էր Նոա Էշբի դերով «Երբ մենք ծանոթացանք» ֆիլմում, Ալեքսանդրա Դադարիոյի, Շեյլլի Հեննիգի և Ռոբբի Ամելլի հետ միասին^[27]։ 2016 թվականի նոյեմբերի 2-ին հայտնի է դարձել, որ Ադամը նկարահանվում է «Magic Camp» ընտանեկան ֆիլմում՝ Էնդի Տուկերմանի՝ կախարդ-անհաջողակի դերով, որը վերադառնում է իր մանկության ճամբար, որպեսզի դասեր տա պատանի կախարդներին^[28]։ Ֆիլմի պրիեմերան նշանակված է եղել 2018 թվականի ապրիլի 6-ին^[29]։

2017 թվականին Դիվայնը MTV Movie & TV Awards տոնակատարության հաղորդավարն էր^[30][31][32]։ Նույն թվականին միացել է «Մի թե ռոմանտիկ չէ՞» ֆիլմի դերասանակն կազմին^[33]։ Դա չորրորդ ֆիլմն էր, որի մեջ Ադամը խաղում էր Ռոբերտ Ուիլսոնի հետ և որտեղ նրանք խաղում էին սիրահարված զույգի դեր^[34]։

2019 թվականի օգոստոսի 18-ին Դիվայնը միացել է «Արդար Ջեմսթոուններ» ֆիլմի դերասանական կազմին, որտեղ նա խաղացել է Կելվին Ջեմսթոունի դերը^[35]։ Ստեղծողը դարձել է Գենի Մակբրայդը և նվիրված է նվիրված է հեռուստահաղորդավարների աշխարհահռչակ, բայց անբարեհաճ ընտանիքին։ 2019 թվականի սեպտեմբերին HBO ալիքը երկարեցրել է հեռուստասերիալը մինչև 2-րդ եթերաշրջան^[36]։

Ադամը համարվում է «Children’s Miracle Network Hospitals» հասարակական կազմակերպության կողմնակից, որը հավաքում է նյութեր մանկական հիվանդանոցի համար ԱՄՆ-ի ամբողջ տարածքով։ Քանի, որ նա մանկության տարիներին բուժվել է մանկական հիվանդանոցում, նա այցելել է բարեգործական միջոցառումներին և այցելել է երեխաներին, որտեղ պատմում է կենդանի մնալու իր պատմությունը^[37]։

2015 թվականի սկզբից հանդիպում էր «Վերջին աղջիկները» ֆիլմի գործընկերուհու՝ Քլոյա Բրիջեսի հետ^[38][39]։ 2019 թվականի հոկտեմբերի 24-ին զույգը հայտարարել է նշանադրության մասին^[40][41]։

• Ադամ Դիվայն Ինստագրամում

Վիքիպահեստն ունի նյութեր, որոնք վերաբերում են «Ադամ Դիվայն» հոդվածին։