Վատրոսլավ Լիսինսկու անվան համերգասրահ
Վատրոսլավ Լիսինսկու անվան համերգասրահ (խորվ.՝ Koncertna dvorana Vatroslava Lisinskog), մեծ համերգասրահ, հանդիսությունների կենտրոն Խորվաթիայի մայրաքաղաք Զագրեբում։ Անվանվել է 19-րդ դարի խորվաթ կոմպոզիտոր Վատրոսլավ Լիսինսկու անունով[5]։ Կառույցն ունի 1841 նստատեղ ունեցող մեծ սրահ և 305 նստատեղ ունեցող փոքր սրահ[5]։ Մեծ նախասրահը կրկնապատկում է ցուցահանդեսային տարածքը[5]։
Տեսակ | համերգասրահ և կոնֆերանսների կենտրոն |
---|---|
Երկիր | Խորվաթիա |
Տեղագրություն | Trnje? և Զագրեբ |
Վայր | Martinovka? |
Հասցե | Trg Stjepana Radića 4, 10000 Zagreb[1]10000 |
Անվանված է | Վատրոսլավ Լիսինսկի |
Հիմնադրված է | 1973 |
Բացված | դեկտեմբերի 28, 1973[2] |
Ճարտարապետ | Marijan Haberle? |
Պարգևներ | |
Իրադարձություններ | Որոշման ընդունում, շինարարություն, բացում[2] և opening ceremony?[2] |
Ժառանգության կարգավիճակ | Register of Cultural Goods of Croatia?[4] |
Պաշտոնական կայք |
Պատմություն
Զագրեբում բազմաֆունկցիոնալ սրահ կառուցելու մասին որոշումն ընդունվել է 1957 թվականին[6]։ Շենքի դիզայնի մրցույթը շահել է Մարիան Հաբերլեի գլխավորած ճարտարապետների խումբը[6]։ Շինարարությունը սկսվել է 1961 թվականին[6], սակայն 1964 թվականին Զագրեբում տեղի ունեցած ջրհեղեղի ու ֆինանսական դժվարությունների պատճառով շինարարության ավարտումը ձգձգվել է[7]։ Սրահը բացվել է 1973 թվականի դեկտեմբերի 29-ին[7]։
Համերգասրահը կազմակերպել է տարբեր ժանրերի երաժիշտների մի շարք համերգներ, հաճախակի հանդես են գալիս խորվաթ հայտնի երգիչներ Միրոսլավշկորոն, Մարկո Պերկովիչը։ Համերգասրահը ծառայում է որպես դասական երաժշտության, օպերայի, բալետային և թատերական ներկայացումների համար բեմ, ինչպես նաև բազմաթիվ միջազգային համաժողովների և հանդիսությունների վայր[5]։ Գործունեության առաջին 30 տարիների ընթացքում կենտրոնն ունեցել է 10 միլիոն այցելու[8]։ 2007 թվականին սրահում կազմակերպվել է 450 միջոցառում, որին մասնակցել է շուրջ 760000 մարդ[5]։
1989 թվականի վերանորոգումից հետո 1990 թվականին Վատրոսլավ Լիսինսկու անվան համերգասրահում է կազմակերպվել Եվրատեսիլ երգի մրցույթը[9][10]։ 1992 թվականին ամբողջությամբ փոխվեց կենտրոնի պղնձե տանիքը[10]։ Հետագա վերակառուցման և հարդարման աշխատանքները կատարվել են 1999 և 2009 թվականներին[11][12]։
Ծանոթագրություններ
Արտաքին հղումներ
- Պաշտոնական կայք
- Virtual tour Արխիվացված 2011-08-08 Wayback Machine
Վիքիպահեստն ունի նյութեր, որոնք վերաբերում են «Վատրոսլավ Լիսինսկու անվան համերգասրահ» հոդվածին։ |
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |