Մա Լուն

Մա Լունը ծնվել է 1988 թվականին, Անշանում, Լյաոնին նահանգում։ Սեղանի թենիս սկսել է խաղալ 5 տարեկանից, 13 տարեկանից սկսել է պարապել մարզիչի հսկողությամբ, արդյունքում` սովորելու համար տեղափոխվել է Պեկին։

Պրոֆեսիոնալ կարիերա

2003 թվականին դարձել է Չինաստանի ազգային հավաքականի անդամ։ 2007 թվականի փետրվարին ընդգրկվել է խաղացողների «ITTF» վարկանիշի աշխարհի առաջին տասնյակի մեջ։ 2010 թվականի հունվարին առաջին անգամ զբաղեցրել է առաջին տեղը համաշխարհային վարկանիշում^[2]։ 2009, 2011 և 2013 թվականների աշխարհի առաջնություններում Մա Լունը հասել է տղամարդկանց մենախաղի կիսաեզրափակչի։ 2011 թվականի աշխարհի առաջնությանը Սյու Սինի հետ զուգախաղում նվաճել է ոսկե մեդալ։

Լոնդոնում 2012 թվականի Ամառային օլիմպիական խաղերի ժամանակ սեղանի թենիսի մրցույթին յուրաքանչյուր երկիր կարող էր ներկայացնել երեք մարզիկ, բայց ոչ ավելին` քան երկու առանձին մարզիկների։ Մա Լունը դարձել է այդ սահմանափաումների «տուժածներից» մեկը։ Տղամարդկանց մենախաղի համար մարզիկներին ընտրելու ժամանակ Մա Լունը նվաճել է 5-րդ տեղը՝ «ITTF» համաշխարհային վարկանիշում^[3]։ Չնայած նրան, որ «ՕԽ-2012» տղամարդկանց մենախաղի մրցախաղի ընտրության ժամանակ մարզիկը զբաղեցրել է 2-րդ տեղը «ITTF» վարկանիշում^[3], նրան թույլ չեն տվել մասնակցել տղամարդկանց մենախաղի մրցախաղին (Չինաստանը ներկայացրել են Չժան Ցզիկեն և Բան Հոն)։ Թիմային կարգում դարձել է օլիմպիական չեմպիոն^[4]։

2012 թվականի աշխարհի մենախաղի գավաթակիր է։

2013 թվականի օգոստոսին Մա Լունը մասնակցել է «ITTF World Tour»-ի 54 մրցախաղերին, 25-ում նա հասել է մրցախաղի եզրափակիչ փուլին, իսկ 16-ում դարձել է հաղթող^[5]։ 2009-10 թվականներին նա սահմանել է յուրահատուկ ռեկորդ, հինգ անգամ անընդմեջ հաղթելով «ITTF World Tour»-ի մրցաշար։

ITTF World Tour Grand Finals մրցույթներում հինգ անգամ դարձել է մենախաղի (2008, 2009, 2011, 2015, 2016 թվականներին) և մեկ անգամ` զուգախաղի (2006) հաղթող^[6]։

Դարձել է առաջին խաղացողը որը երեք անգամ հաղթել է Ասիայի առաջնությունը մենախաղում, ինչպես նաև` նա երեք անգամ անընդմեջ դարձել է Ասիայի չեմպիոն՝ 2009, 2012, 2013 թվականներին^[7][8]։

2014 թվականի դարձել է աշխարհի չեմպիոն ՉԺՀ-ի կազմում։

2015 թվականի աշխարհի տնային առաջնությանը, որն անց էր կացվում Սուչժոու քաղաքում, մենախաղում նվաճել է ոսկե մեդալ։ Եզրափակչում նա վեց պարտիաներում պարտության է մատնել իր հայրենակցին՝ Ֆան Բոյին, որը եզրափակչի ճանապարհին հաղթել էր աշխարհի երկրորդ ռակետ Սյու Սինին և վարկանիշային աղյուսակի երրորդ համար, 2012 թվականի օլիմպիական չեմպիոն և աշխարհի կրկնակի չեմպիոն Չժան Ցզիկեին^[9]։

2016 թվականի Ամառային օլիմպիական խաղերում սեղանի թենիսի մրցույթի ժամանակ Մա Լունը նվաճել է երկու ոսկե մեդալ՝ միայնակ և թիմային հաշվարկներում։

2016 թվականին հանդես է եկել չինական Շանդուն Վեիցյաո ակումբում (Shandong Weiqiao)^[10]։

2017 թվականի աշխարհի առաջնությանը, որն անց է կացվել Դյուսելդորֆում, նվաճել է ոսկե մեդալ միայնակ մրցախաղում։ Եզրափակչում նա հաղթել է իր հայրենակցին՝ Ֆան Չժենդունային։

2018 թվականին Բրեմենում տեղի ունեցող «2018 ITTF World Tour» պլատինե մրցախաղը Մա Լունը սկսել է հաղթանակով։ 2018 թվականի հունիսին Մա Լունը հաղթել է «2018 ITTF World Tour» պլատինե «China Open» մրցախաղը Շենժենում^[11]։

2019 թվականին վնասվածքի պատճառով բավականին երկար ընդմիջումից հետո Մա Լունը վերադարձել է «ITTF World Tour» խաղերին և հաղթահարել է Կատարում տեղի ունեցող «2019 ITTF World Tour» պլատինե մրցախաղը՝ միայնակ աստիճանում։ Այդ հաղթանակը թույլատրել է Մա Լունին կիսել առաջին հորիզոնականը բելառուս մարզիկ Վլադիմիր Սամսոնովի հետ միայնակ մրցախաղերի հաղթանակների քանակով՝ «ITTF World Tour»-ում (27 հաղթանակ)^[12], իսկ 2019 թվականի հունիսին՝ «ITTF World Tour»-ի «China Open» փուլում հաղթանակից հետո Մա Լունը այդ ցուցանիշով աշխարհում առաջին տեղն է զբաղեցրել^[13]։

2019 թվականի աշխարհի առաջնությանը Բուդապեշտում նվաճել է երկու ոսկե մեդալ՝ զուգախաղում, հայրենակցի հետ, և միայնակ մրցախաղում։ Եզրափակչի միայնակ մրցախաղում նա հաղթել է շվեդ Մատտիսա Ֆալկային։

• Մա Լունի պրոֆիլը ITTF-ի պաշտոնական կայքում (անգլ.)
• Մա Լունի` համաշխարհային վարկանիշի փոփոխման աճը ITTF պաշտոնական կայքում (անգլ.)
• Մա Լուն – օլիմպիական վիճակագրությունը Sports-Reference.com կայքում (անգլ.)

Վիքիպահեստն ունի նյութեր, որոնք վերաբերում են «Մա Լուն» հոդվածին։