Մարսելո Դել Պիլար
Մարսելո Դել Պիլար (իսպ.՝ Marcelo del Pilar), օգոստոսի 30, 1850[1], Bulakan, Captaincy General of the Philippines, Իսպանական կայսրություն - հուլիսի 4, 1896[2], Բարսելոնա, Իսպանիա[3]), ֆիլիպինցի գրող, Ֆիլիպինյան հեղափոխության գաղափարական ոգեշնչողներից մեկը։
Մարսելո Դել Պիլար | |
|---|---|
 | |
| Ծնվել է | օգոստոսի 30, 1850[1] |
| Ծննդավայր | Bulakan, Captaincy General of the Philippines, Իսպանական կայսրություն |
| Վախճանվել է | հուլիսի 4, 1896[2] (45 տարեկան) |
| Վախճանի վայր | Բարսելոնա, Իսպանիա[3] |
| Գերեզման | Marcelo H. del Pilar Shrine |
| Մասնագիտություն | լրագրող, գրող և քաղաքական գործիչ |
| Լեզու | Տագալերեն |
| Քաղաքացիություն | .svg){kind=small} Ֆիլիպիններ |
| Կրթություն | Colegio de San Jose?, Սանտո Թոմասի համալսարան, Colegio de San Juan de Letran? և University of Santo Tomas Faculty of Civil Law? |
| Գրական ուղղություններ | Propaganda Movement? |
 | |
 Marcelo H. del Pilar Վիքիպահեստում | |
Կենսագրություն
Մարսելո Դել Պիլարն ավարտել է Մանիլայի Սան Խոսե քոլեջը, որից հետո 1880 թվականին ավարտել է Սանտո-Թոմաս համալսարանը՝ դառնալով իրավաբան[4]։ 1878 թվականին ամուսնացել է Մարսիանա Դել Պիլարի հետ[5], որի հետ հետագայում ունեցել են յոթ երեխա՝ յոթ աղջիկ և մեկ տղա, որոնցից չափահասության տարիքին հասել են երկու աղջիկ[6]։
1882 թվականին թողարկել է առաջին թերթը թագալերենով, որը կոչվում էր «Diariong Tagalog»։ Դրանում հրապարակվել են հոդվածներ Ֆիլիպիններում իսպանական գաղութային իշխանությունների քննադատությամբ։ Փախչելով հետապնդումից՝ մեկնել է Իսպանիա՝ ընտանիքը թողնելով Ֆիլիպիններում։
1889 թվականի վերջին դարձել է La Solidaridad թերթի խմբագիրը, որը Մադրիդում տպագրվել է ֆիլիպինցի բարեփոխիչների ընկերության կողմից։ Իր համախոհների հետ միասին թերթում հանդես է եկել օրենքի առջև ֆիլիպինների և իսպանացիների հավասարության, տեղական արտադրանքի հարկադիր վաճառքի չեղարկման և Ֆիլիպիններում աշխատանքային պարհակի չեղարկման, իսպանացի քահանաներին ֆիլիպինցիներով փոխարինելու և վաղուց հասունացած այլ բարեփոխումների օգտին։ Ֆիլիպինցի բարեփոխիչների գաղափարները իսպանական հանրության մոտ ըմբռնում չեն գտել, իսկ մի քանի ունևոր ֆիլիպինցիների կողմից ֆինանսավորումը քիչ է եղել։
1890-1895 թվականներին Դել Պիլարը թերթ էր հրապարակել հիմնականում իր միջոցներով։ Հրապարակումը դադարեցվել է 1895 թվականի նոյեմբերին։ Մահից առաջ Դել Պիլարը մերժել է ասիմիլյացիայի տեսությունը և չափավոր բարեփոխումների ուղին՝ դառնալով Ֆիլիպինյան հեղափոխության նախակարապետը։
 | Ապստամբությունը վերջին, բայց անխուսափելի միջոց է, հատկապես երբ ժողովուրդը վերջնականապես համոզվել է, որ չարի դեմ պայքարի բոլոր խաղաղ միջոցներն իզուր են։[7] |  |
Մարսելոն ազատ ժամանակ նվագել է ջութակ, դաշնամուր և ֆլեյտա, նաև սիրում էր սուսերամարտով զբաղվել։
Մահվանից առաջ զանկացել վերադառնալ հայրենիք, բայց չի կարողացել հիվանդության սրման և միջոցների սղության պատճառով։ 1896 թվականի հուլիսի 4-ին Մարսելո Դել Պիլարը մահացել է Բարսելոնայում, մահվան պատճառ է դարձել տուբերկուլյոզը։
Ծանոթագրություններ
Bibliography
Արտաքին հղումներ
 | Վիքիպահեստն ունի նյութեր, որոնք վերաբերում են «Մարսելո Դել Պիլար» հոդվածին։ |