Մեծ փոքր ստեր
Անվան այլ կիրառումների համար տե՛ս՝ Մեծ փոքր ստեր (այլ կիրառումներ)
«Մեծ փոքր ստեր» (անգլ.՝ Big Little Lies), HBO ընկերության կողմից արտադրված դրամատիկական հեռուստասերիալ։ Հիմնված է Լիանա Մորիարթիի համանուն վեպի վրա[3]։ Սերիալը բաղկացած է յոթ դրվագներից։ Սերիալի ռեժիսորն է Ժան-Մարկ Վալեն[4]։ Նկարահանումները սկսվել են 2016-ի հունվարից[5], առաջին թիզեր-թրեյլերը ներկայացվել էր նույն տարվա հոկտեմբերին[6]։ Սերիալի պրեմիերան տեղի է ունեցել 2017 թվականի փետրվարի 19-ին[7]։
Մեծ փոքր ստեր Big Little Lies | |
|---|---|
| Ժանր | հումորային դրամա, առեղծվածների մասին հեռուստասերիալներ, սև հումոր, հեռուստադրամա, կատակերգական հեռուստասերիալ և վեպի հիման վրա նկարահանված հեռուստասերիալ |
| Ստեղծող | Դևիդ Քելլի |
| Երկիր |  ԱՄՆ |
| Հիմք | Մեծ փոքր ստեր (վեպ) |
| Լեզու | անգլերեն[1] |
| Ռեժիսոր | Ժան Մարկ Վալլե |
| Գլխավոր դերերում | Նիկոլ Քիդման, Ռիզ Ուիզերսփուն, Ալեքսանդր Սկարսգորդ, Ջեյմս Տապպեր, Շեյլին Վուդլի, Լորա Դերն, Ադամ Սքոթ, Զոի Քրավից, Քեթրին Նյուտոն, Ջեֆրի Նորդլինգ, Iain Armitage? և Մերիլ Սթրիփ |
| Պրոդյուսեր | Նիկոլ Քիդման Ռիզ Ուիզերսփուն Դևիդ Է. Քելլի Նեյթան Ռոս Բրունա Պապանդրեա Պեր Սաարի Ժան-Մարկ Վալլե |
| Սցենարիստ | Դևիդ Քելլի |
| Երաժշտություն | Մայքլ Կիվանուկա |
| Պատմվածքի վայր | Մոնտերեյ |
| Նկարահանման վայր | Մոնտերեյ |
| Եթերաշրջանների քանակ | 2 |
| Սերիաների քանակ | 14 |
| Էկրաններին է | փետրվարի 19, 2017-ից հուլիսի 21, 2019[2]-ը |
| Հեռուստաալիք | HBO |
| Ընկերություն | Pacific Standard Blossom Films David E. Kelley Productions |
| Դիստրիբյուտոր | Warner Bros. Television, Հուլու և HBO Max |
| Պատկերի ձևաչափ | 16:9 HDTV |
| Կարգավիճակ | մինչև հիմա |
| Պաշտոնական կայքէջ | |
Թեև ի սկզբանե սերիալը նախատեսվում էր լինել կարճ, 2017-ի դեկտեմբերի 8-ին HBO-ն հայտարարեց որ աշխատում է երկրորդ եթերաշրջանի վրա[8]։
Սյուժե
Դպրոցում բարեգործական պարահանդեսի ժամանակ սպանություն է տեղի ունենում, բայց զոհի անունը հայտնի չէ։ Սերիալը պատմում է այս դեպքին նախորդող մի քանի ամիսների և 5 ընտանիքների մասին, որոնք երեխաները մի դասարանում են սովորում։ Այս 5 ընտանիքներն էլ խորհրդավոր կերպով կապ ունեն սպանության հետ…
Քննադատություններ
«Մեծ փոքր ստեր» սերիալը ստացել է դրական արձագանքներ քննադատների կողմից։ Rotten Tomatoes կայքում սերիալը շարունակում է 88% «թարմությունը» պահպանել, ինչը հիմնված է 65 քննադատների կարծիքների վրա միջին վարկանիշով 7,5/10: Metacritic կայքում սերիալի վարկանիշը կազմում է 75 միավոր 100-ից, որ հիմնված է 42 «ընդհանուր առմամբ դրական» կարծիքների վրա[9]։