Լան Լան
Լան Լան (անգլ.՝ Lang Lang, հունիսի 14, 1982[1][2][3][…], Շենյան, Չինաստան[4]), չինական ծագմամբ ամերիկացի դաշնակահար։
Լան Լան | |
---|---|
Ծնվել է | հունիսի 14, 1982[1][2][3][…] (41 տարեկան) Շենյան, Չինաստան[4] |
Երկիր | Չինաստան |
Ժանրեր | դասական երաժշտություն[5] |
Մասնագիտություն | դասական դաշնակահար |
Գործիքներ | դաշնամուր[5] |
Լեյբլ | Sony Classical և Գերմանական գրամոֆոն |
Կրթություն | Քերտիսի անվան երաժշտական ինստիտուտ[6], Երաժշտության թագավորական քոլեջ և Central Conservatory of Music? |
Ամուսին | Gina Alice Redlinger? |
Պարգևներ | |
Կայք | langlangofficial.com |
Lang Lang Վիքիպահեստում |
Կենսագրություն
Լան Լանը ծնվել է Չինաստանի Շենյան քաղաքում, ունի մանջուրական արմատներ։ Հայրը՝ Հոժենը (չինարեն՝ 郎国任), երաժիշտ է (էրհու)։ Երկու տարեկանում Լանը դիտել է «Թոմն ու Ջերին» մուլտֆիլմերի շարքի «The Cat Concerto» դրվագը, որտեղ հնչում է Ֆերենց Լիստի «Հունգարական ռապսոդիա №2» ստեղծագործությունը։ Լան Լանի խոսքերով՝ դա իր առաջին պայմանագիրն էր արևմտյան երաժշտության հետ, որից հետո նրա մեջ ցանկություն է առաջացել դաշնամուր նվագել[10][11]։ Երեք տարեկանում սկսել է սովորել, իսկ արդեն հինգ տարեկանում Լանը առաջին տեղն է զբաղեցրել Շենյանում կայացած դաշնամուրային մրցույթում։ Այդ ժամանակ էլ տվել է իր առաջին մենահամերգը[12]։ 1997 թվականին Լանի ընտանիքը տեղափոխվել է ԱՄՆ[13], որտեղ էլ երաժիշտը ներկայումս ապրում է։
Լան Լանի երաժշտական միջազգային հիմնադրամ
Լան Լանն[14] իր առաքելությունն է հռչակել մասսայականացնել դասական երաժշտությունը աշխարհում՝ հատուկ շեշտ դնելով երեխաների և պատանի երաժիշտների ուսուցմանը։ «Financial Times»-ը նշել է, որ Լան Լանը «խանդավառությամբ է իր ջանքերը ներդնում դասական երաժշտության հանրամատչելիությունը մեծացնելու մեջ[15]։
2008 թվականի հոկտեմբերին Նյու Յորքում Լան Լանը «Գրեմմի»-ի և «ՅՈՒՆԻՍԵՖ»-ի աջակցությամբ սկսել է Միջազգային երաժշտական անվանական հիմնադրամի գործունեությունը[16]։ Այդ հիմնադրամը ստեղծվել է դասական երաժշտությունը խորությամբ ընկալելու և դրանից հաճույք ստանալու միջոցով երեխաների կյանքը հարստացնելու, ինչպես նաև երաժիշտների հաջորդ սերունդներին ֆինանսապես աջակցելու նպատակով։ 2009 թվականի մայիսին Լան Լանը իր հիմնադրամի երեք աշակերտների՝ Չերլի Լյուի, Աննա Լարսենի և Դերեք Վանի (8-10 տարեկան) հետ միասին հանդես է եկել Օփրա Ուինֆրիի շոուի ժամանակ[17]։
Ձայնագրություններ
- 2002 - Klavierkonzert 3 & Etüden
- 2004 - Lang Lang Live At Carnegie Hall (Re-Release: 2008)
- 2006 - «Memory»
- 2006 - «Dragon Songs»
- 2008 - «Dreams of China»
- 2008 - «Time For Dreams»
- 2010 - «Lang Lang - Live in Vienna»
- 2011 - "Liszt - My piano hero"
- 2014 - "The Mozart Album"
- 2015 - "Lang Lang in Paris"
- 2016 - "Best of Lang Lang"
- 2016 - "The Chopin Album"
- 2016 - "New York Rhapsody"
- 2017 - "Romance"[18][19]
Մրցանակներ և ձեռքբերումներ
- 2004 - Լան Լանը ընտրվել է «Յունիսեֆ»-ի բարի կամքի միջազգային դեսպան[20]։
- 2008 - ԱՄՆ-ի արվեստի և գիտության ազգային ակադեմիան Լան Լանին ընտրել է որպես իր մշակույթի դեսպան Չինաստանում[21]։
- 2009 - «Time» ամսագիրը դաշնակահարին ներառել է «Time 100»-ում՝ տարվա հարյուր ամենաազդեցիկ մարդկանց ցանկում[22]։
- Ներառված է «Gramophone» ամսագրի փառքի սրահում[23]։
Ծանոթագրություններ
Գրականություն
- Lang, Lang (2008). Journey of a thousand miles: my story (1st ed.). New York: Spiegel & Grau. ISBN 9780385524568. OCLC 179834007.
- Lang, Lang: "Lang Lang: playing with flying keys", Lang Lang with Michael French, introduction by Daniel Barenboim, New York: Delacorte Press, 2008, 215 p. 978-0-385-73578-0
- Wu, Grace: "Lang Lang", Cheng & Tsui Co, 2010, 93 p. 0-88727-758-6
Արտաքին հղումներ
- Լան Լանի Երաժշտական միջազգային հիմնադրամի պաշտոնական կայք
- Լան Լանը NPR Music-ում
- Փաստագրական ֆիլմ Արխիվացված 2018-07-25 Wayback Machine
Վիքիպահեստն ունի նյութեր, որոնք վերաբերում են «Լան Լան» հոդվածին։ |