Ելենա Ցագրինու
Ելենա Ցագրինու (հուն․՝ Έλενα Τσαγκρινού, նոյեմբերի 16, 1994, Աթենք, Հունաստան), հույն երգչուհի, որը 2021 թվականին «El Diablo» երգով ներկայացրել է Կիպրոսը Եվրատեսիլ 2021 երգի մրցույթում, որը տեղի է ունեցել Նիդերլանդների Ռոտերդամ քաղաքում[1]։
| Ելենա Ցագրինու | |
|---|---|
| Բնօրինակ անուն | հուն․՝ Έλενα Τσαγκρινού |
| Ծնվել է | նոյեմբերի 16, 1994 (29 տարեկան) Աթենք, Հունաստան |
| Երկիր |  Հունաստան |
| Ժանրեր | փոփ երաժշտություն |
| Մասնագիտություն | երգչուհի և երաժիշտ |
| Գործիքներ | վոկալ |
| Գործունեություն | 2013-Ներկա օրերս |
| Լեյբլ | Feelgood (2013–2017) Panik (2017–Ներկա օրերս) |
| Կրթություն | Music School of Pallini? |
 Elena Tsagrinou Վիքիպահեստում | |
Կենսագրություն
Ծնվել է Աթենքում 1994 թվականի նոյեմբերի 16-ին։ 14 տարեկանում մասնակցել է «Greece Got Talent» հեռուստաերաժշտական մրցույթին՝ հասնելով կիսաեզրափակիչ։ 2013 թվականին նա դարձել է «OtherView» խմբի մեներգչուհին[2]։
2017 թվականին Ելենան սկսեց իր սոլո կարիերան՝ թողարկելով «Pame Ap' Tin Arhi» վերնագրով սինգլը, որը գրվել է Դիմիտրիս Կոնտոպուլոսի և Նիկոս Մորաիտիսի կողմից։
Բոլոր այս տարիների ընթացքում նա համագործակցել է բազմաթիվ այլ հայտնի հույն արտիստների հետ, ինչպիսիք են Կոնստանտինոս Արգիրոսը և Մելիսսան[3]։
Եվրատեսիլ 2021 երգի մրցույթ
2020 թվականի նոյեմբերի 5-ին կիպրական CyBC հեռուստաընկերությունը հաստատեց, որ Ելենան կներկայացնի Կիպրոսը Ռոտերդամում կայանալիք Եվրատեսիլ 2021 երգի մրցույթում «El Diablo» երգով։ Երգի հեղինակներն են Թոմաս Ստենգաարդը, Ջիմի Թորնֆելդը, Լորել Բարքերը և Օքսան[4]։
Երգչուհու համարի մեջ գերակշռում էր կարմիր գույնը, բեմի մեջտեղում կար հայելային կառույց, որը արտացոլում էր երգչուհուն մեջքից և բազմապատկում պարողների թիվը։ Երգի երկրորդ կեսին բեմի հետևում հայտնվում է «El Diablo» մակագրությունը, որի տառերը բոցավառվում են կրակով։
Եվրատեսիլի 1-ին կիսաեզրափակիչում Ելենան զբաղեցրեց 6-րդ տեղը և դուրս եկավ եզրափակիչ։ Եզրափակչում նա հանդես եկավ 1-ին համարով։ Ժյուրիի և հեռուստադիտողների քվեարկության արդյունքում նա զբաղեցրել է 16-րդ տեղը՝ հավաքելով 94 միավոր։ Երգչուհին ստացել է 12 վարկանիշ Ռուսաստանի և Հունաստանի հեռուստադիտողների կողմից[5]։
Սկավառակագրություն
Ալբոմներ
| Անվանում | Տեղեկություն |
|---|---|
| El Diablo - The Album |
|
Սինգլներ
| Անվանում | Տարի | Հորիզոնականը չարթերում | Ալբոմ | |||||||
|---|---|---|---|---|---|---|---|---|---|---|
| ՀՈՒՆ [6] | ||||||||||
| «Pame Ap' Tin Arhi» | 2018 | — | El Diablo - The Album | |||||||
| «Summer Romance» | — | |||||||||
| «Paradeisos» | — | |||||||||
| «Tsai Me Lemoni» (Dakis-ի հետ) | 2019 | — | ||||||||
| «San Lava» (Oge-ի հետ) | — | |||||||||
| «Logia» | — | |||||||||
| «Amore» | 2020 | — | ||||||||
| «El diablo» | 2021 | 10 | ||||||||
| «—» նիշը նշանակում է, որ սինգլը չի հայտնվել չարթերում կամ չի թողարկվել այդ երկրում։ | ||||||||||