Միննի (երգչուհի)
Նիչա Յոնտարարակ (թաի.՝ ณิชา ยนตรรักษ์, կորեերեն՝ 니차 욘타라락, անգլ.՝ Nicha Yontararak, հոկտեմբերի 23, 1997, Բանգկոկ, Թաիլանդ, առավել հայտնի է որպես Միննի (թաի.՝ มินนี่ , կորեերեն՝ 민니, անգլ.՝ Minnie), թաիլանդցի երգչուհի և պարուհի։ Հարավկորեական (G)I-DLE գըրլ բենդի անդամ է, որտեղ զբաղեցնում է գլխավոր վոկալիստի դիրքը։
| Միննի | |
|---|---|
%EC%95%84%EC%9D%B4%EB%93%A4_%ED%8C%AC%EC%82%AC%EC%9D%B8%ED%9A%8C_(1).jpg) | |
| Հիմնական տվյալներ | |
| Ծնվել է | հոկտեմբերի 23, 1997 (26 տարեկան) Բանգկոկ, Թաիլանդ |
| Երկիր |  Թաիլանդ |
| Ժանրեր | քեյ փոփ, ռիթմ էնդ բլյուզ և դենս փոփ |
| Մասնագիտություն | երգչուհի, կոմպոզիտոր, երաժշտական պրոդյուսեր, դերասանուհի և պարուսույց |
| Գործիքներ | վոկալ, դաշնամուր և կիթառ |
| Լեյբլ | Cube Entertainment |
| Կրթություն | Wattana Wittaya Academy? |
| Անդամակցություն | (G)I-DLE |
| Ստորագրություն | |
 | |
 Minnie Վիքիպահեստում | |
Կարիերա
1997-2017. Վաղ տարիներ և նախադեբյուտ
Ծնվել է 1997 թվականի հոկտեմբերի 23-ին Թաիլանդի Բանգկոկ մայրաքաղաքում[1]։ Ունի ավագ երկվորյակ եղբայրներ։ Միննին դաշնամուր է նվագել հինգ տարեկան հասակից և վոկալ է պարապել յոթ տարեկանից[2][3]։ Միննին երաժշտություն սիրել է մոր շնորհիվ։ Նվագել սովորել է մորից[4]։ Միննին հաճախել է «Wattana Wittaya» ակադեմիա և երաժշտություն է ուսումնասիրել Թաիլանդում գտնվող «Գրեմմիի» վոկալի ստուդիայում[5]։ Նա եղել է թմբկահար, թատրոնի, ինչպես նաև իր դպրոցի բեմադրություններում դերասանուհի։ Միննին նաև չորս տարի չինարեն է ուսումնասիրել[6]։ 2014 թվականին նա Թաիլանդում մասնակցել է Cube Star World-ի լսումներին և 2015 թվականին տեղափոխվել է Կորեա[6]։
2016 թվականի մարտի 23-ին նա հանրությանն է ներկայացվել CUBE Entertainment լեյբլի պրակտիկանտների պաշտոնական ինստագրամում[7]։ Նոյեմբերի 5-ին նա «Unpretty Rapstar 3» շոուի ժամանակ մասնակցել է Սոյոնի ելույթին[8]։ 2017 թվականի հունիսին (G)I-DLE խմբի ապագա գործընկերներ Յուքիի և Շուհուայի հետ նկարահանվել է Rising Star Cosmetics-ի գովազդային հոլովակում[9]։ Նույն թվականին նա հնարավորություն է ստացել Line Friends-ի հետ մասնակցել «Twinkle Twinkle Little Star»-ին[10][11]։
2018-ներկա։ Դեբյուտ (G)IDLE-ում
2018 թվականի մայիսի 2-ին Միննին առաջին անգամ ելույթ է ունեցել (G)I-DLE խմբում «I Am» մինի ալբոմով և «Latata» գլխավոր սինգլով[12]։ Նա հայտնի է իր գրավիչ և հանգստացնող ձայնով[13]։
Միննին մասնակցել է երկրորդ` «I Made» մինի ալբոմի «Blow Your Mind» երգը գրելու աշխատանքնրին, որը թողարկվել է «To Neverland»-ի միջոցով[14][15]։ Միննին խոստովանել է, որ երգեր է ստեղծում դաշնամուրով և Երաժշտական գործիքների թվային միջերեսի դասընթացներ է անցնում[16]։ Նա մասնակցել է «For You» երգը գրելու աշխատանքներին, որը թողարկվել է «LATATA» դեբյուտային ճապոնական մինի ալբոմում[17]։ 2019 թվականին (G)I-DLE-ը մասնակցել է Mnet հեռուստաալիքի «Queendom» շոուին։ Առաջին նախնական փուլում հանդիսատեսը ապշել է Միննիի «Latata» երգի ելույթով, և Հարավային Կորեայի ու Թաիլանդի հեռուստադիտողները լավ են ընդունել նրան[18][19][20]։ Երրորդ փուլում Միննին ներկայացվել է որպես (G)I-DLE խմբի վոկալային անդամ։ Նա կիսել է բեմը AOA խմբի անդամ Հեջոնի հետ` կատարելով «Instagram» երգը։ Շնորհիվ իր ելույթի երգը կրկին ընդգրկվել է երաժշտական շքերթներում և հայտնի դարձել լայն հասարակության շրջանում[21]։ Հոկտեմբերի 15-ին հայտնի է դարձել, որ Միննին միավորվելու է չինա-ավստրալիացի յություբեր Wengie-ի հետ` համատեղ «Empire» երգի համար, որը թողարկվել է հոկտեմբերի 18-ին[22]։ Երգը Billboard World Digital Songs շքերթում դեբյուտ է կատարել 22-րդ հորիզոնականով[23]։
Անձնական կյանք
Միննին բազմալեզու մարդ է։ Նա խոսում է թայերեն, անգլերեն, կորեերեն, ճապոներեն և հյուսիսային չինարեն[24]:
Միննին ոգեշնչվել է Super Junior խմբով, որոնց երգերը նա հաճախ երգել է մանուկ հասակում, ինչպես նաև երգիչ Թրոյ Սիվանով[24][25]։
Սկավառակագրություն
Սինգլներ
| Անվանում | Տարեթիվ | Բարձրագույն դիրքը չարթում | Վաճառք | Ալբոմ | ||
|---|---|---|---|---|---|---|
| KOR | KOR Hot | US World [26] | ||||
| Որպես համագործակցող արտիստ | ||||||
| «Hot Summer» (Line Friends-ի Միննիի հետ համատեղ) | 2017 | — | — | — | Չկա տվյալ | Dance Party! – Children's English Songs |
| «Morning Sunrise» (Line Friends-ը Միննիի հետ համատեղ) | — | — | — | |||
| «Dinosaur Song (Herbivore Ver.)» (Line Friends-ը Միննիի հետ համատեղ) | — | — | — | |||
| «The Brush Brush Song» (Line Friends-ը Միննիի հետ համատեղ) | — | — | — | |||
| «Oats, Peas, Beans and Barley Grow» (Line Friends-ը Միննիի հետ համատեղ) | — | — | — | |||
| «Clap Concert» (Line Friends-ը Միննիի հետ համատեղ) | — | — | — | |||
| «Empire» (Wengie-ին Միննիի հետ համատեղ) | 2019 | — | — | 22 | EMPIRE | |
| «—» նշանակում է, որ այն չի ընդգրկվել չարթում կամ չի թողարկվել տվյալ տարածաշրջանում։ | ||||||
Երաժշտական տեսահոլովակներ
| Տարեթիվ | Երաժշտական տեսահոլովակ | Ալբոմ | Ռեժիսոր | Ծնթ. |
|---|---|---|---|---|
| 2019 | «Empire» (Wengie-ի հետ համատեղ) | Empire | Չոյ Հյո Բին (GRAVITAS) | [27] |
Ֆիլմագրություն
Տարբեր շոուներ
| Տարեթիվ | Անվանում | Հեռուստաալիք | Նշումներ | Ծնթ. |
|---|---|---|---|---|
| 2019 | Հինգ դերասաններ | MBN | Մասնակից | [28] |
Ծանոթագրություններ
Արտաքին հղումներ
- (G)I-DLE պաշտոնական կայք
- (G)I-DLE Ֆեյսբուքում
- (G)I-DLE Թվիթթերում
- (G)I-DLE ՅուԹյուբում
- (G)I-DLE Daum Cafe-ում
- (G)I-DLE V LIVE-ում(չաշխատող հղում)
 | Վիքիպահեստն ունի նյութեր, որոնք վերաբերում են «Միննի (երգչուհի)» հոդվածին։ |