Թեո Բոնգոնդա

Ակումբային

Բոնգոնդան բելգիական «Լիերս» ֆուտբոլային ակումբի սանն է։ Հանդես է եկել բելգիական «Զյուլտե Վարեգեմ» ակումբում։ 2013 թ․ դեկտեմբերի 15-ին իր առաջին խաղն է անցկացրել Զյուլտե Վարեգեմի կազմում, երբ թիմը Բելգիայի առաջնությունում մրցում էր Լիերսի հետ^[5]։ 2014 թ․ մարտի 1֊ին ֆուտբոլիստն աչքի է ընկնում գոլային փոխանցմամբ, երբ թիմը մրցում էր «Վասլանդ֊Բևերեն» ակումբի հետ^[6]։ Մարտի 29-ին Բոնգոնդան աչքի է ընկնում 2 գոլային փոխանցմամբ, երբ թիմը մրցում էր «Գենկ» ակումբի հետ^[7]։ 2014 թ․ ապրիլի 20-ին կարողանում է խփել իր առաջին գոլը, երբ թիմը մրցում էր «Լոքերեն» ակումբի հետ^[8]։

2015 թ․ հունվարի 9-ին ֆուտբոլիստը 4.5 տարվա պայմանագիր է կնքում իսպանական «Սելտա» ակումբի հետ։ Պայմանագրի արժեքը կազմում էր 1 միլիոն եվրո։ Նոր ակումբի կազմում իր առաջին գոլը կարողանում է խփել 2015 թ․ ապրիլի 8-ին, երբ թիմը մրցում էր «Գրանադա» ակումբի հետ։

2018 թ․ հունվարին ֆուտբոլիստը վարձավճարով տեղափոխվում է թուրքական «Տրաբզոնսպոր» հետագայում «Զյուլտե Վարեգեմ» տեղափոխվելու հնարավորությամբ^[9]։

Ազգային հավաքականի կազմում

2013 թ․ հանդես է գալիս Բելգիայի մինչև 19 տարեկանների հավաքականում։ Մինչև 19 տարեկանների հավաքականում իր առաջին խաղն անցկացրել է 2013 թ․ հոկտեմբերի 10-ին, երբ թիմը Եվրոպայի առաջնությունում նախընտրական հանդիպում էր անցկացնում Հյուսիսային Իռլանդիայի հավաքականի հետ։ Այս խաղում Բոնգոնդան դուրս գալով խաղադաշտ կարողանում է գրավել մրցակցի դարպասը^[10]։ Հետագայում ևս 2 հանդիպում անցկացնելով հավաքականի կազմում կարողանում է գրավել նաև ֆրանսիացիների դարպասը^[11]։

2014 թ. ապրիլի 22-ի տվյալներով

Ակումբ	Մրցաշրջան	Ազգային առաջնություն			Փլեյ֊օֆֆ		Ազգային գավաթ		Միջազգային գավաթ		Ընդամենը
		Լիգա	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Զյուլտե Վարեգեմ	2013/14	Բելգիայի առաջնություն	9	0	5	1	3	0	0	0	17	1
Ընդամենը			9	0	5	1	3	0	0	0	17	1

• Բոնգոնդան Footballdatabase.eu կայքում (անգլ.)
• Բոնգոնդան soccerway.com կայքում (անգլ.)
• Բոնգոնդան transfermarkt.com կայքում (անգլ.)

Վիքիպահեստն ունի նյութեր, որոնք վերաբերում են «Թեո Բոնգոնդա» հոդվածին։