Հանա Ռովինա
Հանա Ռովինա (եբրայերեն՝ חנה רובינא&lrm, սեպտեմբերի 15, 1888 կամ հոկտեմբերի 9, 1888[1], Բերեզինո, Վանահոր Գավառ, Մինսկի նահանգ, Ռուսական կայսրություն[2] - փետրվարի 3, 1980 կամ փետրվարի 2, 1980[1], Թել Ավիվ, Իսրայել[2][6]), հայտնի է նաև՝ Ռոբինա, իսրայելցի դերասանուհի։ Հաճախ նրան անվանում են «հրեական թատրոնի առաջին լեդի»[7]։
 եբրայերեն՝ חנה רובינא | |
|---|---|
 | |
| Ծնվել է | սեպտեմբերի 15, 1888 կամ հոկտեմբերի 9, 1888[1] |
| Ծննդավայր | Բերեզինո, Վանահոր Գավառ, Մինսկի նահանգ, Ռուսական կայսրություն[2] |
| Մահացել է | փետրվարի 3, 1980 (91 տարեկան) կամ փետրվարի 2, 1980[1] (91 տարեկան) |
| Մահվան վայր | Թել Ավիվ, Իսրայել[2] |
| Քաղաքացիություն |  Իսրայել |
| Մասնագիտություն | թատրոնի դերասանուհի |
| Համատեղ ապրող(ներ) | Ալեքսանդր Պեն[3] |
| Երեխա(ներ) | Ilana Rovina? |
| Պարգևներ և մրցանակներ | |
Կենսագրություն
Հանա Ռովինան ծնվել է Բերեզինոյում, Մինսկի շրջան (նահանգ), Բելառուս, Ռուսական կայսրություն։ Նախքան Առաջին համաշխարհային պատերազմը Վարշավայում անցել է նախադպրոցական մանկավարժների համար նախատեսված եբրայերենով դասընթացը[8]։
Հրեա գրող Ալեքսանդր Պեննից 1937 թվականին դուստր է ունեցել՝ Իլանային[9]։
Գործունեություն
Դերասանական կարիերան սկսել է Նահամ Ցեմախի անվան հրեական թատրոնում։ 1917 թվականին, Հաբիմա թատրոնի բացման հետ մեկտեղ, միացել է նրան և մասնակցել նախնական թատերական գործընթացներին, եղել թատրոնի հիմնադիրներից, աշակերտել Կոնստանտին Ստանիսլավսկուն, Եվգենի Վախթանգովին, խաղացել Եվգենի Վախթանգովի պիեսում։ Հայտնի է դարձել Սեմյոն Անսկիի The Dybbuk (Երկու աշխարհների միջև) պիեսում մարմնավորած Լեայի դերով[10]։
1928 թվականին Ռովինան և Հաբիմա թատրոնի այլ դերակատարներ ներգաղթել են Պաղեստին։ Հաբիմա թատրոնը դարձել է նոր ազգային թատերական շարժման առաջատար, իսկ Ռովինան ճանաչվել է որպես շարժման առաջատար դերասանուհի[11]։ Մոսկվայում The Dybbuk պիեսի կատարմամբ (Լեայի դերակատարմամբ, սպիտակ զգեստով, երկար սև հյուսերով), Ռովինայի կերպար դարձավ ի հայտ եկող հրեական թատրոնի իկոն[12][13]։
Ռովինան շատ լուրջ էր վերաբերվում իր գործին և փորձում էր ապրել հերոսների կյանքով։
Նիսիմ Ալոնին Ռովինայի համար գրել է «Մորաքույր Լիզա» պիեսը, որտեղ նա մարմնավորել է գլխավոր հերոսին[14]։
Ռովինան հանդիսատեսից մեծ ուշադրություն է պահանջել։ Նա հաճախակի դադարեցնում էր խաղը, եթե զգում էր, որ հանդիսատեսը բավական ուշադիր չէ։ Մի անգամ բեմում նա դադարեցրել է ներկայացումը և դիմելով պատանի հանդիսատեսին՝ խնդրել դադարեցնել արևածաղկի սերմեր ծամելը։
Սցենոգրաֆիա
Ֆիլմագրություն
- «Սաբրա» («Ցաբար») (ռեժիսոր՝ Ալեքսանդր Ֆորդ, 1933)[18]
Մրցանակներ և ճանաչում
1956 թվականին թատերական գործունեության համար արժանացել է Իսրայելի մրցանակի[12][19]։ Բեմում ակտիվ գործունեություն է ծավալել մինչև մահը՝ 1980 թվականը[20]։ Մահացել է Թել Ավիվում, 91 տարեկանում։
Տես նաև
- Իսրայելի թատրոն
Ծանոթագրություններ
 | Վիքիպահեստն ունի նյութեր, որոնք վերաբերում են «Հանա Ռովինա» հոդվածին։ |