Գոհարշադ մզկիթ
Գոհարշադ մզկիթ (պարս.՝ مسجد گوهرشاد), մզկիթ Իրանի Մաշհադ քաղաքում։ Հանդիսանում է «Իմամ Ռեզայի դամբարան» համալիրի մի մասը[3]։
Գոհարշադ մզկիթ պարս.՝ مسجد گوهرشاد | |
---|---|
Տեսակ | մզկիթ |
Երկիր | Իրան |
Վարչատարածք | Մեշհեդ |
Տեղագրություն | Մաշհադ |
Մասն է | Իմամ Ռեզայի դամբարան |
Բացվեց | 1418[1] |
Պատվիրող | Գոհարշադ բեգիմ |
Ճարտարապետություն | |
Ոճ | ադրբեջանական ոճ և Թեմուրյան ճարտարապետություն[1] |
Բարձրություն | 43 մետր |
Շինանյութ | աղյուս[1][2] և plaster?[2] |
Պատմություն
Մզկիթը կառուցվել է 1418 թվականին ճարտարապետ Գավամեդդին Շիրազի կողմից։ Շինարարությունը ֆինանսավորել է Գոհարշադ թագուհին։ Վերջինս Շահրուհ թագավորի կինն էր։
Մզկիթում որոշ վերանորոգումներ կատարվել են Սեֆյանների և Ղաջարիների իշխանության օրոք։ Այն ունի չորս այվաններ՝ կամարասրահներ, բակ (50 մ × 55 մ) և մի քանի շաբեստաններ (իրանական ճարտարապետությանը բնորոշ՝ ծածկով ազատ տարածք)։
Մզկիթի երկշերտ գմբեթը էապես վնասվել է 1911 թվականին, Ռուսական կայսրության զորքերի ռմբակոծություններից։
Ձևավորում
Իրանական ճարտարապետության 15-րդ դարի առաջին և լավագույն պահպանված հուշարձանը Գոհար Շադի գեղեցիկ մզկիթն է։ Այն այժմ կազմում է Մաշհադում գտնվող Իմամ Ռեզայի դամբարանի մի մասը։ Կառուցված է սամարղանդյան ոճով։ Երկու աշտարակաձև մինարեներ են վեր խոյանում գմբեթին հարող արտաքին անկյուններում, որոնք մարմարե հիմքի հետ միասին ստեղծում են համակողմանի տպավորություն։ Մզկիթի ճակատամասը ձևավորված է արծնապատ աղյուսով և բարձրորակ խճանկարապատ հախճապակիով։
Գույների ողջ պնակը ներառում է գերիշխող կապույտի և փիրուզագույնի, սպիտակի, թափանցիկ կանաչի, դեղինի և մուգ թանաքագույնի մի շարք երանգներ։ Ձևավորման մեջ մեծ դերակատարումներ ունեն ծաղիկներն ու երկրաչափական պատկերները, կամարային շեշտադրումները, բաց սրահներն ու խորքային հանգույցները, ինչպես նաև այվանները[4]։
Պատկերասրահ
- Համալիրի տեսքը վերևից
- Իմամ Ռեզայի դամբարանի ոսկեզօծ գմբեթն ու Գոհարշադ մզկիթը
- Գոհարշադ մզկիթ
- Իմամ Ռեզայի դամբարանի մուտքը
Ծանոթագրություններ
Արտաքին հղումներ
- Archnet’s entry on Goharshad Mosque (անգլ.)
- Գոհարշադ մզկիթ(չաշխատող հղում) irib.ir
Վիքիպահեստն ունի նյութեր, որոնք վերաբերում են «Գոհարշադ մզկիթ» հոդվածին։ |