Ջեյ Էռնանդես

Ջեյ Էռնանդես
Ջեյ Էռնանդես
Ծննդյան թիվ՝	փետրվարի 20, 1978 (46 տարեկան)
Ծննդավայր՝	Մորելիա, Միչոական, Մեքսիկայի Միացյալ Նահանգներ
Քաղաքացիություն՝	Մեքսիկայի Միացյալ Նահանգներ
Մասնագիտություն՝	դերասան, հեռուստատեսային դերասան, կինոդերասան և գործադիր պրոդյուսեր
IMDb։	ID 0379596

Ջեյ Էռնանդես (անգլ.՝ Jay Hernandez, փետրվարի 20, 1978(1978-02-20)^[1], Մորելիա, Միչոական, Մեքսիկայի Միացյալ Նահանգներ), ամերիկացի դերասան^[2]։ NBC հեռուստաալիքի «Hang Time»-ում իր հեռուստատեսային դեբյուտից հետո կատարել է իր կինոդեբյուտը՝ Քիրստեն Դանստի հետ միասին նկարահանվելով «Խենթ և Գեղեցիկ» (2001) ռոմանտիկ դրամայում։ Նկարահանվել է բազմաթիվ ֆիլմերում՝ «Փառքի շողերում» (2004), «Հոսթել» (2005), «Շատ վատ մայրիկները» (2016), «Ինքնասպանների ջոկատ» (2016) և այլն։ 2018 թվականին սկսել է մարմնավորել Թոմաս Մագնումին «Մասնավոր հետախույզ Մագնում» հեռուստասերիալի վերաթողարկման մեջ։

Վաղ կյանք

Էրնանդեսը քարտուղար և հաշվապահ Այսիսի (ի ծնե՝ Մալդոնադո)^[3]^[4] և մեխանիկ Խավիեր Էռնանդեսի որդին է^[3]^[5]։ Ունի երկու ավագ եղբայր (Մայքլ և Գաբրիել) և կրտսեր քույր (Ամելիա)։ Իր ապագա կնոջը՝ Դանիել Դյութչերին, հանդիպել է 14 տարեկան հասակում, իսկ նա եղել է 17 տարեկան^[5]։ Ընդունվել է Ռոուզմիդի Դոն Բոսքոյի անվան տեխնիկական համալսարան, բայց ավարտական դասարանում տեղափոխվել է Մոնտեբելլոյում գտնվող Շուր ավագ դպրոց^[4]։ Լոս Անջելեսի բարձրահարկ շենքերից մեկի վերելակում ծանոթացել է մենեջեր Հովարդ Թայների հետ, որն էլ ենթադրել է, որ վերջինիս Հոլիվուդում սպասվում է հաջողված դերասանական կարիերա^[3]^[4]^[5]։ Հովարդը վերջինիս ուղղորդել է դեպի դերասանական արվեստների դպրոց, իսկ հետո ուղարկել է նրա լուսանկարները քասթինգային տարբեր գործակալությունների։

Կարիերա

1998-ից 2000 թվականներն ընկած ժամանակահատվածում կատարել է Անտոնիո Լոպեսի դերը NBC-ի «Hang Time» հեռուստասերիալում։ Նրա կարիերայում բեկումնային է եղել 2001 թվականին «Touchstone Pictures»-ի «Խենթ և գեղեցիկ» ֆիլմում Քիրսթեն Դանսթի հետ դերակատարմամբ հանդես գալը։ Դրանից հետո նա նկարահանվել է մի քանի խոշոր հոլիվուդյան ֆիլմերում, այդ թվում նաև «Կառլիտոի ուղին։ Իշխանության վերելք» ֆիլմում գլխավոր դերակատարումը^[6], 2005 թվականի «Հոսթել» սարսափ ֆիլմում^[4] և «Համաշխարհային առևտրի կենտրոն» ֆիլմերում դերակատարումները։ Նա նկարահանվել է «Ավազակ տղաներ» (2010) քրեական մարտաֆիլմում։

2005 թվականին «Կառլիտոյի ուղին։ Իշխանության վերելք» քրեական պրիքվելում կատարել է Կառլիտո Բրիգանտեի դերը, այդ դերը 1993 թվականի համանուն ֆիլմում կատարել է Ալ Պաչինոն։

Էլի Ռոթի «Հոսթել» (2005) և դրա սիքվել «Հոսթել 2» ֆիլմերում մարմնավորել է Փեքսթոնին։

2016 թվականին «Շատ վատ մայրիկները» ֆիլմում կատարել է Ջեսսի Հարքնեսի դերը, իսկ «Ինքնասպանների ջոկատը» սուպերհերոսային ֆիլմում կատարել է նախկին գանգսթեր և մետամարդ Էլ Դիաբլոյի դերը։

2018 թվականին CBS-ի «Մասնավոր հետախույզ Մագնում» հեռուստասերիալում մարմնավորել է Թոմաս Մագնումի կերպարը^[7]։ Պրեմիերան կայացել է 2018 թվականի սեօտեմբերի 24-ին^[8]։ Չորս եթերաշրջանից հետո այն չեղարկվել է 2022 թվականի մայիսին, բայց հունիսին NBC-ն շարունակել է հեռուստասերիալը՝ հավելյալ երկու եթերաշրջանի պատվերով^[9]։

Անձնական կյանք

2006 թվականին ամուսնացել է «Hang Time» հեռուստասերիալի իր խաղընկերուհի Դանիելլա Դյութչերի հետ^[10]։

