Էստեբան Կամբյասո

Ակումբային

Կաբյասսոն՝ «Արգենտինոս ժունիորսի» սանը, արդեն 16 տարեկանում (1996 թվական), իր եղբոր հետ գնաց Իսպանիա, որտեղ սկսեց հանդես գալ «Մադրիդի Ռեալի» մանկապատանեկան ակումբում^[7]։ Այնուամենայնիվ նա չկարողացավ խաղալ Ռեալի հիմնական կազմում և 1998 թվականին վերադարձավ հայրենիք՝ «Ինդիպենդենտում» վարձավճարով հանդես գալու համար, որտեղից էլ 2001 թվականին տեղափոխվեց «Ռիվեր Փլեյթ»՝ հաղթելով Արգենտինայի առաջնությունը^[8]։

2002 թվականին «Ռեալի» նախկին մարզիչ Վիսենտե դել Բոսկեն^[9] վերադարձրեց Կամբյասսոին «Ռեալ», և Էստեբանը ակումբի հետ հաղթեց Եվրոպայի Սուպերգավաթը։ 2003 թվականին դարձավ Իսպանիայի և միջմայրցամաքային գավաթի հաղթող։ Բարձրորակ կիսապաշտպանների քանակի պատճառով Կաբյասսոն հազվադեպ էր լինում «ՌԵալի» մեկնարկային կազմում, և «արքայական ակումբի» ղեկավարությունը որոշեց չերկարաձգել նրա հետ պայմանագիրը, որը լրանում էր 2004 թվականի հուլիսի 30-ին^[10]։

2004 թվականի հուլիսին Էստեբանը, ազատ գործակալի կարգավիճակով, տեղափոխվեց «Ինտեր»՝ ստորագրելով չորս տարվա պայմանագիր^[11]։ «Ես շատ բավարարված եմ և անհամբեր սպասում եմ մրցաշրջանի սկսվելուն, կարելի է ասել, որ իրականացավ իմ երազանքը», ասել է Կամբյասսոն իր շնորհանդեսին։ «Ինտերում» Էստեբանը երկու անգամ ճանաչվեց թիմի լավագույն ֆուտբոլիստ, 2010 թվականին հաղթեց Չեմպիոնների լիգան, Աշխարհի ակումբային գավաթը (2010), հինգ անգամ թիմի հետ հաղթանակ տարավ Իտալիայի առաջնությունում և երեք անգամ հաղթեց է Իտալիայի գավաթը և սուպերգավաթը^[12]։

2006 թվականի օգոստոսին երկարաձգվում է Կամբյասսոյի «Ինտերի» հետ ունեցած պայմանագիրը (մինչև 2010 թվականի ամառ)^[13]։ Իսկ արդեն 2009 թվականի մարտին պայմանագիրը երկարաձգվեց մինչև 2014 թվականի հունիսի 30-ը^[14][15]։ Հետագայում արդեն «Ինտերը» հրաժարվեց ևս մեկ անգամ երկարաձգել կիսապաշտպանի հետ ունեցած իրենց խաղային պայմանագիրը^[16][17]։

2014 թվականի օգոստոսին,ազատ խաղացողի կարգավիճակով Կամբյասսոն տեղափոխվում է անգլիական «Լեսթեր Սիթի»՝ ստորագրելով մեկ տարվա պայմանագիր, որը ավարտվեց 2015 թվականի հունիսին^[18]։ Ակումբը առաջարկեց նրան երկարաձգել պայմանագիրը, սակայն նա հրաժարվեց։ 2015 օգոստոսի 7-ին ֆուտբոլիստը պայմանագիր է ստորագրում հունական «Օլիմպիակոսի» հետ^[19]։

Միջազգային

Ազգային հավաքականում Էստեբանը կատարել է իր նորամուտը 2000 թվականի դեկտեմբերի 20-ին, Մեքսիկայի հավաքականի դեմ՝ Լոս Անջելեսում^[20]։ Հավաքականի կազմում ֆուտբոլիստը հիմնականում հանդես է գալիս հենակետային կիսապաշտպանի դիրքում, որի մասին վկայում է հինգ համարի մարզաշապիկը։ 1997 թվականին Արգենտիանայի երիտասարդական հավաքականի կազմում Կամբյասսոն դարձել է աշխարհի չեմպիոն^[21][22]։

Ինդիպենդենտե

• Արգենտինայի չեմպիոն։ 2002

Ռեալ Մադրիդ

• Իսպանիայի չեմպիոն։ 2003^[23][24]
• Իսպանիայի Սուպերգավաթակիր։ 2003^[23]
• Միջմայրցամաքային գավաթի դափնեկիր։ 2003^[23][24]
• Եվրոպայի Սուպերգավաթակիր։ 2003^[23][24]

Ինտեր

• Իտալիայի չեմպիոն։ 2006, 2007, 2008, 2009, 2010^[23][24]
• Իտալիայի գավաթի դափնեկիր։ 2005, 2006, 2010, 2011^[23][24]
• Իտալիայի սուպերգավաթի դափնեկիր։ 2005, 2006, 2010^[23][24]
• Աշխարհի ակումբային առաջնության հաղթող։ 2010
• ՈՒԵՖԱ Չեմպիոնների Լիգայի գավաթի դափնեկիր։ 2009-2010^[23][24]

Օլիմպիակոս

• Հունաստանի չեմպիոն

Արգենտինայի հավաքական

• Մինչև 20 տարեկանների աշխարհի չեմպիոն։ 1997
• Մինչև 19 տարեկանների Հարավային Ամերիկայի չեմպիոն։ 1997, 1999^[25]
• Կոնֆեդերացիաների գավաթի խաղարկության եզրափակչի մասնակից։ 2006

Անձնական

• «Ինտերի» տարվա լավագույն ֆուտբոլիստ։ 2005, 2006
• Ընդգրկվել է ESM տարվա լավագույն թիմի կազմում։ 2005-06^[26]
• Ոսկե Ծովահեն։ 2006^[27]
• «Լեսթեր Սիթիի» տարվա լավագույն ֆուտբոլիստ։ 2014-15

• Վիճակագրութունը National Football Teams կայքում(անգլ.)
• Ֆուտբոլիստի էջը
• Կամբյասսոյի պաշտոնական կայքը
• Պրոֆիլը transfermarkt.com կայքում(անգլ.)
• Անիրականը

Վիքիպահեստն ունի նյութեր, որոնք վերաբերում են «Էստեբան Կամբյասո» հոդվածին։