Գլեն Պաուել

Գլեն Պաուել; Glen Powell
Ծնվել է	հոկտեմբերի 21, 1988 (35 տարեկան)
Ծննդավայր	Օստին, Տեխաս, ԱՄՆ
Կրթություն	Օսթինի տեխասյան համալսարան և Westwood High School?
Քաղաքացիություն	ԱՄՆ
Մասնագիտություն	դերասան, գրող, կինոպրոդյուսեր, հեռուստատեսային դերասան, կինոդերասան, սցենարիստ և կասկադյոր
Անդամություն	Sigma Phi Epsilon?

Գլեն Թոմաս Պաուել (անգլ.՝ Glen Thomas Powell; հոկտեմբերի 21, 1988(1988-10-21), Օստին, Տեխաս, ԱՄՆ), ամերիկացի դերասան, սցենարիստ և պրոդյուսեր^[1]։ Առավել հայտնի է «Ճիչերի թագուհիները» (2015-2016) հեռուստասերիալում Չեդ Ռեդուելի դերով։

Նրա մասնակցությամբ այլ հայտնի ֆիլմեր՝ «Լրտեսների երեխաները 3։ Խաղն ավարտված է» (2003), «Ֆասթֆուդի ազգը» (2006), «Մեծն բանավիճողները» (2007), «Թաղված սիրո մեջ» (2012), «Խավարի ասպետը։ Լեգենդի վերածնունդը» (2012), «Սեռական դաստիարակություն» (2014), «Անզուսպները 3» (2014), «Բոլորն ուզում են մի քիչ» (2016) և «Թաքնված կերպարանքներ» (2016)։

Կենսագրություն

Գլեն Պաուելը ծնվել է 1988 թվականի հոկտեմբերի 21-ին ԱՄՆ-ի Տեխաս նահանգի Օստին քաղաքում։ Նրա մայրը Սիդնի Պաուլն է, իսկ հայրը՝ Գլեն Պաուել ավագը, ունի նաև երկու քույր՝ Լորեն և Լեսլի Պաուելները։ Պաուելը Տեխասի միջնակարգ դպրոցի ավագ դասարաններում սովորելու ընթացքում հետաքրքրվել է լաքրոս խաղով։ Նրա առաջին ոչ մեծ դերը եղել է 2003 թվականին «Լրտեսների երեխաները 3։ Խաղն ավարտված է» ֆիլմում, որտեղ նրա խաղընկերներն են եղել այնպիսի հոլիվուդյան աստղեր, ինչպիսիք են Անտոնիո Բանդերասը և Սիլվեստր Ստալոնեն^[2]։

Կարիերա

2007 թվականին՝ քոլեջում առաջին ուսումնական տարվանից առաջ, Գլենը դեր է ստացել ռեժիսոր Դենզել Վաշինգտոնի «Մեծն բանավիճողները» ֆիլմում․ վերջինս ևս ֆիլմում խաղացել է գլխավոր դեր^[3]։ Լոս Անջելես տեղափոխվելուց հետո դերասանը նկարահանվել է մի քանի հեռուստասերիալներում՝ «Ծովային ոստիկանություն։ Հատուկ ստորաբաժանում» (2003), «Ջեք և Բոբի» (2004-2005), «Զուգընկերները» (2010-2016) և «Ստի խաղ» (2011-2013), ինչպես նաև կինոֆիլմերում՝ «Դեպի արևմուտք» (2005), «Թռիչք կամրջից» (2006), «Ֆասթֆուդի ազգը» (2006), «Ընդմիշտ լավագույն ընկերները» (2013), «Ամերիկական հայտնություն» (2013), «Անզուսպները 3» (2014) և «Սեռական դաստիարակություն» (2014)^[4]։

Պաուելը 2015 թվականին Fox Broadcasting Company հեռուստաալիքի «Ճիչերի թագուհիները» հեռուստասերիալում, որտեղ նկարահանվել է երկու եթերաշրջանի ընթացքում, ստացել է Չեդ Ռեդուելի դերը։ 2016 թվականին դերասանը ամերիկացի տիեզերագնաց Ջոն Գլենի դերն է խաղացել ռեժիսոր Թեդ Մելֆիի «Թաքնված կերպարանքներ» ֆիլմում։ Այդ դերի համար ստացել է «ԱՄՆ կինոդերասանների գիլդիա մրցանակ» լավագույն դերասանական կազմ խաղարկային կինոյում կատեգորիայում^[5]։