Ֆիլմագրություն

Տարի		Հայերեն անվանում	Բնօրինակ անվանում	Դեր
1998-2000	ս	—	Hang Time	Անտոնիո Լոպես
1999	ս	—	USA High	Խոսե
2000	ս	Մերկ	Undressed	Էդդի
2000	ս	Մեկ աշխարհ	One World	Օկտավիո
2000	ֆ	Ապրել կյանքը	Living the Life	Կիկիհո
2001	ֆ	Խենթ և գեղեցիկ	Crazy/Beautiful	Կառլոս Նունիես
2001	ֆ	Ջո Ռայդ	Joy Ride	Նավաստի
2002	ֆ	Նորեկը	The Rookie	Խոակին «Ուոք» Կամպոս
2002	ս	Ամերիկյան ընտանիք	American Family	Սիսկո Գոնսալես
2004	ֆ	Պտտող պահ	Torque	Դալթոն
2004	ֆ	Թիմ 49։ Հրե աստիճան	Ladder 49	Քիթ Փերես
2004	ֆ	Փառքի շողերում	Friday Night Lights	Բրայան Չավես
2005-2007	ս	Կարաս	鴉	Նուե
2005	ֆ	Քոչվորը	Көшпенді	Երալի
2005	ֆ	Հոսթել	Hostel	Փեքսթոն
2005	ֆ	Կառլիտոյի ուղին 2։ Իշխանության վերելքը	Carlito’s Way: Rise to Power	Կառլիտո Բրիգանտե
2006	ֆ	Համաշխարհային առևտրի կենտրոն	World Trade Center	Դոմինիկ Պեցուլո
2006	ֆ	—	Ripper	Բրեդ Սանդերս
2006-2007	ս	Վեցնյակ	Six Degrees	Կառլոս Գրին
2007	ֆ	Գրայնդհաուս	Grindhouse	Բոբի
2007	ֆ	Շնորհակալության օր	Thanksgiving	Բոբի
2007	ֆ	Live!	Live!	Պաբլո
2007	ֆ	Հոսթել 2	Hostel: Part II	Փեքսթոն
2008	ֆ	Ամերիկյան որդի	American Son	Ջունիոր Մորալես
2008	ֆ	Բարի գալուստ Լեյքվյու	Lakeview Terrace	Խավիեր Վիլլառեալ
2008	ֆ	Կարանտին	Quarantine	Ջեյք
2008	ֆ	Տոնի հետ ոչինչ չի կարող համեմատվել	Nothing Like the Holidays	Օզզի
2009	ֆ	Մարմնի խորամանկություն	Body Politic	Բեն
2010	ֆ	Ավազակ տղաներ	Takers	Էդդի Հաթչեր
2010	ֆ	Ինձ ապաստան տուր	Gimme Shelter	Փոլ Օ'Բրայեն
2011	ֆ	Մեծն Գեթսբին հինգ րոպեում	The Great Gatsby in Five Minutes	Ջեյ Գեթսբի
2012	ֆ	ԼՕԼ	LOL	Ջեյմս
2012	ս	Վերջին հույսը	Last Resort	Փոլ Ուելս
2013	ս	Նեշվիլ	Nashville	Դանտե Ռիվաս
2013	ս	Ուրվական աղջիկները	Ghost Ghirls	գործակալ Սանչես
2013	ֆ	Շարքային հեծելակ	Trooper	Կառլոս Կոտո
2014	ս	Վտանգավոր կապեր	Gang Related	Դենիել Աքոստա
2015	ֆ	Մաքս	Max	սերժանտ Ռեյես
2015	ֆ	Գիշերը դեռ սկսվում է	The Night Is Young	Դին
2015-2016	ս	Տարածություն	The Expanse	Դմիտրի Հեյվլոք
2016	ֆ	Շատ վատ մայրիկները	Bad Moms	Ջեսի Հարքնես
2016	ֆ	Ինքնասպանների ջոկատ	Suicide Squad	Էլ Դիաբլո / Չատո Սանտանա
2017	ֆ	—	Double Dutchess: Seeing Double	ջիմմի Ռոհաս
2017	ֆ	Շատ վատ մայրիկները 2	A Bad Moms Christmas	Ջեսի Հարքնես
2017	ս	Սկանդալ	Scandal	Քյորթիս Փրայս
2017	ֆ	Պայծառություն	Bright	Ռոդրիգես
2018-2021	ս	Մասնավոր հետախույզ Մագնում	Magnum, P.I.	Թոմաս Մագնում
2019	մֆ	Խաղալիքների պատմություն 4	Toy Story 4	Հայր Բոննի
2019	ս	Բոջեք Հորսմեն	BoJack Horseman	ինքն իրեն
2019	ս	Հավայի 5.0	Hawaii Five-0	Թոմաս Մագնում

Մրցանակներ և անվանակարգեր

Տարի	Մրցանակաբաշխություն	Անվանակարգ	Արդյունք	Ֆիլմ
2002	ALMA Awards	Կինոֆիլմի անվանի դերասան	Առաջադրված	Խենթ և գեղեցիկ
2006	Fangoria Chainsaw Awards	Տղա,ում հետ չես ուզենա գործ ունենալ		Հոսթել
2006	Teen Choice Awards	Ֆիլմ՝ ընտրության ճիչ		Հոսթել
2020	National Hispanic Media Coalition Impact Awards	Հեռուստասերիալի անվանի դերասան	Հաղթանակ	Մասնավոր հետախույզ Մագնում

Ծանոթագրություններ

Վիքիպահեստն ունի նյութեր, որոնք վերաբերում են «Ջեյ Էռնանդես» հոդվածին։

[1]

[2]

[3]

[4]

[5]

[6]

[7]

[8]

[9]

[10]

Search