Լյուբով Սոբոլ
Լյուբով Էդուարդի Սոբոլ (ռուս.՝ Любо́вь Эдуа́рдовна Со́боль, ի ծնե՝ Ֆեդենյովա (ռուս.՝ Феденёва)[5], սեպտեմբերի 13, 1987, Լոբնյա, Մոսկվայի մարզ, ՌԽՖՍՀ, ԽՍՀՄ[2]), ռուս քաղաքական և հասարակական գործիչ, Կոռուպցիայի դեմ պայքարի հիմնադրամի իրավաբան, Ապագայի Ռուսաստանը կուսակցության անդամ, Ռուսաստանի ընդդիմության համակարգող խորհրդի անդամ (2012-2013)[6]։
Լյուբով Սոբոլ ռուս.՝ Любовь Эдуардовна Соболь[1] | |
---|---|
Ծնվել է | սեպտեմբերի 13, 1987 (36 տարեկան) |
Ծննդավայր | Լոբնյա, Մոսկվայի մարզ, ՌԽՖՍՀ, ԽՍՀՄ[2] |
Քաղաքացիություն | Ռուսաստան |
Մայրենի լեզու | ռուսերեն |
Կրթություն | Մոսկվայի պետական համալսարանի իրավաբանական ֆակուլտետ (2011) |
Մասնագիտություն | քաղաքական ակտիվիստ, իրավաբան, փաստաբան, քաղաքական գործիչ, հասարակական գործիչ և հեռուստատեսային պրոդյուսեր |
Ամուսին | Sergey Mokhov?[3] |
Կուսակցություն | Առաջադիմական կուսակցություն (Ռուսաստան) և Ապագայի Ռուսաստան |
Պարգևներ և մրցանակներ | |
Անդամություն | Ռուսական ընդդիմության կոորդինացման խորհուրդ |
Կայք | soboll.ru |
Lubov Sobol Վիքիպահեստում |
Կենսագրություն
Ծնվել է 1987 թվականին Լոբնյայում։ 2004 թվականին արծաթե մեդալով ավարտել է միջնակարգ դպրոցի գիմնազիան։ 2004 ընդունվել է Մոսկվայի պետական իրավաբանական ակադեմիայի Իրավագիտության ինստիտուտ։ Սովորելուն զուգահեռ աշխատել է Մոսկվայի Պրեսնյայի շրջանային դատարանում որպես դատական նիստի քարտուղար և դատավորի օգնական։ 2006 թվականին ընդունվել է Մոսկվայի պետական համալսարանի իրավագիտության ֆակուլտետ, որը ավարտել 2011 թվականին կարմիր դիպլոմով[7]։
2011-2012 թվականներին մասնակցել է «Անտիսելիգեր» և «Պոսլեդնյայա օսեն» քաղաքացիական ֆորումների, ընդդիմադիր ցույցերի, Աստրախանի կամավորական շարժմանը և Կրիմսկի օգնության շարժմանը, եղել է տարբեր մակարդակների ընտրությունների դիտորդ։ 2011 թվականի մարտից աշխատում է Ալեքսեյ Նավալնու կողմից կոռուպցիայի դեմ պայքարի նպատակով ստեղծած ՌոսՊիլ նախագծի իրավաբան։