Խայմե Պենեդո
Խայմե Մանուել Պենեդո Կանո (իսպ.՝ Jaime Manuel Penedo Cano, սեպտեմբերի 26, 1981[1][2], Պանամա, Պանամա), պանամացի ֆուտբոլիստ, դարպասապահ։ Հանդես է եկել Պանամայի հավաքականում։
 | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | |||||||||||||||||||||||||||||||||
| Անձնական տվյալներ | |||||||||||||||||||||||||||||||||
| Քաղաքացիությունը |  Պանամա և  Իսպանիա | ||||||||||||||||||||||||||||||||
| Ծննդյան ամսաթիվ | սեպտեմբերի 26, 1981[1][2] (42 տարեկան) | ||||||||||||||||||||||||||||||||
| Ծննդավայր | Պանամա, Պանամա | ||||||||||||||||||||||||||||||||
| Հասակ | 183 սանտիմետր | ||||||||||||||||||||||||||||||||
| Դիրք | դարպասապահ | ||||||||||||||||||||||||||||||||
| Պատանեկան կարիերա | |||||||||||||||||||||||||||||||||
| |||||||||||||||||||||||||||||||||
| Մասնագիտական կարիերա* | |||||||||||||||||||||||||||||||||
| Տարի | Ակումբ | Խաղ | (Գոլ) | ||||||||||||||||||||||||||||||
| |||||||||||||||||||||||||||||||||
| Ազգային հավաքական | |||||||||||||||||||||||||||||||||
| |||||||||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||||||||||||||
Ակումբային կարիերա
Իր կարիերան սկսել է Պանամայի «Էստուդիանտես» ակումբում, որի հիմնական կազմում նորամուտը նշել է 2000 թվականին։ 2002 թվականին դարպասապահը տեղափոխվել է «Պլասա Ամադոր»։
2004 թվականին միացել է «Արաբե Ունիդո» ակումբին, որի կազմում դարձել է 2004 թվականի Ապերտուրայի և Կլաուսուրայի հաղթող։ Պանամայի առաջնությունում հաջող ելույթից հետո Պենեդոն տեղափոխվել է իտալական «Կալյարի» ակումբ։ Սակայն Սարդինիայի թիմի կազմում դարպասապահը ոչ մի հանդիպում չի անցկացրել և 2006 թվականի ամռանը տեղափոխվել է Սեգունդայում հանդես եկող «Օսասունա Բ»։
Իսպանական ակումբում անցկացնելով 27 հանդիպում՝ 2007 թվականի ամռանը Պենեդոն վերադարձել է Կենտրոնական Ամերիկա՝ պայմանագիր կնքելով «Մունիսիպալ» ակումբի հետ։ Գվատեմալական ակումբի հետ Խայմեն 4 անգամ դարձել է Գվատեմալայի առաջնության հաղթող, մասնակցել է ԿՈՆԿԱԿԱՖ-ի Չեմպիոնների լիգայի խաղերին։
2013 թվականի օգոստոսի 5-ին հայտարարվել է խաղացողի՝ Լոս Անջելես Գելաքսիի կազմ տեղափոխվելու մասին[3]։ Ամերիկյան ակումբում դարպասապահը նորամուտը նշել է 2013 թվականի օգոստոսի 18-ին «Ռեալ Սոլթ Լեյքի» դեմ խաղում[4]։ «Վանկուվեր Ուայթքեփսի» հետ հաջորդ խաղում Խայմեն օգնել է իր ակումբին հաղթել 1:0 հաշվով[5]։ Խայմեն մասնակցել է կանոնավոր առաջնության 9 խաղի, որոնցում բաց է թողել 7 գնդակ, 4 խաղում անառիկ է թողել իր դարպասը։ Պենեդոն նաև մասնակցել է «Ռեալ Սոլթ Լեյքի» դեմ ՄԼՍ-ի գավաթի խաղարկության փլեյ-օֆֆի երկու հանդիպումներին[6][7]։ 2015 թվականի հուլիսի 30-ին պանամացու պայմանագիրը «Գելաքսիի» հետ խզվել է կողմերի փոխադարձ համաձայնությամբ[8][9]։
