Ռուպերտ Մերդոք
Քեյթ Ռուպերտ Մերդոք[8] (անգլ.՝ Keith Rupert Murdoch, մարտի 11, 1931, Մելբուռն, Ավստրալիա, Ավստրալիա), Ավստրալիայում ծնված ամերիկացի մեդիա մագնատ։ Մերդոքը 1952 թվականին հորից՝ սըր Քեյթ Արթուր Մերդոքից ժառանգեց News Corp Australia ընկերությունը և դարձավ դրա տնօրենը[9][10]։ News Corporation համաշխարհային մեդիա հոլդինգի՝ աշխարհի երկրորդ ամենամեծ մեդիա կոնգլամերատի հիմնադիրը, նախագահն ու գործադիր տնօրենն է։ 2013 թվականի հունիսի 28-ին կոնգլոմերատի փլուզումից հետո դարձավ նաև News Corp Australia-ի և 21st Century Fox-ի նախագահը[11][12][13][14]։
Ռուպերտ Մերդոք անգլ.՝ Keith Rupert Murdoch | |
---|---|
Ծնվել է | մարտի 11, 1931 (93 տարեկան) |
Ծննդավայր | Մելբուռն, Ավստրալիա |
Քաղաքացիություն | ԱՄՆ[1] |
Կրոն | կաթոլիկություն |
Կրթություն | Վուստեր քոլեջ, Օքսֆորդի համալսարան (1953) և Գիլոնգի քերականության դպրոց |
Մասնագիտություն | խմբագիր, ձեռնարկատեր, ֆինանսիստ, հրատարակիչ և գործարար |
Ամուսին | Աննա Մերդոք Մեն[2], Վենդի Դենգ Մերդոք[2], Ջերրի Հոլ և Patricia Booker?[2] |
Ծնողներ | հայր՝ Քիթ Մերդոք[2], մայր՝ Էլիզաբեթ Մերդոք[2] |
Զբաղեցրած պաշտոններ | նախագահ, executive chairman?, executive chairman?, executive chairman?, դերասանական արվեստ, նախագահ և նախագահ |
Կուսակցություն | ԱՄՆ Հանրապետական կուսակցություն |
Պարգևներ և մրցանակներ | |
Երեխաներ | Ջեյմս Մերդոք[7][2], Էլիզաբեթ Մերդոք[7][2], Լաքլան Մերդոք[7][2], Grace Helen Murdoch?[7][2], Chloe Murdoch?[7][2] և Prudence Murdoch?[7][2] |
Rupert Murdoch Վիքիպահեստում |
1950-ականներին և 1960-ականներին Ավստրալիայում և Նոր Զելանդիայում բազում թերթեր գնեց՝ նախքան 1969 թվականին Միացյալ Թագավորություն տեղափոխվելը, որտեղ ձեռք բերեց News of the World-ը, որից քիչ անց նաև The Sun-ը։ 1974 թվականին տեղափոխվում է Նյու Յորք՝ գրավելու ամերիկյան շուկան, սակայն Ավստրալիան և Բրիտանիան դեռևս նրա հետաքրքրությունների շրջանակում էին։ 1981 թվականին գնեց Թայմսը և 1985 թվականին դարձավ ԱՄՆ քաղաքացի՝ որպեսզի բավարարի ԱՄՆ հեռուստատեսության սեփականատիրության պահանջներին[10]։
1986 թվականին ցանկություն ունենալով ձեռք բերել ավելի նոր էլեկտրոնային տպագրման տեխնոլոգիաներ՝ ամրապնդեց իր բրիտանական տպագրական գործունեությունը՝ Վափինգում, որն արտադրական սուր քննարկումների առիթ դարձավ։ Նրա News Corporation-ը 1985 թվականին ձեռք բերեց Twentieth Century Fox-ը, 1989 թվականին՝ HarperCollins-ը[15] և 2007 թվականին՝ The Wall Street ամսագիրը։ 1990 թվականին հիմնադրեց բրիտանական BSkyB հեռուստահեռարձակման ընկերությունը և 1990-ական թվականներին մուտք գործեց ասիական ցանցեր և հարավամերիկյան հեռուստաընկերություն։ 2000 թվականին Մերդոքի News Corporation-ն ուներ 800 ընկերություն ավելի քան 50 երկրներում՝ 5 մլրդ ԱՄՆ դոլար ընդհանուր արժողությամբ։
2011 թվականի հուլիսին Մերդոքին մեղադրեցին այն բանի մեջ, որ իր ընկերությունները՝ ներառյալ News of the World-ը, որը պատկանում էր News Corporation-ին, պարբերաբար գաղտնալսել է հայտնի անձանց, թագավորական ընտանիքի անդամների և հասարակական քաղաքացիների հեռախոսները։ Բրիտանական կառավարության և ԱՄՆ-ի Հետազոտությունների դաշնային բյուրոյի կողմից հետաքննվում է կաշառակերության կասկածով[16][17]։ 2012 թվականի հուլիսի 21-ին Մերդոքը հրաժարական է տալիս News International-ի տնօրենի պաշտոնից[18][19]։ 2015 թվականի հուլիսի 1-ին հեռանում է նաև 21st Century Fox-ի գործադիր տնօրենի պաշտոնից[20]։
Ծանոթագրություններ
Արտաքին հղումներ
- Rupert Murdoch collected news and commentary at The Economist
- Profile at Forbes Արխիվացված 2012-05-08 Wayback Machine
- Murdoch, Rupert (1931–) resources from Trove at the National Library of Australia
- Bill Moyers on Rupert Murdoch, 29 June 2007
- Arsenault, A & Castells, M. (2008) Rupert Murdoch and the Global Business of Media Politics Արխիվացված 2008-08-20 Wayback Machine. International Sociology. 23(4)
- Rupert Murdoch's News Corp. Gives Big To GOP – audio report by NPR
Վիքիպահեստն ունի նյութեր, որոնք վերաբերում են «Ռուպերտ Մերդոք» հոդվածին։ |