Սեխով բուլկի
Սեխով բուլկի (ճապ.՝ メロンパン, ինչպես նաև սեխով հաց կամ մելոն պան), քաղցր բուլկիների տեսակ Ճապոնիայում, որը նաև շատ հայտնի է Թայվանում, Չինաստանում և Լատինական Ամերիկայում։ Ստեղծվել է արաջին համաշխարհային պատերազմից հետո հայ հացթուխից՚ Հովհանես Ղեվենյան (Իվան Սագոյան) Տոկիոում[1]։
Ենթատեսակ | Բուլկի |
---|---|
Առաջացման երկիր | Ճապոնիա |
Հիմնական | խմոր |
Melonpan Վիքիպահեստում |
Անվանում
Անվանման ստուգաբանությունը հիմնվում է երկու լեզուների վրա. melon («սեխ») բառը փոխառնվել է անգլերենից, իսկ pan (հաց) բառը՝ պորտուգալերենից[2]։
Պատրաստում
Սեխով բուլկիները պատրաստում են սովորական խմորից, որը վերևից պատված է թխվածքաբլիթի փխրուն խմորի բարակ շերտով։ Նրանց արտաքին տեսքը հիշեցնում է կանտալուպ սեխը։ Սովորաբար նրանք սեխի համ չեն ունենում[3], սակայն վերջին ժամանակներս արտադրողների շրջանում մեծ տարածում է ստացել բուլկիներին սեխ ավելացնելը։ Գոյություն ունեն շոկոլադով, կարամելով, թխկու օշարակով, երբեմն էլ հարած սերուցքով կամ կրեմով պատրաստած տարբերակները։
Ընդհանուր տեղեկություններ
Կինկի, Տյուգոկու և Սիկոկու շրջանների որոշ մասերում արևի ճառագայթների տեսքով պատրաստած բուլկիները կոչվում են «արևածագ»[4]։
Սեխի բուլկիները շատ նման են Հոնկոնգի՝ արքայախնձորից պատրաստված բուլկիներին։ Սակայն ճապոնական արտադրանքը ավելի թեթև է քաշով և համով, առավել չոր է և ունի ամուր արտաքին շերտ (տոպինգ), որն ավելի դժվար է կոտրել, քան հոնկոնգյան տարբերակը, որտեղ բուլկին պետք է զգույշ բռնել, քանի որ վերևի շերտը սովորաբար շերտազատվում է և փշրվում։ Հոնկոնգյան տարբերակը նաև ավելի խոնավ է և, ներսից և դրսից սովորաբար փափուկ է, ունի սերուցքային կարագի ավելի ուժեղ համ։
Տես նաև
Ծանոթագրություններ
Արտաքին հղումներ
- Рецепт дынных булочек
- 『メロンパンの真実』 東嶋和子著 2004年 講談社 ISBN 4-06-212278-2
Վիքիպահեստն ունի նյութեր, որոնք վերաբերում են «Սեխով բուլկի» հոդվածին։ |