Նոբելյան հանձնաժողով

Նոբելյան հանձնաժողով, կազմակերպություն, որը կատարում է Նոբելյան մրցանակների դափնեկիրների ընտրության աշխատանքների մեծ մասը։ Գոյություն ունի 5 Նոբելյան հանձնաժողովներ, որոնցից յուրաքանչյուրը որոշում է կայացնում Նոբելի կողմից հիմնադրված հինգ անվանակարգերից յուրաքանչյուրում։

Չորս Նոբելյան հանձնաժողովներ, որոնք աշխատում են ֆիզիկայի^[1], քիմիայի^[2], ֆիզիոլոգիայի կամ բժշկության և գրականության մրցանակների վրա^[3], Շվեդիայի գիտությունների թագավորական ակադեմիայի, Կարոլինի ինստիտուտի և Շվեդական ակադեմիայի հատուկ մարմիններն են։ Այս հանձնաժողովները միայն առաջադրում են մրցանակի թեկնածուներ, վերջնական որոշումներ են կայացվում «մեծ ժողովների» ժամանակ, որոնց մասնակցում են ակադեմիաների բոլոր անդամները ֆիզիկայի, քիմիայի և գրականության մրցանակակրի ընտրության ժամանակ և թագավորական ինստիտուտի Նոբելյան վեհաժողովի 50 անդամներ ֆիզիոլոգիայի և բժշկության մրցանակի ընտրության համար^[4][5]։ Խաղաղության Նոբելյան մրցանակը շնորհում է Նորվեգիայի Նոբելյան կոմիտեն, որը գտնվում է Ստորտինգում (Նորվեգիայի խորհրդարանում) և Նորվեգիայի Նոբելյան ինստիտուտի մաս է կազմում, ընդ որում նա ինչպես ընտրում է թեկնածուներին, այնպես էլ վերջնական որոշում է կայացնում^[6]։

Շվեդիայի պետական բանկի տնտեսական գիտությունների բնագավառում Ալֆրեդ Նոբելի (պաշտոնապես Նոբելյան մրցանակ չի համարվում) հիշատակի մրցանակի դափնեկիրների ընտրությունն անցկացվում է այլ դափնեկիրների ընտրության նման^[7]։

• 
  Ֆիզիկայի և քիմիայի երկու Նոբելյան հանձնաժողովներ, ինչպես նաև տնտեսագիտության մրցանակը շնորհող հանձնաժողովը գտնվում են Շվեդիայի Գիտությունների Թագավորական ակադեմիայում:
• 
  Ֆիզիոլոգիայի և բժշկության Նոբելյան հանձնաժողովը գտնվում է Կարոլինայի ինստիտուտում:
• 
  Գրականության Նոբելյան հանձնաժողովը գտնվում է Շվեդիայի ակադեմիայում
• 
  Նորվեգիայի Նոբելյան հանձնաժողով