Խունիոր Ֆիրպո
Խունիոր Ֆիրպո (իսպ.՝ Junior Firpo, օգոստոսի 22, 1996[1], Սանտո Դոմինգո, Դոմինիկյան Հանրապետություն), իսպանացի պրոֆեսիոնալ ֆուտբոլիստ։ Ներկայումս հանդես է գալիս Բարսելոնայի կազմում։ Խաղում է ձախ պաշտպանի դիրքում[2]։
 Junior Firpo | |||
|---|---|---|---|
.jpg) | |||
| Անձնական տվյալներ | |||
| Ամբողջական անուն | Héctor Junior Firpo Adamés | ||
| Քաղաքացիությունը |  Դոմինիկյան Հանրապետություն Իսպանիա | ||
| Ծննդյան ամսաթիվ | օգոստոսի 22, 1996[1] (27 տարեկան) | ||
| Ծննդավայր | Սանտո Դոմինգո, Դոմինիկյան Հանրապետություն | ||
| Հասակ | 184 սմ | ||
| Քաշ | 78 կգ | ||
| Դիրք | ձախ պաշտպան | ||
| Ակումբային տեղեկություններ | |||
| Ներկա ակումբ | Բարսելոնա | ||
| Համար | 24 | ||
| Պատանեկան կարիերա | |||
| 2011-2012 | Ատլետիկո Բենամիլ | ||
| 2012-2013 | Տիրո Պիխոն | ||
| 2013-2014 | Պուերտո Մալագենյո | ||
| 2014-2015 | Ռեալ Բետիս | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2015-2018 | Ռեալ Բետիս B | 74 | (8) |
| 2018-2019 | Ռեալ Բետիս | 38 | (5) |
| 2019-ներկա | Բարսելոնա | 0 | (0) |
| Ազգային հավաքական‡ | |||
| 2018-2019 | Իսպանիա Մ21 | 4 | (0) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Ռեալ Բետիս
Խունիորը Ռեալ Բետիսի ակադեմիայի սան է[3][4][5]։ 2017 թվականի օգոստոսի 1-ին նա 4 տարվա պայմանագիր կնքեց ակումբի հետ՝ տեղափոխվելով Բետիսի առաջին թիմ[6][7]։ Իր պրոֆեսիոնալ դեբյուտը նշեց 2018 թվականի փետրվարի 12-ին՝ մեկնարկային կազմում խաղադաշտ դուրս գալով Դեպորտիվո Լա Կորունյայի դեմ խաղում և գոլային փոխանցման հեղինակ դառնալով այս հանդիպման 54-րդ րոպեին[8]։ Իր առաջին գոլը խփեց մարտի 17-ին՝ Էսպանյոլի դեմ խաղում[9][10]։ Ապրիլի 19-ին Խունիորը խաղի ավելացված ժամանակում խփեց Լաս Պալմասի դեմ հանդիպման միակ գնդակը՝ 1-0 հաշվով հաղթանակ պարգևելով Բետիսին[11]։ Իր առաջին մրցաշրջանում իսպանացին անցկացրեց 14 հանդիպում՝ դառնալով 2 գոլի և 2 գոլային փոխանցման հեղինակ[12]։
2018 թվականի օգոստոսի 19-ին Խունիորը երկարաձգեց իր պայմանագիրը Բետիսի հետ մինչև 2023 թվականը[13][14][15]։ Իր առաջին հանդիպումը եվրոպական առաջնություններում իսպանացին անցկացրեց հոկտեմբերի 25-ին՝ Եվրոպայի Լիգայի խմբային փուլի Միլանի դեմ խաղում[16]։ Նոյեմբերի 11-ին Խունիորը գոլի և գոլային փոխանցման հեղինակ դարձավ Բարսելոնայի դեմ խաղում՝ օգնելով Բետիսին հաղթել 4-3 հաշվով[17]։ Դեկտեմբերի 2-ին նա խփեց Ռեալ Սոսիեդադի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին[18]։ Ռեալ Բետիսի կազմում Խունիորը անցկացրեց 43 հանդիպում՝ դառնալով 5 գոլի և 7 գոլային փոխանցման հեղինակ։
Բարսելոնա
2018 թվականի օգոստոսի 4-ին Խունիորը 5 տարվա պայմանագիր կնքեց Բարսելոնայի հետ[19][20][21]։ Ակումբը նրա համար վճարեց 18 միլիոն եվրո[22], և կպարտավորվի վճարել ևս 12 միլիոն եվրո բոնուսների դեպքում[23][24][25]։
Միջազգային կարիերա
Խունիորը իրավասու է ներկայացնել Իսպանիան և Դոմինիկյան Հանրապետությունը միջազգային ասպարեզում[26][27]։ 2015 թվականի հոկտեմբերի 9-ին նա Դոմինիկյան Հանրապետության ազգային հավաքականի կազմում մասնակցեց Բրազիլիայի Մ23 հավաքականի դեմ ոչ պաշտոնական ընկերական խաղին[28]։ 2018 թվականի օգոստոսի 31-ին Խունիորը հրավիրվեց Իսպանիայի մինչև 21 տարեկանների երիտասարդական հավաքական[29]։ Իր դեբյուտը երիտասարդական թիմի կազմում նշեց սեպտեմբերի 6-ին՝ Ալբանիայի դեմ խաղում[30][31]։ 2019 թվականին Ֆիրպոն Մ21 հավաքականի կազմում մասնակցեց Եվրոպայի առաջնությանը[32]՝ անցկացնելով 3 հանդիպում և օգնելով իր թիմին նվաճել գավաթը[33][34][35]։
Կարիերայի վիճակագրություն
Ակումբային վիճակագրություն
2019 թվականի օգոստոսի 5-ի դրությամբ[36]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Ռեալ Բետիս | 2017–18 | Լա Լիգա | 14 | 2 | 0 | 0 | 0 | 0 | — | 14 | 2 | |
| 2018–19 | 24 | 3 | 1 | 0 | 4 | 0 | 29 | 3 | ||||
| Ընդհանուր | 38 | 5 | 1 | 0 | 4 | 0 | 0 | 0 | 43 | 5 | ||
| Բարսելոնա | 2019–20 | Լա Լիգա | 0 | 0 | 0 | 0 | 0 | 0 | 0 | 0 | 0 | 0 |
| Կարիերայի ընդհանուր | 38 | 5 | 1 | 0 | 4 | 0 | 0 | 0 | 43 | 5 | ||
Նվաճումներ
Ակումբային
Իսպանիա Մ21
- ՈՒԵՖԱ Եվրոպայի Մ21 առաջնություն. 2019[33]