2016 թվականի սկզբին 2 տարվա պայմանագիր է կնքել Կոստա Ռիկայի առաջնության «Դեպորտիվո Սապրիսայի» հետ[10]։
2016 թվականի հուլիսին տեղափոխվել է Ռումինիայի առաջնության «Դինամո Բուխարեստ» ակումբ՝ կնքելով երկու տարվա պայմանագիր[11]։
Կարերան հավաքականում
Պանամայի հավաքականում սկսել է հանդես գալ 2003 թվականին։ Ազգային հավաքականի կազմում անցկացրել է ավելի քան 110 հանդիպում։
2005 թվականին ընդգրկվել է ԿՈՆԿԱԿԱՖ-ի 2005 թվականի Ոսկե գավաթում։ Մրցաշարի ընթացքում մասնակցել է իր հավաքականի բոլոր 6 խաղերը[12], այդ թվում՝ ԱՄՆ-ի դեմ եզրափակիչ հանդիպմանը, որում պանամացիները պարտվել են 11 մետրանոցներով[13]. Ճանաչվել է գավաթի խաղարկության լավագույն դարպասապահ և ընդգրկվել խորհրդանշական հավաքականում։
2007 թվականին մասնակցել է Կենտրոնական Ամերիկայի ֆուտբոլային միության գավաթին, խաղադաշտ դուրս եկել 2 խաղում, այդ թվում՝ Կոստա Ռիկայի հավաքականի դեմ վճռորոշ խաղում[14]։
Նույն թվականին հավաքականի կազմում հանդես է եկել ԿՈՆԿԱԿԱՖ-ի Ոսկե գավաթում։ Մասնակցել է հավաքականի բոլոր 4 հանդիպումներին, բաց է թողել 7 գնդակ[15]։
2009 թվականին Հոնդուրասի Կենտրոնական Ամերիկայի ֆուտբոլային միության գավաթի խաղարկությունում հավաքականի կազմում դարձել է մրցաշարի հաղթող ՝ խաղալով 4 հանդիպում։ Եզրափակիչ խաղում Պանամայի հավաքականը հետխաղյա 11 մետրանոցներով հաղթել է Կոստա Ռիկայի հավաքականին[16]. Պենեդոն ընդգրկվել է 2009-ի ԿՈՆԿԱԿԱՖ-ի ոսկե գավաթի Պանամայի հավաքականի հայտացուցակում, անցկացրել է մրցաշարի բոլոր 4 հանդիպումները, բաց է թողել 5 գնդակ[17].
2011 - ին Հավաքականի կազմում մասնակցել է Կենտրոնական Ամերիկայի Գավաթին ։ 4 խաղում բաց է թողել 1 գնդակ[18].Սալվադորի հավաքականի դեմ խաղում 3-րդ տեղի համար խաղում իր թիմին օգնել է հաղթանակ տանել 11 մետրանոցներով[19]. Նույն թվականին հասել է ԿՈՆԿԱԿԱՖ-ի Ոսկե գավաթի կիսաեզրափակիչ ՝ մասնակցելով մրցաշարի 4 խաղի, բաց է թողել 5 գնդակ։
2013 թվականին ԿՈՆԿԱԿԱՖ-ի Ոսկե գավաթում դարձել է մրցաշարի արծաթե մեդալակիր։ Նա մասնակցել է 5 հանդիպման, որոնցում բաց է թողել 4 գնդակ։ Հայմեն կրկին, ինչպես եւ 2005 թվականին, ճանաչվել է գավաթի լավագույն դարպասապահ և ընդգրկվել խորհրդանշական հավաքականում։
Ձեռքբերումներ
Արաբե Ունիդո
- Պանամայի չեմպիոն (2) – Ապերտուրա 2004, Կլաուսուրա 2004
Մունիսիպալ
- Գվատեմալայի չեմպիոն (4) – Կլաուսուրա 2008, Ապերտուրա 2009, Կլաուսուրա 2010, Ապերտուրա 2011
- Չեմպիոն MLS (1) – 2014
- Ռումինական լիգայի գավաթի դափնեկիր (1) – 2016/17
- Կենտրոնաամերիկյան գավաթի դափնեկիր (1) – 2009
- ԿՈՆԿԱԿԱՖ-ի ոսկե գավաթի լավագույն դարպասապահ (2) – 2005, 2013
Ծանոթագրություններ
Արտաքին Հղումներ
- Ֆուտբոլիստի էջը soccerway.com կայքում(անգլ.)
- Պրոֆիլը transfermarkt.com կայքում(անգլ.)
- Վիճակագրությունը National Football Teams կայքում(անգլ.)
 | Վիքիպահեստն ունի նյութեր, որոնք վերաբերում են «Խայմե Պենեդո» հոդվածին։ |