Ռայմունդու Կոռեյա
Ռայմունդու Կոռեյա (իսկական անուն-ազգանունը՝ Ռայմունդու դա Մորժա դի Ասևեդու Կոռեյա. պորտ.՝ Raimundo Correia, մայիսի 13, 1859[1][2], Սան Լուիս (Մարանյան), Բրազիլիա - սեպտեմբերի 13, 1911[1][2], Փարիզ), 19-20-րդ դարերի բրազիլացի բանաստեղծ, իրավաբան, դատավոր։ Օլավու Բիլակի և Ալբերտու դի Օլիվեյրայի հետ հետ մեկտեղ կազմել է բրազիլացի բանաստեղծների պառնասյան դպրոցի նշանավոր եռյակը։ Եղել է Բրազիլական գրականության ակադեմիայի հիմնադիր անդամներից մեկը. այդ կաճառում հիմնադրման ժամանակվանից մինչև իր մահը (1897-1911 թթ.) զբաղեցրել է 5-րդ աթոռը[3]։
Ռայմունդու Կոռեյա | |
|---|---|
 | |
| Ծնվել է | մայիսի 13, 1859[1][2] |
| Ծննդավայր | Սան Լուիս (Մարանյան), Բրազիլիա |
| Վախճանվել է | սեպտեմբերի 13, 1911[1][2] (52 տարեկան) |
| Վախճանի վայր | Փարիզ |
| Մասնագիտություն | բանաստեղծ, գրող, բանաստեղծ-փաստաբան և դատավոր |
| Քաղաքացիություն | .svg){kind=small} Բրազիլիա |
| Կրթություն | Սան Պաուլուի համալսարան |
| Անդամակցություն | Բրազիլական գրականության ակադեմիա |
| Ազգականներ | Rodolfo Gustavo da Paixão Filho? |
 Raimundo Correia Վիքիպահեստում | |
Կենսագրություն
Ծնվել է Սան Լուիսի նավահանգստում խարիսխ գցած նավի վրա; Սովորել է Պեդրու Երկրորդի անվան քոլեջում, ուսումը շարունակել է Սան Պաուլուի համալսարանի իրավաբանական ֆակուլտետում, որն ավարտելուց հետո աշխատել է Ռիո դե Ժանեյրոյում ու Մինաս Ժերայսի նահանգում, սկզբում՝ որպես հաշտարար դատավոր, ապա՝ Սան Գոնսալու դու Սապուկայի դատական շրջանի գլխավոր տնօրեն[4] (ի դեպ, Ռայմունդուի հայրը նույնպես իրավաբան էր)։
Մահացել է Փարիզում, ուր գնացել էր տուբերկուլյոզից ապաքինվելու նպատակով[5]։
Ստեղծագործությունը
Բանաստեղծական իր առաջին ժողովածուն՝ 'Primeiros Sonhos' խորագրով, լույս է ընծայել 1879 թվականին։ Կրել է ռոմանտիկ բանաստեղծներ Կաստրու Ալվիսի, Ֆագունդես Վարելայի, Կազիմիրու դի Աբրեուի ազդեցությունը, որոնց ավանդույթները զարգացնելով՝ ստեղծել է իր ինքնատիպ ոճը։ Համարվում է խորհրդապաշտության (սիմվոլիզմի) հիմնադիրներից մեկը բրազիլական գրականության մեջ։
Իր չափածո երկերով որոշակի ազդեցություն է գործել իրեն հաջորդած բրազիլացի բանաստեղծների ստեղծագործության վրա։
Երկեր
- Primeiros Sonhos (1879)
- Sinfonias (1883)
- Versos e Versões (1887)
- Aleluias (1891)
- Poesias (1898)
Գրականություն
Ծանոթագրություններ
Արտաքին հղումներ
- Raimundo Correia's biography at the official site of the Brazilian Academy of Letters
- Raimundo Correia(պորտ.)
| Նախորդող՝ Bernardo Guimarães (patron) |  Brazilian Academy of Letters - Occupant of the 5th chair 1897 — 1911 | Հաջորդող՝ Oswaldo Cruz |
 | Վիքիպահեստն ունի նյութեր, որոնք վերաբերում են «Ռայմունդու Կոռեյա» հոդվածին։ |