Եղջերվի լիճ
Եղջերվի լիճ (Ռեյնդիր Լեյք. անգլ.՝ Reindeer Lake. հայերենում որոշ դեպքերում թյուրիմացաբար գործածվել է Եղնիկի լիճ անվանաձևը)[7], լիճ Կանադայում՝ Սասկաչևան և Մանիտոբա նահանգների սահմանին. 92 տոկոսն ընկած է Սասկաչևանում, 8 տոկոսը՝ Մանիտոբայում[8]։ Լիճն ունի սառցադաշտային ծագում[7]։ Ջրահավաք ավազանի մակերեսը շուրջ 60 000 քառակուսի կիլոմետր է[9]։ Ջրի հայելու մակերեսը 5.650 քառակուսի կիլոմետր է, լճի ընդհանուր մակերեսը՝ նրանում գտնվող 5.500-ից ավելի կղզիների հետ մեկտեղ՝ 6.650 քառակուսի կիլոմետր[10]։ Ջրի ծավալը՝ 95,25 կմ³[9]: Ծովի մակերևույթից բարձրությունը՝ 337 մետր[8]։ Նոյեմբերից հունիս սառցապատ է։
| Եղջերվի լիճ | |
|---|---|
 | |
| Տեսակ | սառցադաշտային լիճ |
| Երկիր | .svg){kind=small} Կանադա[1] |
| Վարչատարածք | Սասկաչևան[1][2] և Մանիթոբա[3][2] |
| Երկարություն | 230 կմ |
| Լայնություն | 60 կմ |
| ԲԾՄ | 337 մետր |
| Խորություն | 219 մետր |
| Մակերես | 6500 կմ² |
| Ծավալ | 95,2 կմ³ |
| Ջրի պահման ժամանակ | 9 տարի[4] |
| Առափնյա երկարություն | 3394 կմ |
| Ջրահավաքի տարածք | Churchill river basin? |
| Ավազանի երկիր | Կանադա[1] |
| Լիճ հոսող գետ | Cochrane River?[5] |
| Լճից հոսող գետ | Reindeer River?[6] |
 | |
 | |
Նկարագիր
Մեծությամբ երկրորդն է Սասկաչևանի նահանգում և իններորդը՝ ամբողջ Կանադայում։ Ափագիծը խիստ կտրտված է։ Արևելյան ափին ընկած է Քինուսաո ավանը (Kinoosao), հյուսիսային ափին՝ Բրոշեն (Brochet), հարավային ափին՝ Սաութհենդը։ Լճի ջրերը հարավային մասում արտահոսք ունեն. Եղջերվագետով հոսում-թափվում են Չերչիլ գետը, այնուհետև՝ Հուդզոնի ծովածոց։ Լճում իրականացվում է ինչպես ինչպես սովորական ու արդյունաբերական, այնպես էլ մարզական ձկնորսություն. որսում են հյուսիսային գայլաձուկ, լճի կարմրախայտ, շիղաձկներ, արկտիկական թիմալուս և այլ ձկնատեսակներ[11]։
Լճի հարավային մասում ընկած է Խոր ծովախորշը (անգլ.՝ Deep bay), որն առաջացել է մոտավորապես 100 միլիոն տարի առաջ երկնաքարի բախման հետևանքով և ունի շուրջ 5 կիլոմետր լայնություն, 220 մետր խորություն։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Եղջերվի լիճ» հոդվածին։ |