Հետո նկարահանվել է «Առաքելություն Մայամիում» (2016), «Ավելի վատ, քան սուտը» (2016) և «Բոլորն ուզում են մի քիչ» (2016) ֆիլմերում։

Ֆիլմագրություն

Դերասան


Տարի		Հայերեն անվանում	Բնօրինակ անվանում	Դեր
2003	ֆ	Լրտեսների երեխաները 3։ Խաղն ավարտված է	Spy Kids 3-D: Game Over	խորամանակ տղա
2003	ս	Ծովային ոստիկանություն։ Հատուկ ստորաբաժանում	NCIS: Naval Crilminal Investigative Service	սերժանտ Էվան Ուեստկոտ
2003	ֆ	Ուենդելի պատմությունը	The Wendell Baker Story	թղթե տղա
2004-2005	ս	Ջեք և Բոբի	Jack & Bobby	հարուստ գայլ
2005	ս	Դեպի արևմուտք	Into the West	Ջեքսոն Ուիլեր
2006	ֆ	Թռիչք կամրջից	Jumping Off Bridges	Էրիկ Թյորներ
2006	ֆ	Ֆասթֆուդի ազգը	Fast Food Nation	Սթիվ
2006	ֆ	Ամենաշոգ նահանգը	The Nottest State	Ջոն Ջիգերման
2007	ֆ	Մեծն բանավիճողները	The Great Debaters	Հարվարդի կռվասերը
2010	ս	Զուգընկերները	Rizzoli & Isles	Գրեմ Ռենդալ
2011	ս	Ստի խաղ	The Lying Game	Գևին Թյորներ
2012	ֆ	Խավարի ասպետը։ Լեգենդի վերածնունդը	The Dark Knight Rises	Թրեյդեր № 1
2012	ֆ	Թաղված սիրո մեջ	Stuck in Love	լավ տեսք ունեցող տղա
2013	ֆ	Ընդմիշտ լավագույն ընկերներ	Best Friends Forever	Նիկ
2013	կմ/ֆ	Ամեն ինչ սկզբից Բրուք Շիլդսի հետ	Starting Over with Brooke Shields
2014	ֆ	Անզուսպները 3	The Expendables 3	Թորն
2015	ֆ	Ցուրտ	Wind Walkers	Սոնի Չայլդ
2015-2016	ֆ	Ճիչերի թագուհիները	Scream Queens	Չեդ Ռեդվիլ
2016	ֆ	Առաքելություն Մայամիում	Ride Along	Թրոյ
2016	ֆ	Ավելի վատ, քան սուտը	Misconduct	Դագ
2016	ֆ	Բոլորն ուզում են մի քիչ	Everybody Wants Some!!	Ֆիննեգան
2016	ֆ	Թաքնված կերպարանքներ	Hidden Figures	Ջոն Գլեն
2017	ֆ	Ավազե ամրոց	Sand Castle	սերժանտ Դիլան Կուտսոն

Սցենարիստ

2011՝ «J.A.W.»

Պրոդյուսեր

2011՝ «J.A.W.»
2012՝ «Mother Hen»

Պարգևներ

Ցուցակը ներկայացված է IMDb կայքի տվյալներին համապատասխան^[6]։

2017՝ ԱՄՆ կինոդերասանների գիլդիա մրցանակ, (Լավագույն դերասանական կազմ խաղարկային կինոյում), «Թաքնված կերպարանքներ»։
2017՝ Palm Springs International Film Festival (Լավագույն դերասանական անսամբլ), «Թաքնված կերպարանքներ»։
2017՝ «Ուղեկից» մրցանակ (Լավագույն դերասանական կազմ գեղարվեստական ֆիլմում), «Թաքնված կերպարանքներ»։

Ծանոթագրություններ

Արտաքին հղումներ

*Glen Powell Internet Movie Database կայքում

Վիքիպահեստն ունի նյութեր, որոնք վերաբերում են «Գլեն Պաուել» հոդվածին։

[1]

[2]

[3]

[4]

[5]

[6]

Search