Եչեն
Ե կամ Եչեն (չինարեն՝ 鄴城|邺城|Yèchéng, «Եչեն»-ը չինարենից բառացի թարգմանած՝ նշանակում է Ե քաղաք), Չինաստանի հին քաղաքներից մեկը, որը 213-ից 577 թվականներին միմյանց հաջորդած չինական մի քանի պետություններում ունեցել է մայրաքաղաքի կարգավիճակ[1]։ Գտնվել է ժամանակակից Հեբեյ նահանգի Լինչժան գավառում, Անյան քաղաքից հյուսիսային ուղղությամբ մոտավորապես 20 կիլոմետր հեռավորության վրա[1][2]։
Բնակավայր | ||
---|---|---|
Եչեն | ||
Երկիր | Կաղապար:Դրոշավորում/Empire of China, Չինաստան | |
Պատմություն
Եչենը կառուցվել է Գարունների և Աշունների ժամանակաշրջանում (մեր թվականությունի առաջ 722-481 թթ.): Պատերազմող թագավորությունների ժամանակաշրջանում (մ.թ.ա. 5-րդ դարից մինչև 221 թվականը) եղել է Վեյ թագավորության կազմում։
Հան կայսրության գոյության վերջին տարիներին դարձել է Յուան Շաոյի հենարանը։ 209 թվականին գրավվել է Ցաո Ցաոյի կողմից, որն այն դարձրել է իր աթոռանիստը։
335 թվականին Եչեն է տեղափոխվել Ուշ Չժաո պետության մայրաքաղաքը։ Այդ կարգավիճակը Եչենը պահպանել է հաջորդած Ժան Վեյ և Վաղ Յան պետություններում ևս։
V դարի վերջում, երբ Հյուսիսային Վեյ կայսրությունը կիսվել է, Եչենը դարձել է Արևելյան Վեյի[1], այնուհետև՝ վերջինիս փոխարինած Հյուսիսային Ցի կայսրության մայրաքաղաքը։ 580 թվականին քաղաքը վերածվել է Հյուսիսային Չժոուի դեմ ապստամբած Յույչի Ցզյունի հենակետի, և վերջինիս ջախջախած թագաժառանգ Յան Ցզյանը հիմնահատակ ավերել ու հրդեհի է մատնել Եչենը (դրանից կարճ ժամանակ անց նա հիմնել է Սույ կայսրությունը)։
Քաղաքի ավերակներում հնագիտական պեղումներ իրականացվել են՝ սկսած 1950-ական թվականներից[1]։ Դրանցից 3 կիլոմետր դեպի արևելք՝ Ժան գետի ափին, մի հորի մեջ 2012 թվականին հայտնաբերվել են Բուդդայի արձաններ, որոնց արձանագրությունները վկայում են, որ դրանք ստեղծվել են Արևելյան Վեյում[3]։ Բացի այդ, Եչենից 1 կիլոմետր դեպի հարավ բուդդայական պագոդայի և տաճարի հիմքեր են բացահայտվել[2]։
Նշումներ
- |efternamn=Xiong |förnamn=Victor Cunrui |titel=Historical Dictionary of Medieval China |url=http://www.amazon.com/Historical-Dictionary-Medieval-Dictionaries-Civilizations/dp/0810860538/ref=asap_B001JSBRI6_1_1?s=books&ie=UTF8&qid=1417333666&sr=1-1 |format= |hämtdatum=30 november 2014 |volym= |utgivare=Scarecrow Press |utgivningsort= |språk=engelska |isbn=0810860538 |sid= |kapitel= |år=2008 }}