Ծովագնացության միջազգային կազմակերպություն
Ծովագնացության միջազգային կազմակերպություն (ԾՄԿ) (անգլ.՝ International Maritime Organization (IMO), մինչև 1982 թվականը որպես՝ Միջպետական ծովագնացության խորհրդատվական կազմակերպություն[2] (ՄԾԽԿ, անգլ.՝ Inter-Governmental Maritime Consultative Organization (IMCO)), Միավորված ազգերի կազմակերպության մասնագիտացված գործակալություն, պատասխանատու է միջազգային առևտրային ծովային անվտանգության և նավագնացության հետևանոքվ շրջակա միջավայրի աղտոտումը կանխելու համար։ ԾՄԿ-ն ստեղծվել է Ժնևում 1948 թվականին[3] և ուժի մեջ է մտել տասնամյա ժամկետով՝ 1959 թվականին առաջին անգամ հանդիպում անցկացնելու նպատակով։ Գլխավոր գրասենյակը գտնվում է Լոնդոնում (Միացյալ Թագավորություն, Անգլիա) և ներկայում գործակալությանն անդամակցում է 173 անդամ պետություն և այն կնքել է երեք դաշինք[2]։
Ծովագնացության միջազգային կազմակերպություն | |
---|---|
Տեսակ | ՄԱԿ-ի մասնագիտացված գործակալություն |
Հապավում | IMO, IMO, IMO, OMI, OMI, OMI, OMI, OMI, OMI, OMI, ИМО, ИМО, BDT, ԾՄԿ և TJO |
Հիմնադրված | 1982 |
Գլխադասային գրասենյակ | Լոնդոն, Միացյալ Թագավորություն |
Պաշտ. լեզու(ներ) | անգլերեն[1], արաբերեն[1], հյուսիսային չինարեն[1], իսպաներեն[1], ֆրանսերեն[1] և ռուսերեն[1] |
Գլխավոր քարտուղար | Arsenio Antonio Dominguez Velasco? |
Կայք | imo.org(անգլ.) |
ԾՄԿ-ն կառավարություններին մեխանիզմներ է տրամադրում՝ համագործակցելու միջազգային ծովագնացությանն առնչվող տեխնիկական խնդիրների կանոնակարգման և գործունեության ձևավորման համար, խթանելու ծովագնացության մեջ ծովային անվտանգության և արդյունավեպության կիրառելի ամենաբարձր չափանիշների ընդունումը և պաշտպանելու ծովային միջավայրը նավագնացության հետևանքով առաջացող աղտոտումը կանխելու և վերահսկելու միջոցով։
Ներկայումս համաշխարհային մակարդակով ընդունվել և կիրառվում են մոտ 50 կոնվենցիա և համաձայնագիր և մոտ 1000 օրենսգիրք ու հանձնարարական։ 1983 թվականին Շվեդիայի Մալմո քաղաքում կազմակերպությունը հիմնեց Ծովային համաշխարհային համալսարան, որտեղ վերապատրաստում են անցնում վարչական աշխատողներ, դասախոսներ, և ծովային բնագավառի այլ մասնագետներ[4]։