Ուրբան Ահլին
Ուրբան Ահլին (շվեդ.՝ Urban Ahlin, նոյեմբերի 13, 1964, Մարիեստադ, Շվեդիա), շվեդ քաղաքական գործիչ, մանկավարժ։ 2014-2018 թվականներին եղել է Շվեդիայի խորհրդարանի (ռիկստագի) նախագահը։
| Ուրբան Ահլին Urban Ahlin | ||||
 | ||||
| ||||
|---|---|---|---|---|
| սեպտեմբերի 29, 2014 | ||||
| Նախորդող | Պեր Վեստերբերգ | |||
| Կուսակցություն՝ | Շվեդիայի սոցիալ-դեմոկրատական կուսակցություն | |||
| Կրթություն՝ | Կառլստադի համալսարան | |||
| Մասնագիտություն՝ | քաղաքական գործիչ | |||
| Ծննդյան օր | նոյեմբերի 13, 1964 (59 տարեկան) | |||
| Ծննդավայր | Մարիեստադ, Շվեդիա | |||
| Քաղաքացիություն |  Շվեդիա | |||
| Կայք՝ | socialdemokraterna.se/Socialdemokratiska-riksdagsgruppen/Urban-Ahlin/Hem/ | |||
Կենսագրություն
Ծնվել է 1964 թվականի նոյեմբերի 13-ին՝ Մարիեստադ քաղաքում։ 1990 թվականին ավարտել է Կարլստադի համալսարանը[1]։ 1980-ական թվականների կեսերից հայրենի Մարիեստադում աշխատել է որպես մաթեմատիկայի ուսուցիչ, քաղաքային խորհրդի խորհրդական և գործադիր մարմնի անդամ[1]։
1981 թվականից եղել է նաև սոցիալ-դեմոկրատական երիտասարդական խմբի անդամ, այնուհետև անդամագրվել Շվեդիայի սոցիալ-դեմոկրատական բանվորական կուսակցությանը։ 2005 թվականին ընտրվել է այդ կուսակցության Սկարաբորգի շրջանային կառույցի նախագահ[1]։ 1994 թվականին ընտրվել է ազգային խորհրդարանի պատգամավոր[1], 1998, 2002, 2006, 2010 և 2014 թվականներին վերընտրվել։ 2002–2006 թվականներին եղել է արտաքին գործերի կոմիտեի նախագահը, 2006–2014 թվականներին՝ փոխնախագահը[1]։ Պաշտոնավարել է նաև որպես ՆԱՏՕ-ի խորհրդարանական ասամբլեայում Շվեդիայի պատվիրակի տեղակալ[1]։
2014 թվականի սեպտեմբերի 29-ին ընտրվել է ռիկստագի նախագահ[2] և պաշտոնավարել մինչև 2018 թվականի սեպտեմբերի 24-ը։ 2019 թվականին նշանակվել է Շվեդիայի դեսպան Կանադայում[3]։
Ծանոթագրություններ
Աղբյուրներ
- Ուրբան Ահլին Արխիվացված 2015-05-27 Wayback Machine
 | Վիքիպահեստն ունի նյութեր, որոնք վերաբերում են «Ուրբան Ահլին» հոդվածին։ |