Ալբիցիա լենքորանյան

Լենքորանյան ալբիցիան միջին աճողականությամբ տերևաթափ ծառ է՝ մինչև 10-15 մ բարձրությամբ, որպես կանոն, հովանոցաձև սաղարթով։ Տերևադասավորությունը հերթադիր է, տերևները՝ կենտ փետրաձև։

Ծաղկում է հունիսից-օգոստոս, պտուղները հասունանում են հոկտեմբեր-նոյեմբեր ամիսներին։ Ծառերը աճում են արագ, ապրում 50-100 տարի։

Հանդիպում են Թալիշում, Հյուսիսային Իրանում, Չինաստանում, Ճապոնիայում և այլուր։ Մեր հանրապետություն ներմուծվել է ցածրադիր վայրերում՝ չոր մերձարևադարձային շրջաններում (Մեղրի, Նոյեմբերյան, Իջևան), որտեղ և ամեն տարի առատ ծաղկում է պտղաբերում է։

Երևանի կանաչ տնկարկներում հանդիպում է հատուկենտ, դժվար է հարմարվում չորային և խիստ ցամաքային կլիմայի պայմաններին։

Բուսաբանական այգում 1200 մ բարձրության վրա ցրտահարվում են։

Չափազանց բարձր գեղազարդություն ունի, հեռանկարային է հանրապետության ցածրադիր վայրերի կանաչապատման համար։ Մեղրատու է։ Լենքորանյան ալբիցիան տարածված է մշակության մեջ։ Լուսասեր է ջերմասեր, պահանջկոտ չեն հողի բերիության նկատմամաբ։

• Деревья и кустарники СССР / П.И. Лапин. — М.: «Мысль», 1966. — С. 423. — 637 с.

• «Ալբիցիա լենքորանյան USDA NRCS կայքում». Արխիվացված օրիգինալից 2012 թ․ դեկտեմբերի 2-ին. Վերցված է 2015 թ․ մարտի 7-ին.
• «Ալբիցիա Albizzia». Արխիվացված է օրիգինալից 2003 թ․ փետրվարի 17-ին. Վերցված է 2015 թ․ մարտի 7-ին.
• Albizia julibrissin List of Chemicals (Dr. Duke's Databases) Արխիվացված 2004-11-18 Wayback Machine

Վիքիցեղերն ունի նյութեր, որոնք վերաբերում են «Ալբիցիա լենքորանյան» հոդվածին։

Վիքիպահեստն ունի նյութեր, որոնք վերաբերում են «Ալբիցիա լենքորանյան» հոդվածին։