Լեանդրո Բենեգաս
Լեանդրո Իվան Բենեգաս (իսպ.՝ Leandro Iván Benegas, նոյեմբերի 27, 1988[1][2][3], Մենդոսա, Արգենտինա), արգենտինացի ֆուտբոլիստ, որը խաղում է հարձակվողի դիրքում։ Հանդես է գալիս չիլիական «Ունիվերսիդադ դե Չիլի» ակումբում։
Քաղաքացիությունը | Արգենտինա և Չիլի | ||
---|---|---|---|
Ծննդյան ամսաթիվ | նոյեմբերի 27, 1988[1][2][3] (35 տարեկան) | ||
Ծննդավայր | Մենդոսա, Արգենտինա | ||
Հասակ | 179 սանտիմետր | ||
Քաշ | 86 կիլոգրամ | ||
Դիրք | հարձակվող | ||
Ակումբային կարիերա
Լեանդրո Բենեգասն իր ֆուտբոլային կարիերան սկսել է արգենտինական «Ինդեպենդենտե Ռիվադավիա» ակումբում։ 2009 թվականի ամռանը դարձել է «Ուրականի» խաղացող։ 2010 թվականի փետրվարի 8-ին նշել է նորամուտը արգենտինական Պրիմերայում՝ դուրս գալով փոխարինման «Ատլետիկո Տուկումանի» դեմ արտագնա խաղի ամենավերջում[4]։ 2010 թվականի ամռանը տեղափոխվել է Պրիմերա Բ Նասիոնալի ԿԱԻ ակումբ, իսկ 2011 թվականի սկզբից խաղացել է «Դեպորտիվո Արմենիո» ակումբում։
2012 թվականի հուլիսին Բենեգասը դարձել է չիլիական «Ունիոն Լա Կալերա» ակումբի խաղացող։ Հուլիսի 29-ին՝ չիլիական Պրիմերայում իր համար նորամուտային խաղում արգենատինացին խփել է իր առաջին գոլը բարձրագույն մակարդակում՝ հավասարեցնելով հաշիվը «Կոլո Կոլո» ակումբի դեմ խաղում[5]։ 2013 թվականի փետրվարի 10-ին դուբլ է ձևակերպել «Սանտյագո Ուոնդերերսի» դեմ խաղում[6], որն իր թիմին բերել է կամային հաղթանակ։ 2014 թվականի հունվարի 5-ին Բենեգասը ձևակերպել է պոկեր «Կոբրեսալի» դեմ արտագնա խաղում[7]։ Նույն թվականի հոկտեմբերի 11-ին աչքի է ընկել հեթ-տրիկով «Ուաչիպատոյի» դեմ խաղում[8]։
2014 թվականի դեկտեմբերին Բենեգասը տեղափոխվել է «Ունիվերսիդադ դե Չիլի»։ Կլաուսուրա 2016-ում վարձավճարով հանդես է եկել «Աուդակս Իտալյանոյում», իսկ Ապերտուրա 2016-ում նույնպես վարձավճարով խաղացել է «Պալեստինոյում»։
Ձեռքբերումներ
- Չիլի Սուպերգավաթակիր (1) - 2015
- Չիլիի գավաթակիր - 2015
- Չիլի չեմպիոն (1) - Կլ․ 2017
Ծանոթագրություններ
Արտաքին հղումներ
- Ֆուտբոլիստի էջը soccerway.com կայքում(անգլ.)
- Ֆուտբոլիստի էջը worldfootball.net կայքում
- Պրոֆիլը transfermarkt.com կայքում(անգլ.)
Վիքիպահեստն ունի նյութեր, որոնք վերաբերում են «Լեանդրո Բենեգաս» հոդվածին։ |