Hanna Rovina
Hanna Rovina (ivritcha: חנה רובינא;) – isroillik aktrisa. Uni koʻpincha „Ibroniy teatrining birinchi xonimi“ deb ham atashadi[1].
Biografiyasi
Hanna Rovina 1888-yil 15-sentyabrda Rossiya imperiyasining Minsk gubernatorligining Igumenskiy uyezdining (hozirgi Belarusiya) Byerazino shahrida yogʻoch savdogar David Rubin va Sara-Rivka Rubinlarning oilasida tugʻilgan[2]. Uning Rahel ismli bir singlisi va Zvi ismli bitta akasi bor edi. U Varshavadagi ibroniy tilida soʻzlashuvchi bolalar bogʻchasi oʻqituvchilari uchun moʻljallangan kursda bolalar bogʻchasi oʻqituvchisi sifatida taʼlim olgan (Birinchi jahon urushigacha)[3].Rovina ibroniy shoiri Alexander Penn bilan turmush quradi va 1934-yilda Ilana ismli qizi tugʻiladi[4].
Karyerasi
Hanna Rovina aktyorlik faoliyatini Nahum Tzemaxning „Ibroniy sahna teatri“ da boshlagan. U 1917-yilda „Habima“ teatri ishga tushirilayotgan paytda qoʻshilib, uning birinchi spektakli boʻlgan Yevgeny Vakhtangovning spektaklida ishtirok etgan. S. Anskiyning „The Dybbuk“ filmida jin urgan yosh kelin Leahle roli bilan mashhur boʻladi[5].
Rovina oʻz aktyorligini juda jiddiy qabul qilib, Stanislavskiy maktabi tomonidan belgilab qoʻyilganidek, qahramonning hayotini yashashga harakat qiladi.
Nisim Alonining yozgan Liza xola pyesasida Rovina bosh rolni oʻynagan[6].
Mukofatlari
Rovina 1956-yilda teatrda oʻynagan rollari uchun Isroil mukofoti bilan taqdirlangan[7]. 1980-yili 3-fevralda 91 yoshida vafot etgan[8].
Manbalar
[Turkum:1880-yilda tugʻilganlar]]