Խաղալիքների պատմություն 4
«Խաղալիքների պատմությունը 4», ամերիկյան 3D կատակերգական մուլտֆիլմ, որի պրեմիերան տեղի է ունեցել 2019 թվականի հունիսի 20-ին։ Այն «Խաղալիքների պատմությունը» ֆիլմի չորրորդ մասն է։ Արտադրությամբ զբաղվել է Pixar անիմացիոն ստուդիան, տարածման իրավունքը Walt Disney Pictures-ինն է։ Ռեժիսորներն են Ջոն Լեսսետերը և Ջոշ Կուլին[12]։
Սյուժե
Սյուժեն խաղալիքներ Վուդիի, Բազե Լայտերեի և նրանց ընկերների վրա է կենտրոնացած։ Գործողությունները տեղի են ունենում այն բանից հետո, երբ նրանց նախկին սեփականատեր Էնդին դրանց տալիս է Բոնի անունով մի աղջկա։ Սյուժեն կառուցված է Վուդիի շուրջ, ով ցանկանում է վերամիավորվել Բո Պիպի հետ, ում տվել են այլ մարդկանց մինչև «Խաղալիքների պատմություն 3»-ում տեղի ունեցած իրադարձությունները։
Հնչյունավորում
| Կերպար | Կատարող | |
|---|---|---|
| Վուդի | Թոմ Հենքս | |
| Բազ Լայթեր[13] | Թիմ Ալեն | |
| Դոլի | Բոնի Հանտ | |
| տիկին Դէվիս | Լորի Մետկալֆ | |
| Ջեսի | Ջոան Կյուսակ | |
| Բո Պիպ | Էննի Փոթս | |
| Լյութիկ | Ջեֆ Հարլին | |
| Բարբի | Ջոդի Բենսոն | |
| տիկին Կարտոֆիլի գլուխ | Էսթել Հարիս | |
| Ջուլիա Անդերսոն | Լորի Ալան | |
| Ծաղրածու | Բադ Լաքի | |
| այլմոլորակայիններ | Ջեֆ Պիջոն |
Արտադրություն
Լի Անկրիչը ի սկզբանե հայտարարել է, որ «Խաղալիքների պատմությունը» մուլտֆիլիմի չորրորդ մասը չի ծրագրվում. «Ես ցնցված եմ նրանով, որ մարդիկ հարցնում են դրա մասին։ Դա ինձ հիշեցնում է այն մասին, թե ինչպես են մարդիկ սիրում հերոսներին, սակայն ինձ համար ֆիլմում ամենակարևորն այն է, որ մենք ուղղակի չենք ստեղծում ևս մեկ սերիալ, ուղղակի չենք ստեղծել ևս մեկ ֆիլմի կցորդ, որը ստեղծված է մեկ այլ ֆիլմի մոտիվներով»[14]։ Նաև հաղորդվել է, որ Հենքսոնի և Ալենի հետ պայմանագրեր են կնքվել «Խաղալիքների պատմությունը» մուլտֆիլմի չորրորդ մասի վերաբերյալ[15]։ BBC-ի հետ հարցազրույցի ժամանակ Հենքսը ասել է, որ Pixar-ն աշխատում է մուլտֆիլմի ուղղությամբ[16]։ Walt Disney-ը հերքել է այդ խոսակցությունները[17]։
Walt Disney Pictures-ը պաշտոնապես հայտարարվել է մուլտֆիլմի վրա աշխատանքների սկզբի մասին ներդրողների հետ խոսակցության ժամանակ, 2014 թվականի նոյեմբերի 6-ին[18]։ Ջոն Լեսետերը կդառնա ռեժիսորը, իսկ սցենարը կգրվի Ռաշիդ Ջոնսի և Վիլ ՄըքՔորմակի կողմից[19][20]։ Լեսետերը հայտարարել է, որ Pixar-ը որոշել է թողարկել շարունակությունը` մուլտֆիլմի հանդեպ հետաքրքրվածության պատճառով։ Լասետերը ակնարկել է, որ «Խաղալիքների պատմություն 4» լինելու է սիրո մասին։ 2015 թվականի մարտին Pixar-ի նախագահը Ջին Մարիսը հայտարարել է, որ ֆիլմը չի լինի 3-րդ մասի շարունակությունը, այն կունենա անկախ սյուժե։ Նույն ամսում Ջոն Կուլին դառնում է «Խաղալիքների պատմություն 4» ֆիլմի ռեժիսոր։ 2015 թվականի օգոստոսին Լեսետերն ասել է, որ ֆիլմը նվիրված կլինի Վուդիի և Բո Պիպի սիրավեպին։ 2016 թվականի մայիսին Հենքսը հաստատել է, որ նա վերջացրել է Վուդիի կրկնօրինակման առաջին մասը[21][22]։
Ծանոթագրություններ
 | Վիքիպահեստն ունի նյութեր, որոնք վերաբերում են «Խաղալիքների պատմություն 4» հոդվածին։ |