Հրաձգություն Սան Բերնարդինոյում
Հրաձգություն Սան Բերնարդինոյում, ԱՄՆ Կալիֆորնիա նահանգի Սան Բերնարդինո շրջանի սահմանափակ հնարավորություններով անձանց կենտրոնում 2015 թվականի դեկտեմբերի 2-ին տեղական ժամանակով ժամը 11:17-ին կայացած զանգվածային հրաձգությունն է։ Ահաբեկչության արդյունքում 31 մարդ է տուժել, որոնցից 14-ը մահացել են, 17-ը վիրավորվել.[1]։ Ըստ նախնական տեղեկություների ահաբեկիչները հրացաններով զինված երեք հոգի են եղել, ովքեր ամենագնաց ավտոմեքենայով լքել են դեպքի վայրը[2][3]։ Հարձակումը տեղի է ունեցել Հաշմանդամություն ունեցող անձանց միջազգային օրվա նախօրեին, որը տոնվում է ամեն տարի դեկտեմբերի 3-ին[4]։
| Հրաձգություն Սան Բերնարդինոյում | |
|---|---|
 Սան Բերնարդինո դիրքը Կալիֆորնիայի քարտեզին | |
| Տեսակ | զանգվածային կրակոցներ և workplace shooting? |
| Երկիր |  ԱՄՆ |
| Գրոհի վայր | Սան Բերնարդինո |
| Տեղադրանք | Ինլանդի տարածաշրջանային կենտրոն |
| Տարեթիվ | դեկտեմբերի 2, 2015 |
| Զենք | Armalite AR-15?, կիսաավտոմատ ատրճանակ, pipe bomb?, Smith & Wesson M&P15?, DPMS Panther Arms?, Llama firearms? և HS2000? |
| Զոհվածներ | 16 մարդ |
| Վիրավորներ | 24 |
 2015 San Bernardino shooting Վիքիպահեստում | |
Առաջին արձագանքները
Առաջինը իրադարձությանը անդրադարձել է իրադարձությանը հրշեջ վարչությունը իր Թվիթերի էջում՝ հայտնելով, որ արտակարգ իրավիճակ է Վաթերման Ավենյույի 1300 թաղամասում, և որ ոստիկանությունը արդեն աշխատում է[5][6][7][8] ու Վաթերման Ավենյուի և Փարկ Սերքլ Դրայվ հարակից տարածքները փակ է և վարորդներին կոչ են անում խուսափել այդ տարածքից[9]։
Դեպքի վայր
Ահաբեկչոթյունը տեղի է ունեցել Ինլանդ Ռեգիոնալ կենտրոն (անգլ.՝ Inland Regional Center)[10], շահույթ չհետապնդող կազմակերպությունում, որտեղ սպասարկում են մտավոր խնդիրներ ունեցող անձանց[11][12]։ Կազմակերպությունը գտնվում է Հարավային Վաթերման Ավենյու 1365[2]։
Ոստիկանության գործողություններ
Ոստիկանությունը և հատուկ ստորաբաժանումները շրջապատել են շենքը և տարհանել են մարդկանց[13]։ Հայտնի է, որ հարձակվողներից մեկը ունեցել է կիսաավտոմատ հրազեն[14]։ Դաշնային հետախուզական բյուրոն և Լոս Անջելեսի հակաահաբեկչական ստորաբաժանումը վերահսկել են իրադարձությունը[15]։ Իրավապահները հետապնդել են սև ամենագնաց ավտոմեքենային, որը հեռացել էր հրաձգության վայրից[16]։ Փոխհրաձգություն է տեղի ունեցել, ինչի արդյունքում սպանվել են կասկածյալներից երկուսը՝ տղամարդ և կին, ևս մեկ կասկածյալ ձերբակալվել է[17]։
Զոհեր և տուժածներ
Տուժածներին տեղավորել են մոտակա երկու բժշկական կենտրոններում[13]։ Զոհվել է 16 մարդ, այդ թվում նաև երկու ահաբեկիչ։
Հարձակվողներ
Հրաձգությունը կազմակերպել էր Սայեդ Ռիզվան Ֆարուկ (անգլ.՝ Syed Rizwan Farook) և Թաշֆին Մալիկ (անգլ.՝ Tashfeen Malik) ամուսնական զույգը։ Ոստիկանությունը նրանց հետապնդելով ոչնչացրել է[18]։
ԱՄՆ քաղաքացի 28-ամյա Սայեդ Ռիզվան Ֆարուկը հինգ տարի աշխատել է Սան Բերնարդինո շրջանի առողջապահության վարչությունու սնդնդի տեսուչ[19][20][21]։ Կինը 27-ամյա Թաշֆին Մալիկն էր[22]։ Զույգն ամուսնացած էր և ունեին 6 ամսական դուստր[21]։ Ըստ ազգականների և աշխատակիցների Ֆարուկը հանգիստ, քաղաքավարի և բարեպաշտ մուսուլման է եղել[23][24]։ Ֆարուկն ու Մելիկը հանդիպել են համացանցում, և ամուսինը գնացել է կնոջ ետևից Սաուդյան Արաբիա[25]։