Բրանկո Բոշկովիչ

Բրանկոն իր ֆուտբոլային կարիերան սկսել է 1996 թվականին Բուդվա քաղաքի «Մոգրեն» ակումբում, որն այն ժամանակ խաղում էր Հարավսլավիայի ստորին դիվիզիոններում։ «Մոգրենի» կազմում անցկացնելով երկուսուկես մրցաշրջան՝ Բոսկովիչը 1998 թվականի դեկտեմբերին տեղափոխվել է «Ցրվենա Զվեզդա»։ Բելգրադի թիմում անցկացրած չորսուկես մրցաշրջանների ընթացքում Բրանկոն երկու անգամ դարձել է Հարավսլավիայի չեմպիոն (1999/00 և 2000/01 մրցաշրջաններում) և երեք անգամ նվաճել է Հարավսլավիայի գավաթը (1999, 2000 և 2002 թվականներին)։

2003 թվականի ամռանը Բոշկովիչը տեղափոխվել է ֆրանսիական «Պարի Սեն-Ժերմեն»։ Ընդհանուր առմամբ, ֆուտբոլիստը փարիզյան ակումբի կազմում անցկացրել է երեք մրցաշրջան, ընդ որում՝ վերջին մրցաշրջանում վարձավճարով հանդես է եկել «Տրուայում»։ ՊՍԺ-ի կազմում Բրանկոն 2004 թվականին նվաճել է Ֆրանսիայի գավաթը։ 2007 թվականի հունվարին տեղափոխվել է Վիեննայի «Ռապիդ», որի կազմում նվաճել է Ավստրիայի չեմպիոնի տիտղոսը 2007/08 մրցաշրջանում և Ավստրիայի Սուպերգավաթը՝ 2008 թվականին։ 2010 թվականի հունիսի 15-ին պայմանագիր է կնքել MLS-ի «Դի Սի Յունայթեդ» ակումբի հետ^[3]։ Նոր ակումբում նորամուտը նշել է հուլիսի 16-ին «Սիեթլ Սաունդերսի» դեմ խաղում^[4]։

Հարավսլավիայի ազգային հավաքականում նորամուտը նշել է 2002 թվականի մարտի 27-ին՝ Բրազիլիայի դեմ խաղում։ Ազգային հավաքականի կազմում առաջին և միակ գոլը խփել է 2003 թվականի հունիսի 11-ին՝ Ադրբեջանի դեմ խաղում։ Ընդհանուր առմամբ, Սերբիայի և Չեռնոգորիայի հավաքականի կազմում Բոշկովիչն անցկացրել է 12 հանդիպում, որոնցից վերջինը՝ 2005 թվականի նոյեմբերի 16-ին ընդդեմ Հարավային Կորեայի։ Չեռնոգորիայի անկախացումից հետո Բրանկոն սկսել է հանդես գալ նրա հավաքականի կազմում։ Ազգային հավաքականի կազմում նորամուտը նշել է 2007 թվականի մարտի 24-ին՝ Հունգարիայի դեմ ընկերական խաղում։ Չեռնոգորիայի հավաքականի կազմում առաջին գոլը խփել է 2008 թվականի մարտի 26-ին Նորվեգիայի դեմ խաղում։

Բոշկովիչի խաղերն ու գոլերը Չեռնոգորիայի հավաքականում  

№	Ամսաթիվ	Հակառակորդ	Հաշիվ	Բոշկովիչի գոլերը	Մրցություն
1	24 մարտի, 2007	Հունգարիա	2:1	-	Ընկերական խաղ
2	22 օգոստոսի, 2007	Սլովենիա	1:1	−	Ընկերական խաղ
3	12 սեպտեմբերի, 2007	Շվեդիա	1:2	−	Ընկերական խաղ
4	26 մարտի, 2008	Նորվեգիա	3:1	1	Ընկերական խաղ
5	27 մայիսի, 2008	Ղազախստան	3:0	-	Ընկերական խաղ
6	31 մայիսի, 2008	Ռումինիա	0:3	−	Ընկերական խաղ
7	20 օգոստոսի, 2008	Հունգարիա	3:3	−	Ընկերական խաղ
8	6 սեպտեմբերի, 2008	Բուլղարիա	2:2	−	ԱԱ-2010 ընտրական փուլ
9	15 հոկտեմբերի, 2008	Իտալիա	1:2	−	ԱԱ-2010 ընտրական փուլ
10	19 նոյեմբերի, 2008	Մակեդոնիա	2:1	−	Ընկերական խաղ
11	28 մարտի, 2009	Իտալիա	0:2	−	ԱԱ-2010 ընտրական փուլ
12	1 ապրիլի, 2009	Վրաստան	0:0	-	ԱԱ-2010 ընտրական փուլ
13	5 սեպտեմբերի, 2009	Բուլղարիա	1:4	−	ԱԱ-2010 ընտրական փուլ
14	5 սեպտեմբերի, 2009	Բուլղարիա	1:4	−	ԱԱ-2010 ընտրական փուլ
15	10 հոկտեմբերի, 2009	Կիպրոս	1:1	-	ԱԱ-2010 ընտրական փուլ
16	14 հոկտեմբերի, 2009	Իռլանդիա	0:0	−	ԱԱ-2010 ընտրական փուլ
17	18 նոյեմբերի, 2009	Բելառուս	1:0	−	Ընկերական խաղ
18	3 մարտի, 2010	Մակեդոնիա	1:2	−	Ընկերական խաղ
19	3 սեպտեմբերի, 2010	Ուելս	1:0	−	ԵԱ-2012 ընտրական փուլ
20	7 սեպտեմբերի, 2010	Բուլղարիա	1:0	−	ԵԱ-2012 ընտրական փուլ
21	8 հոկտեմբերի, 2010	Շվեյցարիա	1:0	−	ԵԱ-2012 ընտրական փուլ
22	12 հոկտեմբերի, 2010	Անգլիա	0:0	−	ԵԱ-2012 ընտրական փուլ

Ընդհանուր՝ 22 հանդիպում / 1 գոլ, 8 հաղթանակ, 7 ոչ-ոքի, 7 պարտություն

(թարմացվել է 2010 թվականի հոկտեմբերի 12-ի դրությամբ)

«Ցրվենա Զվեզդա»

• Հարավսլավիայի չեմպիոն (2) – 1999/00, 2000/01
• Հարավսլավիայի գավաթակիր (3) – 1999, 2000, 2002

«ՊՍԺ»

• Ֆրանսիայի գավաթակիր (1) – 2004

«Ռապիդ (Վիեննա)»

• Ավստրիայի չեմպիոն (1) – 2007/08
• Ավստրիայի սուպերգավաթակիր (1) – 2008

• Ֆուտբոլիստի էջը «Դի Սի Յունայթեդ» ակումբի կայքում (չաշխատող հղում — պատմություն, կրկնօրինակ)(անգլ.)
• Պրոֆիլը transfermarkt.com կայքում(անգլ.)
• Վիճակագրությունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Բրանկո Բոշկովիչ» հոդվածին։