Էդուարդու Սոուտու դե Մոուրա

Էդուարդու Սոուտու դե Մոուրան ծնվել է 1952 թվականին՝ Պորտու քաղաքում։ Ճարտարապետություն է սովորել Պորտուի համալսարանի գեղարվեստի դպրոցում` 1980 թվականին ստանալով վկայական։ 1974-1979 թվականներին աշխատել է պորտուգալացի հայտնի ճարտարապետ Ալվարու Սիզա Վիեյրայի գրասենյակում, ում աղջկա հետ հետագայում ամուսնացել է։ 1981-1990 թվականներին դասավանդել է իր ալմա մատերում։

Եղել է ճարտարապետության բնագավառում ամենահեղինակավոր Պրիցկերի մրցանակի ժյուրիի անդամ։ Մոուրան հայտնել է այն տեսակետը, որ ճարտարապետն իր աշխատանքներում կարող է համատեղել այնպիսի հակադիր հասկացություններ, ինչպիսիք են հզորությունն ու զսպվածությունը, խրոխտությունն ու քնքշությունը։ Մորուայի նախագծերից են Պորտուգալիայի Բրագա քաղաքի մարզադաշտը` կառուցված ժայռի վրա, Պաուլա Ռեգոյի թանգարանը` «Պատմության տունը», որի բաղկացուցիչ մասերն են երկու բուրգերը։

• Բրագա մունիսիպալ - մարզադաշտ Բրագա քաղաքում (2003)
• Պորտու քաղաքի մետրոպոլիտեն (2004)
• Սերպենտայն պատկերասրահ Լոնդոնում (Ալվարու Սիզայի հետ համատեղ աշխատանք) (2005)
• Պաուլա Ռեգոյի թանգարան (2010-2011)
• Դիակիզարան Կորտրեյկում, Բելգիա

• 
  Ավեյրուի համալսարանի երկրաբանական ֆակուլտետ
• 
  Բուրգո Էմպրենդիմենտո, Պորտու
• 
  Պորտուգալիայի տաղավարը Էքսպո-98-ին
• 
  Տրինդադե կայարան, Պորտուի մետրոպոլիտեն
• 
  Բրագա մունիսիպալ - մարզադաշտ Բրագայում
• 
  Սերպենտայն պատկերասրահ, Լոնդոն

• Էդուարդու Սոուտու դե Մոուրայի աշխատանքները
• Պաուլա Ռեգոյի թանգարանը

Վիքիպահեստն ունի նյութեր, որոնք վերաբերում են «Էդուարդու Սոուտու դե Մոուրա» հոդվածին։