Սքոթ Ուոքեր

Վաղ տարիներ, կրթություն և գործունեություն

Սքոթ Ուոքերը ծնվել է Կոլորադո նահանգի Կոլորադո Սփրինգսում՝ Պատրիսիա Էննի և Լեվելին Սքոթ Ուոքերի ընտանիքում։ Մայրը հաշվապահ էր, իսկ հայրը՝ բապտիստական քահանա^[4][5]։ Ընտանիքը տեղափոխվել է Պլեյնֆիլդ, իսկ երբ Ուոքերը դարձել է 10 տարեկան, տեղափոխվել են Դելավան՝ մի քաղաք, որի բնակչությունը 8000 մարդ էր։ Այստեղ հայրը հայտնի քարոզիչ է դարձել^[4][6]։

Միջնակարգ դպրոցում ուսանելու տարիներին Ուոքերը այցելել է «Ամերիկյան լեգեոն» կազմակերպության կողմից իրականացվող երկշաբաթյա ղեկավարության և կառավարման թրեյնինգներին՝ «Badger Boys State»-ը՝ Վիսկոնսինում, և «Boys Nation»-ը՝ Վաշինգտոնում^[7][8]։ Այդ ժամանակ նա Վաշինգտոնում հանդիպել է Ռոնալդ Ռեյգանին, որը դարձել է նրա ոգեշնչողը և կուռքը։ Բոյսկաուտների շարքերում Ուոքերը հասել է ամենաբարձր՝ «Սկաուտ արծիվ» աստիճանի^[4][9]։

1986 թվականին Ուոքերն ավարտել է Դարիենի միջնակարգ դպրոցը^[10] և ընդունվել Միլուոքիի Մարկետտի համալսարան^[11]։ Նա այնտեղ սովորել է չորս տարի, բայց չի ավարտել։ Զուգահեռաբար Ուոքերը աշխատել է «IBM»-ում՝ ոչ լրիվ աշխատանքային օրով^[12]։ 1990-1994 թվականներին աշխատել է Ամերիկյան Կարմիր խաչում։

Քաղաքական գործունեություն

1990 թվականին՝ 22 տարեկանում, Ուոքերն առաջին անգամ առաջադրվել է Վիսկոնսին նահանգի Օրենսդիր ժողովում, սակայն պարտություն է կրել դեմոկրատական կուսակցության ներկայացուցիչ Գվեն Մուրից^[13][14]։ Բայց արդեն 1993 թվականին՝ արտահերթ ընտրություններում, նա հաղթել է դեմոկրատ Քրիս Ամենթին^[12][15]։ Ուոքերը վերընտրվել է չորս անգամ և աշխատել օրենսդիր ժողովում մինչև 2002 թվականը, երբ դարձել է Միլուոքի շրջանի գործադիր իշխանության ղեկավարը։

Օրենսդիր ժողովում աշխատելիս Ուոքերը հատուկ հետաքրքրություն է ցուցաբերել քրեական արդարադատության ոլորտի նկատմամբ և եղել ուղղիչ հիմնարկների և դատարանների կոմիտեի նախագահ^[16]։ Տարիներ շարունակ նա աշխատել է մի շարք այլ կոմիտեներում, այդ թվում՝ առողջապահության կոմիտեում, ֆինանսական ինստիտուտների կոմիտեում և բնակարանային շինարարության կոմիտեում։ Նա այն օրինագծի ընդունման ակտիվ կողմնակից էր, որն ընտրությունների ժամանակ ընտրողներին պարտադրել է ներկայացնել լուսանկարների վկայականներ։

2009 թվականի ապրիլի վերջին Ուոքերը առաջադրել է իր թեկնածությունը Վիսկոնսինի նահանգապետի պաշտոնում^[17]։ 2010 թվականի սեպտեմբերի 14-ին նա հաղթել է բաց նախնական ընտրություններում՝ ստանալով ընտրողների ձայների 59%-ը, մինչդեռ նախկին կոնգրեսական Մարկ Նյումանը հավաքել է 39%^[18]։ 2010 թվականի նոյեմբերի 2-ին Ուոքերը հաղթել է համընդհանուր ընտրություններում՝ հավաքելով ձայների ընդհանուր թվի 52%-ը, իսկ նրա մրցակից դեմոկրատ Թոմ Բարեթը՝ 46%^[19]։

Քաղաքական դիրքորոշումներ

Ուոքերը ցանկացած պարագայում դեմ էր աբորտներին, այդ թվում՝ բռնաբարության, արյունապղծության կամ մոր կյանքը պաշտպանելու դեպքում^[20][21]։ Նա աջակցում է սեռական լուսավորությանը, հանրային դպրոցներում սահմանափակ ժուժկալությանը, ինչպես նաև դեմ է պետության կողմից աջակցվող առողջապահական ծառայություններին, որոնք ապահովում են մինչև 18 տարեկան անձանց առանց ծնողների համաձայնության ծննդյան վերահսկողության, թեստավորման և սեռական հիվանդությունների բուժման գործընթացը։ Նա պաշտպանում է դեղագործների իրավունքը հրաժարվել դեղատոմսերը կրոնական կամ բարոյական նկատառումներով լրացնելուց^[20][22]։ Ուոքերն աջակցում է մեծահասակների ցողունային բջիջների հետազոտությանը, սակայն դեմ է մարդու սաղմնային ցողունային բջիջների հետազոտությանը^[15][23]։

Անձնական կյանք

1993 թվականի փետրվարին Ուոքերը ամուսնացել է Տոնետա Տարանտինոյի հետ^[24]։ Նրանք ունեցել են երկու երեխա՝ Ալեքսը և Մեթը^[25][26]։ Ամուսինները Վաուվատոսի միջկրոնական ավետարանական եկեղեցու անդամներ են^[27]։

• «Office of the Governor Scott Walker» (անգլերեն). Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Biography» (անգլերեն). National Governors Association. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Biography, interest group ratings, public statements, vetoes and campaign finances» (անգլերեն). Project Vote Smart. Արխիվացված է օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Biography» (անգլերեն). The Washington Post. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Issue positions and quotes» (անգլերեն). On the Issues. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Campaign contributions» (անգլերեն). FollowTheMoney.org. Արխիվացված է օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Appearances» (անգլերեն). C-SPAN programs. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «Profile» (անգլերեն). Notable Names Database. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.
• «2011 State Budget Battle» (անգլերեն). Milwaukee Journal Sentinel. Արխիվացված օրիգինալից 2012 թ․ հուլիսի 10-ին. Վերցված է 2012 թ․ մայիսի 28-ին.