Ուկրաինայի յոթ բնական հրաշալիքները

Ուկրաինայի յոթ բնական հրաշալիքներ (ուկրաիներեն՝ Сім природних чудес України), համաուկրաինական մրցույթ, որի նպատակն էր ընտրել Ուկրաինայի ամենահայտնի և եզակի բնական օբյեկտները՝ առանձնացնելով յոթ բնական հրաշալիքները։ Մրցույթն անց է կացվել 2007-2008 թվականներին՝ դառնալով նախորդ՝ «Ուկրաինայի յոթ հրաշալիքները» ծրագրի երկրորդ փուլը։ Ընտրված բնության օբյեկտները հանդիսանում են հատուկ պահպանվող տարածքներ, գտնվում են պետական վերահսկողության տակ և հասանելի են զբոսաշրջության համար։

Տեղեկություն միջոցառման մասին

Միջոցառումն իրականացվել է ակցիայի ձևով՝ 2007 թվականին՝ ուկրաինացի քաղաքական գործիչ Նիկոլայ Տոմենկոյի նախաձեռնությամբ։ Ակցիայի կազմակերպիչների թվում են եղել Ուկրաինայի զբոսաշրջության և հանգստավայրերի պետական ծառայությունը, Ուկրաինայի Գերագույն Ռադայի երիտասարդական քաղաքականության, սպորտի և զբոսաշրջության կոմիտեն, Ուկրաինայի ազգային ռադիոընկերությունը և այլ լրատվամիջոցներ։

Մրցույթն իրականացվել է գիտական և փորձագիտական մակարդակով, որի աշխատանքների իրականացմանը մեծապես աջակցել են Ուկրաինայի ՆԱՄ Երկրաբանական գիտությունների ինստիտուտը, Ուկրաինայի աշխարհագրական և երկրաբանական համալսարանների մասնագետները, ինչպես նաև՝ երկրաբանա-հետախուզական գործողություններ իրականացնող ձեռնարկությունները և ընկերությունները։

2008 թվականի մարտին հայտարարվել են «Ուկրաինայի յոթ բնական հրաշալիքները» անվանակարգի հավակնորդ 100 բնական հուշարձանները։ Նույն թվականի հուլիսի 7-ին փորձագետների կողմից ընտրվել և քվեարկության են դրվել 21 օբյեկտները։ 2008 թվականի օգոստոսի 21-ին ինտերնետային քվեարկությունից և փորձագիտական գնահատումից հետո հայտարարվել են եզակի և յուրահատուկ ճանաչված 7 օբյեկտները։

Լավագույն յոթ բնական հրաշալիքներ

Ասկանիա Նովա (Խերսոնի մարզ, կենսոլորտային արգելոց)
Դնեստրի կիրճ (Խմելնիցկու, Վիննիցայի, Իվանո-Ֆրանկովսկի և Տերնոպոլի մարզերի սահմաններում)
Մերձբուգյան գրանիտ - տափաստանային կենսոլորտային համալիր (լանդշաֆտային և կենսաբանական ուսումնասիրության տարածաշրջանային նշանակության ազգային պարկ, Նիկոլաևի մարզ )
Մարմարե քարանձավ(Ղրիմի ԻՀ)
«Պոդոլյան Տովտրաներ»(Խմելնիցկու մարզ, ազգային պարկ)
Սվիտյազ(Վոլինի մարզ, լիճ)
Սինևիր(Անդրկարպատյան մարզ, լիճ)

#	անվանումը	տեղադիրքը	պատկերը
1	Ասկանիա Նովա^[1]	Խերսոնի մարզ
2	Մերձբուգյան գրանիտ - տափաստանային կենսոլորտային համալիր^[2]	Նիկոլաևի մարզ	Valley of Mertvovod.
3	Դնեստրի կիրճ^[3]	Խմելնիցկու, Վիննիցայի, Իվանո-Ֆրանկովսկի և Տերնոպոլի մարզերի սահմաններում	Dniester Canyon between village Hubyn (Ternopil region) and town Chernelytsia (Ivano-Frankivsk region), western Ukraine.
4	Մարմարե քարանձավ^[4]	Ղրիմի ԻՀ
5	«Պոդոլյան Տովտրաներ»^[5]	Խմելնիցկու մարզ	View of the entrance to the park, near the historic town of Bakota.
6	Սվիտյազ^[6]	Վոլինի մարզ	Svitiaz.
7	Սինևիր^[7]	Անդրկարպատյան մարզ	Synevir.

Լավագույն 21 բնական հրաշալիքներ

Լավագույն 21 բնական հրաշալիքների շարքում են հայտնվել ազգային պարկերը, արգելոցները, բնության հուշարձանները, այդ թվում՝ ջրվեժներ, քարանձավներ, ծառատեսակներ, լճեր, կիրճեր, ճահճային և տափաստանային լանդշաֆտային գոտիներ և այլն։

Քվեարկության դրված 21 բնական օբյեկտները
բնական օբյեկտը	գտնվելու վայրը	պատկերը
Ասկանիա Նովա^[8]	Խերսոնի մարզ
Բազալտային սյուներ^[9]	Ռովնենի մարզ
Բալակլավայի ծովածոց^[10]	Ղրիմի ԻՀ
Բուկովինի ջրվեժներ^[11]	Բուկովինա
Գովեռլա լեռ^[12]	Իվանո-Ֆրանկովսկի մարզ
Մերձբուգյան գրանիտ - տափաստանային կենսոլորտային համալիր^[13]	Նիկոլաևի մարզ
Դեսնյանսկայա Օբոլոն^[14]	Չերնիգովի մարզ
Դնեստրի կիրճ^[15]	Խմելնիցկու, Վիննիցայի, Իվանո-Ֆրանկովսկի և Տերնոպոլի մարզերի սահմաններում
Դանուբյան կենսոլորտային արգելոց^[16]	Օդեսայի մարզ
«Քարե գերեզման» արգելոց^[17]	Դոնեցկի մարզ
Կանևի լեռներ^[18]	Չերկասիի մարզ
Կարադաղի բնական արգելոց^[19]	ՂՐիմի ԻՀ
Կոչուբեյի կաղնիներ^[20]	Պոլտավայի մարզ
Մարմարե քարանձավ^[21]	Ղրիմի ԻՀ
Օլեշկովյան ավազուտներ^[22]	Խերսոնի մարզ
Օպտիմիստական քարանձավ^[23]	Տերնոպոլի մարզ
«Պոդոլյան Տովտրաներ»^[24]	Խմելնիցկու մարզ
Սվիտյազ^[25]	Վոլինի մարզ
Սինևիր^[26]	Անդրկարպատյան մարզ
Տուստան, Ուրիցի ժայռեր^[27]	Լվովի մարզ
Խնձորենի գաղութաձև^[28]	Սումիի մարզ