Էվելին Վիդմեր-Շլումպֆ

Վիդմեր-Շլումպֆն ամուսնացած է և ունի երեք երեխա։ Նա դաշնային խորհրդի նախկին անդամ Լեոն Շլումպֆի դուստրն է^[4]։ Նա դաշնային խորհրդի երկրորդ անդամն է, ում հայրն զբաղեցրել է նույն պաշտոնը և վեցերորդ կինը, որ եղել է Շվեյցարիայի դաշնային խորհրդի անդամ։ Էվելին Վիդմեր-Շլումպֆը նաև դաշնային խորհրդի անդամներ Դորիս Լուվարդի, Սիմոնեթ Սումարոգայի և խորհրդի նախկին անդամ Միշելին Կալմի-Ռեյի հետ եղել է SAFFA 2020 նախագծի հովանավորը^[5]։

Վիդմեր-Շլումպֆն ավարտել է Ցյուրիխի համալսարանի իրավաբանության ֆակուլտետը 1981 թվականին։ 1987-1998 թվականներին աշխատել է որպես իրավաբան։ 1985 թվականից սկսել է աշխատել Տրինի տարածքային դատարանում և դրա նախագահն է եղել 1991-1997 թվականներին։ Որպես Շվեյցարիայի ժողովրդական կուսակցության անդամ 1994-1998 թվականներին ընդգրված է եղել Գրաուբյունդենի օրենսդրական խորհրդում և 1998 թվականին դարձել է առաջին կինը, որ ընտրվել է կանտոնի կառավարության կազմում` 2001 և 2005 թվականներին լինելով դրա նախագահը։

Ընտրություն

Վիդմեր-Շլումպֆը 2007 թվականի դեկտեմբերի 12-ի Շվեյցարիայի դաշնային խորհրդի ընտրությունների ժամանակ Քրիստոնյա-դեմոկրատների, սոցիալ-դեմոկրատների և Կանաչների կուսակցություններից Քրիստոֆ Բլոխերի հետ առաջադրվել է որպես այլընտրանքային թեկնածու։ Առաջին փուլում նա ստացել է 116 ձայն` Բլոխերի 111-ի դիմաց։ Երկրորդ փուլում 125 ձայնով ընտրվել է որպես դաշնային խորհրդի անդամ։ Նա իր` ընտրվելու արդյունքներն ընդունել է 2007 թվականի դեկտեմբերի 13-ին։ Նա Բլոխերի փոխարեն ստանձնել է Արդարադատության նախարարի պաշտոնը։

Այլ պաշտոններ

2010 թվականին դաշնային խորհրդի երկու նոր անդամների ընտրությունից հետո Վիդմեր-Շլումպֆը փոխարինել է Հանս Ռուդոլֆ Մերցին Ֆինանսների նախարարի պաշտոնում` պաշտոնավարելով 10 տարի<sup>[6]</sup>։ Վիդմեր-Շլումպֆն ընտրվել է Շվեյցարիայի փոխնախագահի պաշտոնում 2011 թվականին։ 2011 թվականի դեկտեմբերի 14-ին ընտրվել է Շվեյցարիայի նախագահի պաշտոնում` դառնալով երկրի չորրորդ կին նախագահը։

Աշխատանքից հեռացում

Այ բանից հետո, երբ Շվեյցարիայի ժողովրդական կուսակցությունը 2015 թվականի ընտրություններում ստացել է ընտրողների ձայների 25 տոկոսը, Վիդմեր-Շլումպֆը հայտարարել է, որ չի մասնակցելու 2015 թվականի հոկտեմբերի 28-ի ընտրություններին^[7][8][9]։ Նրան հաջորդել է Գայ Փարմելինը։

• Voraussetzungen der Konzession bei Radio und Fernsehen. doctorate thesis. Helbing und Lichtenhahn, Basel 1990, 3-7190-1157-7.

• Official biography
• homepage at the conference of cantonal finance directors
• Eveline Widmer-Schlumpf: CV Wayback Machine (արխիվացված Դեկտեմբեր 14, 2007).
• "Swiss MPs reject far-right leader", BBC News, 12 December 2007.
• Widmer-Schlumpf accepts cabinet post Արխիվացված 2012-09-12 archive.today, swissinfo 13 December 2007.
• Swiss consensus government falls as rightists quit, Reuters, 13 December 2007.

Վիքիպահեստն ունի նյութեր, որոնք վերաբերում են «Էվելին Վիդմեր-Շլումպֆ» հոդվածին։